Rialacha maidir le máthairionadaíocht

Is éard is máthairionadaíocht ann ná socrú trína n-aontaíonn bean (an mháthair ionaid) leanbh a iompar agus a bhreith thar ceann duine nó lánúin eile (an tuismitheoir/na tuismitheoirí beartaithe). I ndiaidh na breithe, tugann an mháthair ionaid an leanbh don tuismitheoir beartaithe/do na tuismitheoirí beartaithe, a bheidh mar thuismitheoir dlíthiúil/tuismitheoirí dlíthiúla an linbh.

Ní rialaítear máthairionadaíocht le dlí an Aontais, mar sin sainmhíníonn gach Ballstát den Aontas a bheartas agus a chleachtais féin maidir leis an ábhar sin. Déanann roinnt Ballstát den Aontas máthairionadaíocht a cheadú agus a rialáil, cuireann roinnt Ballstát den Aontas cosc ar an gcleachtas, agus níl aon rialacha sonracha i bhfeidhm ag Ballstáit eile den Aontas. Is gnách go gcumhdaíonn na rialacha lena rialaítear máthairionadaíocht i mBallstát den Aontas an cineál socruithe máthairionadaíochta a cheadaítear, na coinníollacha faoinar féidir máthairionadaíocht a dhéanamh, agus cearta agus stádas dlíthiúil an tuismitheora bheartaithe nó na dtuismitheoirí beartaithe.

Tá athruithe á ndéanamh faoi láthair ar an reachtaíocht sa réimse sin i mBallstáit den Aontas. Faigh tuilleadh eolais (má tá sé le fáil) faoi mháthairionadaíocht i mBallstáit den Aontas.