Páirtnéireachtaí sibhialta agus páirtnéireachtaí cláraithe
Más saoránach den Aontas thú atá i do chónaí i mBallstát eile, is féidir le do theaghlach, do pháirtí cláraithe san áireamh, teacht leat.
Warning
Más saoránach den Aontas thú nár chónaigh riamh i mBallstát eile, ní bheidh feidhm ach ag na rialacha náisiúnta.
Má tá tú i bpáirtnéireacht chláraithe idir beirt den ghnéas chéanna, ba cheart do do thír óstach cearta cónaithe a dheonú do do pháirtí faoi na coinníollacha céanna a bhfuil feidhm acu maidir le páirtithe cláraithe nó gaolta eile.
Is náisiúnach den Aontas Eorpach é do pháirtí
Mar náisiúnach den Aontas, féadfaidh do pháirtí cláraithe cónaí i do thír óstach den Aontas faoina cheart nó faoina ceart féin, de réir na gcoinníollacha a bhaineann le náisiúnaigh den Aontas. Má tá do pháirtí cláraithe ag obair nó ag lorg poist, má fhaigheann sé/sí pinsean nó má tá sé/sí ag déanamh staidéir, féach na coinníollacha agus na foirmiúlachtaí maidir leis an méid seo a leanas:
Fanacht mar chleithiúnaí
Mura bhfuil sé beartaithe ag do pháirtí a bheith ag obair, post a lorg nó staidéar a dhéanamh, agus mura bhfaigheann sé/sí pinsean, is féidir leis/léi teacht in éineacht leat mar bhall teaghlaigh. Caitheann roinnt tíortha san Aontas le páirtnéireachtaí cláraithe ar an dóigh chéanna a gcaitheann siad le lánúineacha pósta. Sa chás sin, ba cheart duit seiceáil a dhéanamh ar na cearta cónaithe agus na coinníollacha is infheidhme maidir le céilí.
Tá tíortha eile san Aontas nach n-aithníonn gurb ionann páirtnéireachtaí cláraithe agus pósadh. Féach na cearta cónaithe agus na coinníollacha is infheidhme do ghaolta eile nó faigh tuilleadh eolais faoi aitheantas a thabhairt do pháirtnéireachtaí cláraithe san Eoraip.
Ní náisiúnach den Aontas Eorpach é do pháirtí
Caitheann roinnt tíortha san Aontas le páirtnéireachtaí cláraithe ar an dóigh chéanna a gcaitheann siad le lánúineacha pósta. Déan seiceáil ar na cearta cónaithe agus na coinníollacha is infheidhme do chéilí nach saoránaigh den Aontas iad. Tá tíortha eile ann san Aontas nach n-aithníonn gurb ionann páirtnéireachtaí cláraithe agus pósadh, ach d’fhéadfadh do pháirtí cláraithe teacht in éineacht leat faoi na coinníollacha céanna a bhaineann le baill teaghlaigh eile. Déan seiceáil ar na cearta cónaithe agus na coinníollacha is infheidhme do ghaolta eile nach saoránaigh den Aontas iad.
Tuilleadh eolais faoin aitheantas a thugtar do pháirtnéireachtaí cláraithe san Eoraip.