Gnólacht a fhorbairt

Cuireann Margadh Aonair an Aontais réimse réiteach ar fáil chun gnólacht a thosú nó a leathnú thar theorainneacha. Is cuma má tá cuideachta á cur ar bun agat, comharchumann á bhunú agat, infheistíochtaí á ndéanamh agat, cumasc á phleanáil agat, nó do ghnólacht á bhogadh agat, leagtar amach sa rannán seo na príomhrialacha agus na príomhuirlisí chun cabhrú leat dul i mbun oibre i dtíortha éagsúla san Aontas. Gheobhaidh tú treoir freisin maidir le sonraí a bhainistiú, inbhuanaitheacht a fheabhsú, agus dul i ngleic le rialacháin earnáilsonracha i réimsí amhail an turasóireacht agus an bhiteicneolaíocht.

• Má tá sé beartaithe agat do ghnólacht a leathnú thar theorainneacha, seans go smaoineofá ar Chuideachta Eorpach (Societas Europaea, SE) a bhunú. Saghas cuideachta poiblí faoi dhliteanas teoranta is ea í a rialaítear faoi dhlí an Aontais, agus tá roinnt buntáistí ag baint léi:
• Má tá tú ag smaoineamh ar do chomharchumann a leathnú thar theorainneacha an Aontais, beidh ort tuilleadh a fhoghlaim faoi Chomharchumann Eorpach (ECS) a bhunú. Leis an bhformáid ghnó sin, is éasca a bheidh sé do do chomharchumann oibriú i roinnt tíortha san Aontas trína chur ar a chumas baill ó thíortha éagsúla a ghrúpáil, acmhainní a chomhthiomsú, agus sraith aonair rialacha ar leibhéal an Aontais a leanúint.
• Chun tuilleadh forbartha a dhéanamh ar do ghnólacht nó chun deis ghnó nua a aimsiú, is féidir leat smaoineamh ar roinnt cineálacha éagsúla oibríochtaí trasteorann. Faigh tuilleadh eolais faoi chuideachta atá ann cheana a chumasc nó a ghabháil, faoi do chuideachta a roinnt ina dhá eintiteas nó níos mó nó faoi oifig chláraithe do chuideachta a aistriú go Ballstát eile trí phróiseas comhshó.
• Más mian leat do ghnólacht a fhás ar bhealach inbhuanaithe, is féidir leat a fheidhmíocht chomhshaoil a fheabhsú agus monatóireacht a dhéanamh uirthi trí Scéim an Aontais um Bainistíocht agus Iniúchadh Comhshaoil (EMAS). Faigh amach faoi na buntáistí a bhaineann le EMAS agus na ceanglais chun clárú faoi.
• Chun gnó a dhéanamh i dtír eile den Aontas, tá sé tábhachtach a bheith ar an eolas faoi do chearta agus faoi na srianta a d’fhéadfadh a bheith ann maidir le sonraí neamhphearsanta a úsáid, a stóráil agus a aistriú. Faigh tuilleadh eolais faoin gcaoi ar féidir sin a dhéanamh agus seachain fadhbanna dlíthiúla a d’fhéadfadh teacht chun cinn.
• Má tá sé beartaithe agat infheistíocht a dhéanamh i dtír eile den Aontas, is féidir leat brath ar rialacha an Aontais maidir le cosaint na n-infheistíochtaí. Faigh tuilleadh eolais faoi na cineálacha infheistíochtaí trasteorann atá san áireamh agus faoin gcaoi a n-oibríonn na rialacha sin.
• Chun gnó a thosú agus a reáchtáil, ní mór duit na ceanglais chlárúcháin, ceadaithe agus ceadúnaithe atá i gceist a thuiscint. D’fhéadfadh sé nach mar a chéile iad sin sna tíortha go léir. Léigh an méid a chaithfidh a bheith ar eolas agat agus cá háit le comhairle a fháil:
• Má tá tú i mbun gnólachta i dtionscal na turasóireachta, bí ar an eolas faoi phríomhthreochtaí agus saintréithe na margaí Eorpacha sa chaoi go mbeidh tú in ann do sheirbhísí agus do tháirgí turasóireachta a chur in oiriúint dá réir. Faigh tuilleadh eolais faoi rialacha an Aontais maidir le tionscal na turasóireachta, cearta na dtomhaltóirí, maoiniú ón Aontas, agus an inrochtaineacht.
• Má tá gnólacht sa bhiteicneolaíocht nó sa bhithmhonaraíocht á reáchtáil agat, tá sé tábhachtach fios a bheith agat cad iad na rialacha de chuid an Aontais a bhfuil feidhm acu maidir le do ghnólacht (e.g. trialacha cliniciúla, údarú margaidh, maoin intleachtúil etc.), cén cineál bonneagair taighde atá ar fáil duit agus cá háit ar féidir maoiniú agus tacaíocht ghnó a fháil. Faigh tuilleadh eolais faoi conas táirgí nuálacha biteicneolaíochta a chur ar an margadh.