Ráthaíocht tráchtála um marthanacht

Cuireann an lipéad seo ‘ráthaíocht tráchtála um marthanacht’ in iúl, arna léiriú i mblianta. Cuireann an táirgeoir an ráthaíocht ar fáil gan aon chostais bhreise, lena gcumhdaítear an t-earra iomlán agus ar faide ná 2 bhliain a ré.

Léiríonn sé gealltanas ón táirgeoir duitse, mar thomhaltóir, maidir le marthanacht earra. Go sonrach, is gealltanas é go gcoinneoidh an t-earra a fheidhmeanna agus a fheidhmíocht is gá ar bun trí ghnáthúsáid ar feadh na mblianta a léirítear ar an lipéad. Seachas sin, ní mór don táirgeoir an t-earra a dheisiú nó a athsholáthar gan aon chostas. Ní mór don táirgeoir cur síos beacht a thabhairt ar na téarmaí sa ráiteas ráthaíochta tráchtála.

Mar thomhaltóir san Aontas, tá cearta ráthaíochta dlíthiúla agat i gcoinne an díoltóra. Tá feidhm ag an ráthaíocht dhlíthiúil go neamhspleách ar aon ráthaíocht tráchtála.