Earraí agus seirbhísí a dhíol
Laistigh de mhargadh inmheánach an Aontais, ceadaítear saorghluaiseacht earraí, ar choinníoll go gcomhlíonann siad na caighdeáin chearta. Féach leat cé na ceanglais de chuid an Aontais nach mór cloí leo maidir leis na táirgí a dhíolann tú agus cén uair a chaithfidh tú gluaiseacht do chuid earraí a thuairisciú.
- Táirgí a dhíol san Aontas Eorpach bg cs da de el en es et fi fr hr hu it lt lv mt nl pl pt ro sk sl sv
Ag brath ar na seirbhísí a chuireann tú ar fáil agus fad na seirbhísí sin, d’fhéadfadh sé go mbeifeá in ann seirbhísí a chur ar fáil i dtír eile den Aontas gan cuideachta nó brainse a chur ar bun ansin. Faigh amach cathain is féidir é sin a dhéanamh, cén earnáil agus cén cineál díolacháin.
- Seirbhísí a chur ar fáil thar lear bg cs da de el en es et fi fr hr hu it lt lv mt nl pl pt ro sk sl sv
Más monaróir, iompórtálaí, dáileoir táirgí nó soláthraí seirbhísí san Aontas thú, ba cheart duit a bheith ar an eolas faoi rialacha an Aontais maidir le hinrochtaineacht. Tá feidhm ag na rialacha sin maidir le dearadh agus monarú táirgí áirithe ar mhargadh an Aontais agus maidir leis an gcaoi ar féidir le daoine faoi mhíchumas rochtain a fháil ar sheirbhísí agus ar fhoirgnimh áirithe.
Tá rialacha sonracha ann nach mór duit cloí leo agus tú ag díol leis an tomhaltóir deiridh nach mbuaileann tú leis duine le duine (fad a chomhlíontar coinníollacha áirithe). Mar shampla, ba cheart eolas a chur ar fáil go soiléir agus i scríbhinn, agus is féidir le do chustaiméirí tarraingt siar ón gconradh laistigh de 14 lá, gan aon phionós a bheith orthu agus gan iad aon chúis a thabhairt.
- Ríomhthráchtáil, ciandíol agus díol seacháitribh bg cs da de el en es et fi fr hr hu it lt lv mt nl pl pt ro sk sl sv
Agus tú ag díol taisteal láneagraithe nó socruithe taistil nasctha, ní mór duit cloí le rialacha áirithe de chuid an Aontais, mar shampla, nuair a dhíolann tú dhá chineál éagsúla seirbhísí taistil nó níos mó don turas céanna a chuirtear in áirithe faoi chonradh amháin trí sholáthróir amháin; nó má dhíolann tú seirbhís taistil agus ansin má dhéanann tú éascú ar dhíol seirbhíse eile don turas céanna.
- Taisteal láneagraithe agus socruithe taistil nasctha bg cs da de el en es et fi fr hr hu it lt lv mt nl pl pt ro sk sl sv
Bain úsáid as uirlis an Aontais chun seirbhísí seachadta beartán trasteorann agus praghsanna san Aontas a sheiceáil. Léigh faoin eolas agus faoi na nuashonruithe ar an eolas sin nach mór do sholáthraithe seirbhísí seachadta beartán trasteorann agus intíre a sholáthar dá n-údaráis rialála náisiúnta.
Sa bhunachar sonraí ‘Access2Markets’ tá deireadh gach eolais faoi easpórtáil ón Aontas agus iompórtáil isteach ann. Cuardaigh de réir ainm an táirge nó de réir chód an chórais chomhchuibhithe (HS) le haghaidh taraifí agus cánacha, nósanna imeachta custaim, rialacha tionscnaimh, bacainní trádála, ceanglais táirgí agus staitisticí i ngach tír san Aontas agus breis agus 120 margadh easpórtála ar fud an domhain.