I do cháil mar mhonaróir, ní mór duit anailís riosca a dhéanamh agus cinnte a dhéanamh de go gcloíonn do tháirgí le rialacha áirithe sula gcuirtear ar mhargadh an Aontais Eorpaigh iad.
Measúnú comhréireachta a thugtar ar an nós imeachta sin agus déantar é le linn chéim an deartha agus chéim an táirgthe araon. Fiú má dhéanann tú dearadh nó táirgeadh do tháirgí a chur amach ar fochonradh, is ortsa atá an fhreagracht fós a chinntiú go ndéantar an measúnú comhréireachta.
Ní mór an t-eolas a fhaightear ón measúnú comhréireachta a chur san áireamh sa doiciméadacht theicniúil.
Conas a léiriú go bhfuil rialacha an Aontais á gcomhlíonadh
Ba cheart duit a sheiceáil an bhfuil aon rialacha de chuid an Aontais is infheidhme maidir le do tháirge, agus má tá, ní mór duit a chinntiú go gcloíonn do tháirge leo sular féidir é a thrádáil gan bhac san Aontas.
Is féidir le caighdeáin chomhchuibhithe, i gcás inarb ann dóibh, cuidiú leat a léiriú go bhfuiltear ag cloí le rialacha an Aontais.
Cad is caighdeáin chomhchuibhithe ann?
Is éard is caighdeáin chomhchuibhithe bg cs da de el en es et fi fr hr hu it lt lv mt nl pl pt ro sk sl sv ann caighdeáin a fhorbraíonn Eagraíochtaí Eorpacha aitheanta um Chaighdeánú: CEN , CENELEC nó ETSI . Trí chaighdeáin chomhchuibhithe a leanúint agus do tháirge á dhearadh agus á mhonarú, déanfar a chinntiú go bhfuil do tháirgí i gcomhréir le rialacha comhfhreagracha an Aontais; ‘toimhde comhréireachta’ a thugtar air sin.
An gá caighdeáin chomhchuibhithe a leanúint?
Ní gá, is ar bhonn deonach i gcónaí a úsáidtear caighdeáin chomhchuibhithe. Is agatsa atá an rogha réiteach teicniúil eile a roghnú chun a léiriú go bhfuiltear ag cloí leis na ceanglais dhlíthiúla éigeantacha.
Má roghnaíonn tú gan caighdeáin chomhchuibhithe a leanúint i do mheasúnú, is féidir leat comhlíonadh a chruthú trí thagairt a dhéanamh do shonraíochtaí teicniúla amhail caighdeáin náisiúnta, do chaighdeáin neamh-chomhchuibhithe Eorpacha agus idirnáisiúnta, nó do do shonraíochtaí teicniúla féin. Sna cásanna sin, beidh ort tuilleadh sonraí a chur ar fáil i do cháipéisíocht theicniúil lena mhíniú conas a chloíonn do tháirgí le riachtanais dhlíthiúla.
Comhréireacht do tháirgí a mheasúnú
I gcásanna áirithe, i do cháil mar mhonaróir, is féidir leat féinmheasúnú a dhéanamh ar do tháirge. I gcásanna eile, beidh gá le heagraíocht um measúnú comhréireachta (ar a dtugtar comhlacht faoina dtugtar fógra freisin) a bheith páirteach ann chun cabhrú leat.
Ba cheart duit seiceáil a dhéanamh ar reachtaíocht ábhartha an Aontais a bhaineann leis na táirgí ar mian leat measúnú a dhéanamh orthu chun a fháil amach an gá duit cúnamh a iarraidh.
Eagraíochtaí um measúnú comhréireachta
Is eagraíochtaí iad na comhlachtaí faoina dtugtar fógra sin atá ainmnithe ag tíortha an Aontais chun measúnú a dhéanamh ar chomhréireacht táirgí áirithe sular féidir iad a chur ar an margadh. Is féidir leat comhlacht faoina dtugtar fógra a roghnú ón liosta ar shuíomh gréasáin NANDO (rud a sheasann do ‘New Approach Notified and Designated Organisations’ i mBéarla).
Warning
Bí san airdeall ar dheimhnithe deonacha!
Faoi dhlí an Aontais ní féidir ach le comhlachtaí faoina dtugtar fógra en deimhnithe comhlíontachta a eisiúint le haghaidh táirgí comhchuibhithe, sa réimse
faoina dtugtar fógra ina leith agus sa réimse sin amháin. Ar an drochuair, eisíonn
roinnt comhlachtaí deimhniúcháin deimhnithe i réimsí lasmuigh dá n-inniúlacht, agus
‘deimhnithe deonacha’ a thugann siad orthu. Is míthreorach an cleachtas é sin toisc
nach n-aithnítear na deimhnithe sin go dlíthiúil chun comhlíontacht a chruthú. Mar
shampla, má thugtar fógra faoi chomhlacht maidir le hinnealra, níor cheart dó deimhnithe
a eisiúint (deimhnithe ‘deonacha’ nó eile) le haghaidh táirgí nach innealra iad (amhail
trealamh cosanta pearsanta). Is é an t-aon ‘deimhniú deonach’ bailí atá ann deimhniú
sna réimsí sin ina bhforáiltear sa reachtaíocht nach bhfuil deimhniú éigeantach, ach
nach féidir ach le comhlachtaí faoina dtugtar fógra cuí é a eisiúint iontu.
An measúnú comhréireachta a dhéanamh leat féin
Más rud é nach gá do chomhlacht neamhspleách do tháirge a fhíorú, is fútsa atá sé an measúnú comhréireachta a dhéanamh. San áireamh leis sin tá meastachán agus doiciméadú a dhéanamh ar na rioscaí a d’fhéadfadh a bheith ann agus do tháirge á úsáid.
An cháipéisíocht theicniúil a chur i dtoll a chéile
Ba cheart na doiciméid uile a chruthaíonn go gcloíonn do tháirge leis na ceanglais theicniúla a bheith san áireamh i do shainchomhad teicniúil. Féach leat conas an cháipéisíocht theicniúil bg cs da de el en es et fi fr hr hu it lt lv mt nl pl pt ro sk sl sv a chur i dtoll a chéile.