Deiseanna staidéir i dtír eile agus deiseanna scoláireachta

Deiseanna staidéir i dtír eile le Erasmus+

Mar mhac léinn, seans go mbeadh deis agat cuid de do chúrsa staidéir a dhéanamh i dtír eile trí chlár Erasmus+ en má tá tú cláraithe in ollscoil i dtír atá rannpháirteach ann.

Nuair a théann tú go tír eile chun staidéar a dhéanamh le Erasmus+:

  • ní gá duit táillí clárúcháin ná táillí teagaisc a íoc le d’ollscoil óstach
  • is cuid lárnach de do chéim é do chuid staidéir i dtír eile
  • faigheann tú deontas ón Aontas le haghaidh costais mhaireachtála agus taistil.

Warning

Ní mór do d’ollscoil bhaile do thréimhse staidéir i dtír eile a chur san áireamh mar chuid de do chéim, ar choinníoll go gcríochnóidh tú an clár staidéir a comhaontaíodh roimh do mhalartú.

Déanfar na cúrsaí a bhfreastalóidh tú orthu le linn do chláir staidéir a chomhaontú roimh ré le d’institiúid seolta trí chomhaontú foghlama en sínithe.

Chun tuilleadh eolais a fháil faoi conas iarratas a dhéanamh ar chuid de do chúrsa staidéir a dhéanamh i dtír eile, déan teagmháil le hoifig caidrimh idirnáisiúnta d’ollscoile. Tá tréimhsí oiliúna i dtír eile en ar fáil freisin mar chuid de chlár Erasmus+.

Cláir chomhchéime

Le Comhchéimeanna Máistir Erasmus Mundus en, is féidir leat clárú ar chlár iarchéime a chuireann ollscoileanna atá lonnaithe i dtíortha éagsúla san Eoraip ar fáil i gcomhpháirt, agus lasmuigh den Eoraip fiú, i gcásanna áirithe. Le linn an chláir sin, is féidir leat staidéar nó taighde a dhéanamh in dhá thír ar a laghad, agus céim chomhpháirteach, dhúbailte nó ilchéim a fháil mar thoradh air sin. Féach an liosta de chláir Mháistreachta atá rannpháirteach in Erasmus Mundus.

Tá scoláireachtaí le haghaidh Erasmus Mundus ar fáil do mhic léinn ó gach cearn den domhan. Féach ar gach clár a bhfuil spéis agat ann chun tuilleadh eolais a fháil faoina riachtanais scoláireachta agus faoina gcumhdaítear leis. Téigh go suíomh gréasáin do rogha comhchéime máistir chun eolas a fháil faoi na riachtanais iontrála agus faoin bhféilire i dtaca le hiarratas a dhéanamh.

Tabhair cuairt ar oifig caidrimh idirnáisiúnta d’ollscoile

Féadfaidh d’ollscoil bhaile páirt a ghlacadh i gcláir mhalartaithe idirnáisiúnta eile. Is féidir leat tuilleadh eolais a fháil faoi Erasmus+ agus faoi dheiseanna malartaithe eile ó oifig caidrimh idirnáisiúnta d’ollscoile.

Féach Tairseach Inimirce an Aontais chun tuilleadh eolais a fháil más saoránach nach saoránach den Aontas thú a bheidh ag staidéar i dtír den Aontas agus a mbeadh víosa/cead cónaithe ag teastáil uaidh.

Need support from assistance services?

Get in touch with specialised assistance services

You can also use the assistance service finder to find the right help for you.

Last checked: 03/11/2026
Share this page