Lipéid fuinnimh

Is ionad ilfhreastail é an Chlárlann Eorpach Táirgí um Lipéadú Fuinnimh en (EPREL) do thomhaltóirí agus do dhíoltóirí chun teacht ar liosta fairsing lipéad fuinnimh a bhaineann le táirgí atá ar díol ar líne nó as líne. Ní mór gach táirge a dteastaíonn lipéid fuinnimh uathu a chlárú en i mbunachar sonraí EPREL sular féidir iad a dhíol ar mhargadh an Aontais. Is féidir teacht ar eolas faoi tháirgí sa bhunachar sonraí sin freisin.

Is ranguithe dathanna soiléire sothuigthe iad lipéid fuinnimh atá bunaithe ar thomhaltas fuinnimh táirgí. Léiríonn na lipéid ceanglais rialála agus roinnt caighdeán comhshaoil, agus cuireann siad ar do chumas, mar thomhaltóir, roghanna eolasacha a dhéanamh. Déanann lipéid fuinnimh fearais a rangú ar scála ó A go G bunaithe ar thomhaltas fuinnimh:

Is iad fearais Aicme A (glas) a chaitheann an méid is lú fuinnimh – is iad is fuinneamhéifeachtúla.
Is iad fearais Aicme G (dearg) a chaitheann an méid is mó fuinnimh.

Ní amháin go bhfuil feidhm ag rialacha lipéad fuinnimh an Aontais Eorpaigh maidir le fearais teaghlaigh ach le táirgí a bhaineann le fuinneamh freisin – earraí nó córais a mbíonn tionchar acu ar thomhaltas fuinnimh le linn a n-úsáide, e.g. téitheoirí uisce, aerchóiritheoirí, coirí, etc. Mar sin féin, níl feidhm ag na rialacha maidir le táirgí athláimhe ná modhanna iompair earraí ná daoine.

Córas rátála gan comhartha móide

Ó 2021 i leith, úsáideann an córas rátála scála simplí A go G gan an comhartha ‘+’ le haghaidh na gcatagóirí táirgí seo a leanas:

• Cuisneoirí
• Miasniteoirí
• Meaisíní níocháin
• Teilifíseáin, scáileáin, etc.
• Bolgáin solais agus lampaí

Táirgí a bhfuil lipéid ag teastáil ina leith

I gcás grúpaí táirgí áirithe, ní mór lipéad fuinnimh a thaispeáint go soiléir ar gach táirge ag an díolphointe, cuir i gcás:

• Fearais tí
• Téamh, fuarú agus aeráil
• Táirgí leictreonacha
• Foinsí solais
• Boinn

Léigh tuilleadh eolais faoi tháirgí sonracha maidir le ceanglais lipéadaithe fuinnimh agus éicidhearthóireachta en . en

Féach thíos chun tuilleadh eolais a fháil faoi chearta tomhaltóirí i do thír féin.