Gnólacht a reáchtáil i dtionscal na turasóireachta
Tionscal turasóireachta na hEorpa a thuiscint
Tá ról ríthábhachtach ag earnáil na turasóireachta i ngeilleagar an Aontais, agus na milliúin cuairteoirí ag taisteal laistigh den Aontas agus chuig an Aontas gach bliain. Tá sé ríthábhachtach a bheith ar an eolas faoi phríomhthreochtaí agus príomhthréithe mhargaí na hEorpa, agus iad a thuiscint, ionas gur féidir leat do sheirbhísí agus táirgí turasóireachta a chur in oiriúint dá réir. De réir Eurostat, is cónaitheoirí de chuid an Aontais iad formhór na gcuairteoirí en .
Chun tuilleadh fíricí agus figiúirí a fháil agus chun cabhrú leat do mhargadh a thuiscint, bain úsáid as na foinsí seo a leanas:
- Forléargas Eurostat ar an turasóireacht en
- Deais Turasóireachta an Aontais en
- Ardán Tacaíochta Páirtithe Leasmhara um Chonairí Aistrithe an Aontais en
Príomhcheanglais dhlíthiúla do ghnólachtaí turasóireachta ar líne
Má dhíolann tú seirbhísí nó táirgí turasóireachta ar líne – cuir i gcás lóistín, turais threoraithe, nó iompar — ní mór duit cloí le rialacha an Aontais maidir le ríomhthráchtáil agus ciandíol bg cs da de el en es et fi fr hr hu it lt lv mt nl pl pt ro sk sl sv . San áireamh leis sin tá rialacha maidir le trédhearcacht praghsála, conarthaí custaiméirí, agus cearta cealúcháin.
Chun do thairiscint ar líne a thosú nó a fheabhsú, féach ár dtreoir maidir le do ghnólacht a dhigitiú bg cs da de el en es et fi fr hr hu it lt lv mt nl pl pt ro sk sl sv – san áireamh inti tá eolas maidir le suíomh gréasáin a chur ar bun, é a chur chun cinn ar líne, ardáin tríú páirtí a úsáid, agus seachadtaí nó comhlíonadh a bhainistiú.
Má bhíonn do ghnólacht ag óstáil nó ag bainistiú ábhar arna ghiniúint ag úsáideoirí, amhail léirmheasanna nó liostuithe, d’fhéadfadh feidhm a bheith ag an nGníomh um Sheirbhísí Digiteacha (GSD) en freisin. Tugtar isteach leis freagrachtaí maidir le trédhearcacht, modhnóireacht, agus dul i ngleic le hábhar neamhdhleathach nó míthreorach.
Ní mór duit cloí le rialacha inrochtaineachta an Aontais chomh maith, lena dtugtar sainordú go mbíonn rochtain ag daoine faoi mhíchumas ar sheirbhísí digiteacha amhail suíomhanna gréasáin, bothanna seiceáil isteach, agus aipeanna.
Ar deireadh, agus sonraí custaiméara á láimhseáil – áirithintí, sonraí íocaíochta, nó ríomhphoist mhargaíochta san áireamh – ní mór do do ghnólacht rialacha ginearálta an Aontais maidir le cosaint sonraí (RGCS) bg cs da de el en es et fi fr hr hu it lt lv mt nl pl pt ro sk sl sv a leanúint.
Cearta tomhaltóirí agus tionscal na turasóireachta
Ní mór do gach gnólacht a sholáthraíonn seirbhísí san Aontas cloí leis na rialacha maidir le cosaint tomhaltóirí bg cs da de el en es et fi fr hr hu it lt lv mt nl pl pt ro sk sl sv . Tá rialacha sonracha ann freisin a bhfuil feidhm acu maidir le tionscal na turasóireachta:
- Taisteal láneagraithe agus socruithe taistil nasctha (LTAnna) bg cs da de el en es et fi fr hr hu it lt lv mt nl pl pt ro sk sl sv – seirbhísí cuachta amhail eitiltí agus óstáin, a bhfuil cosaintí sonracha do thomhaltóirí ag gabháil leo
- Conarthaí amroinnte agus scéimeanna saoire fadtéarmacha bg cs da de el en es et fi fr hr hu it lt lv mt nl pl pt ro sk sl sv – rialacha lena gcinntítear an trédhearcacht agus an ceart tarraingt siar
- Cearta paisinéirí – ina measc sin cúiteamh i leith moilleanna agus cealuithe san iompar (aer, iarnród, etc.)
Do chuid freagrachtaí mar fhostóir
Mar fhostóir san Aontas, ní mór duit cloí le rialacha uile-Aontais maidir le téarmaí agus coinníollacha fostaíochta, an tslándáil shóisialta, an tsláinte agus sábháilteacht, agus cóir chomhionann ag an obair. Bíonn feidhm ag na ceanglais sin beag beann ar mhéid do ghnó, nó ar an gcineál fostaíochta a chuirtear ar fáil.
Is minic a bhraitheann tionscal na turasóireachta ar sholáthar foirne solúbtha nó gearrthéarmach, oibrithe séasúracha, conarthaí ar théarma seasta bg cs da de el en es et fi fr hr hu it lt lv mt nl pl pt ro sk sl sv agus róil pháirtaimseartha ina measc. Tá sé tábhachtach a chinntiú go gcloíonn na socruithe sin le caighdeáin an Aontais agus le haon rialacha náisiúnta a d’fhéadfadh a bheith i bhfeidhm.
Faigh tuilleadh eolais faoi d’oibleagáidí mar fhostóir agus faoi shocruithe fostaíochta a bhaineann go sonrach leis an turasóireacht ar leathanaigh na n-acmhainní daonna bg cs da de el en es et fi fr hr hu it lt lv mt nl pl pt ro sk sl sv .
Cánacha sonracha don turasóireacht
Scéim Corrlaigh do Ghníomhairí Taistil (TAMS) le haghaidh CBL
Is scéim shimplithe CBL do ghníomhairí taistil í an Scéim Corrlaigh do Ghníomhairí Taistil. Leagtar síos ann rialacha speisialta le haghaidh seirbhísí áirithe arna gceannach ag gníomhairí taistil agus arna ndíol mar phacáiste (d’fhéadfadh an méid seo a leanas a bheith i gceist, cuir i gcás: iompar chuig an gceann scríbe agus an lóistín agus ar ais uathu, agus táillí isteach chuig na rudaí is díol spéise). Níl CBL dlite ach amháin sa Bhallstát ina bhfuil an gníomhaire taistil lonnaithe, cé gur féidir na seirbhísí a sholáthar i dtír eile. Mar ghníomhaire taistil, ní féidir leat CBL a asbhaint ná a aiséileamh ar sholáthairtí a chuirtear ar fáil duit. Mar sin féin, ní ghearrfar cáin ort ach ar an gcorrlach brabúis a dhéanann tú ar an bpacáiste taistil a chuirtear ar fáil do do chliant.
Scéal samplach
An dóigh a n-oibríonn TAMS do ghníomhairí taistil
Gearrann gníomhaire taistil €2000 ar chliant as turas ceithre lá. €1500 an t-iomlán a ghearrtar ar an tionscnóir turas as seirbhísí éagsúla (seomra óstáin, seirbhísí cóiste, costais taistil) atá san áireamh sa phacáiste. Tríd an scéim corrlaigh do ghníomhairí taistil, ní íocfaidh an gníomhaire taistil ach CBL ar €500, mar is é sin an difríocht (nó an corrlach) idir costas na seirbhísí agus an tsuim a gearradh ar an gcliant.
Rátaí laghdaithe CBL
Faoi rialacha an Aontais, féadfaidh Ballstát a chinneadh ráta laghdaithe CBL bg cs da de el en es et fi fr hr hu it lt lv mt nl pl pt ro sk sl sv a chur i bhfeidhm ar na cineálacha sonracha earraí agus seirbhísí a sholáthraítear. D’fhéadfadh feidhm a bheith acu sin maidir leis na seirbhísí nó táirgí turasóireachta a chuireann tú ar fáil.
Cáin áitíochta turasóirí
Is ar an leibhéal áitiúil, réigiúnach nó náisiúnta a chinntear cánacha áitíochta. Bailítear iad ar chónaitheachtaí gearrthéarmacha i lóistín ar íocaíocht. Is iondúil go ngearrtar cánacha áitíochta in aghaidh an duine, in aghaidh na hoíche, nó in amanna gearrtar iad mar chéatadán de ráta an tseomra. Go ginearálta, sciar beag de chostas foriomlán an lóistín atá sna cánacha áitíochta i gcomparáid le costas an lóistín féin agus fiú an CBL is infheidhme.
In go leor cásanna bíonn cánacha áitíochta iníoctha go pearsanta agus ní féidir iad a chur san áireamh i bpraghas réamhíoctha an lóistín. Dá bhrí sin, bíonn siad infheicthe go háirithe do thaistealaithe nach mór dóibh an cháin sin a íoc ar leithligh leis an soláthraí seirbhíse agus iad ag seiceáil amach.
Cánacha turasóireachta chun feabhas a chur ar an earnáil
Cinntear cánacha turasóireachta ar an leibhéal áitiúil, réigiúnach nó náisiúnta agus úsáidtear iad chun feabhas a chur ar an earnáil agus/nó ar an gceann scríbe, cuir i gcás:
- gníomhaíochtaí cur chun cinn
- bonneagar agus seirbhísí turasóireachta (both eolais, mar shampla)
- glantachán agus bainistiú dramhaíola
Cánacha turasóireachta chun críoch sonrach
Cuirtear roinnt cánacha i leataobh do réimsí nó d’acmhainní sonracha sa cheann scríbe, amhail:
- cánacha comhshaoil nó cánacha glasa
- oidhreacht chultúrtha
- cuspóirí sóisialta
Cánacha glasa
Cánacha glasa – is éard atá i gceist le cánacha chun críoch comhshaoil acmhainní a chaomhnú agus cúiteamh a dhéanamh ar éifeachtaí diúltacha na turasóireachta a d’fhéadfadh a bheith ann. Cruthaíonn siad dreasacht chun an comhshaol agus na hacmhainní atá aige a chosaint agus a athchóiriú, rud a chúitíonn gníomhaíocht na turasóireachta i ngach limistéar. Is ar an leibhéal áitiúil, réigiúnach nó náisiúnta a chinntear na cánacha sin, agus cuidíonn siad chun an méid seo a leanas a dhéanamh:
- cistí a chruthú ionas gur féidir leis na cinn scríbe infheistíocht a dhéanamh i bhfeabhsúcháin amhail cosaint an chomhshaoil nó aisghabháil acmhainní
- feasacht faoin gcomhshaol a spreagadh i measc turasóirí maidir leis an úsáid a bhaineann siad as acmhainní na gceann scríbe
- íomhá dhearfach den cheann scríbe agus de na cuideachtaí atá lonnaithe ann a chur chun cinn trína léiriú gur ábhar imní dóibh an comhshaol
Éicilipéad an Aontais le haghaidh lóistín do thurasóirí
Chun do thiomantas don chomhshaol a léiriú, seans gur mhaith leat páirt a ghlacadh in éicilipéad an Aontais le haghaidh lóistín do thurasóirí en , deimhniú oifigiúil an Aontais le haghaidh seirbhísí turasóireachta atá neamhdhíobhálach don chomhshaol. Aithníonn sé lóistíní a chomhlíonann ardchaighdeáin maidir le héifeachtúlacht fuinnimh, laghdú dramhaíola agus úsáid inbhuanaithe uisce.
Féadfaidh gnólachtaí a fhaigheann an t-éicilipéad en tairbhe a bhaint as cáil fheabhsaithe, tóir níos mó ag taistealaithe éicea-chomhfhiosacha orthu, agus ailíniú le spriocanna comhshaoil an Aontais.
Turasóireacht agus inrochtaineacht
Tá sé de cheart ag daoine faoi mhíchumas rochtain a fháil ar ghníomhaíochtaí agus ar sheirbhísí turasóireachta ar bhonn comhionann le daoine eile. Cinntíonn rialacha an Aontais inrochtaineacht táirgí agus seirbhísí do dhaoine faoi mhíchumas ar fud an Aontais.
Má chuireann do ghnólacht turasóireachta aon cheann de na nithe seo a leanas ar fáil, féadfaidh feidhm a bheith ag rialacha inrochtaineachta an Aontais:
- suíomhanna gréasáin áirithinte, ardáin ríomhthráchtála nó aipeanna móibíleacha
- meaisíní ticéadaithe agus meaisíní seiceáil isteach
- bealaí seirbhíse do chustaiméirí agus uirlisí cumarsáide digití
- seirbhísí iompair (iarnród, aer, bus agus uisce)
Cén fáth ar cheart feabhas a chur ar an inrochtaineacht?
- oibleagáidí dlíthiúla a chomhlíonadh
- teacht ar bhonn cliant níos leithne: ar an meán, tabharfaidh gach beirt aíonna faoi mhíchumas compánach/cúntóir pearsanta leo
- taisteal le linn an tséasúir chiúin a spreagadh: b’fhearr le roinnt seanóirí agus daoine faoi mhíchumas taisteal le linn an tséasúir chiúin
- cur leis an gcáil atá ar do ghnólacht ó thaobh na cuimsitheachta de
Conas na ceanglais inrochtaineachta a chomhlíonadh
- cloí le caighdeáin Eorpacha maidir le táirgí agus seirbhísí inrochtana TFC en nó caighdeáin tionscail amhail treoir Chuibhreannas an Ghréasáin Dhomhanda (W3C) en maidir le comhpháirteanna riachtanacha le haghaidh inrochtaineacht gréasáin
- oiliúint a chur ar d’fhoireann chun riachtanais éagsúla a aithint agus freagairt orthu
Bonneagar fisiciúil inrochtana a chur ar fáil, amhail:
- rampaí, ardaitheoirí agus seomraí folctha oiriúnaithe inrochtana
- cuntair níos ísle le haghaidh deasca oifige do chustaiméirí
- spásanna páirceála tiomnaithe (cárta páirceála an Aontais do dhaoine faoi mhíchumas bg cs da de el en es et fi fr hr hu it lt lv mt nl pl pt ro sk sl sv )
Maoiniú ón Aontas don turasóireacht
Bain úsáid as an Treoir maidir le maoiniú ón Aontas don turasóireacht chun na cláir tacaíochta airgeadais is fearr a oireann do do riachtanais ghnó a shainaithint.