Achainíocha agus comhairliúcháin

Achainíocha

Tá dhá chineál achainíocha ar fáil do shaoránaigh san Aontas ar mian leo aghaidh a thabhairt ar fhadhb nó ar ábhar imní ar leith.

Achainí ar Pharlaimint na hEorpa

Tugann Parlaimint na hEorpa an deis do shaoránaigh an Aontais iarraidh nó gearán a dhéanamh maidir le hábhar imní poiblí nó príobháideach trí achainí. Is féidir na hachainíocha sin a úsáid chun iarraidh ar Pharlaimint na hEorpa feasacht a mhúscailt i dtaca le sárú ar chearta shaoránaigh na hEorpa, nó seasamh a ghlacadh maidir le saincheist ar leith.

Faigh tuilleadh eolais faoi achainí ar Pharlaimint na hEorpa a sheoladh en

Achainí ar an gCoimisiún Eorpach

Is féidir le saoránaigh an Aontais achainí a sheoladh freisin chun iarraidh ar an gCoimisiún Eorpach dlí nua a mholadh. Tugtar tionscnamh Eorpach ó na saoránaigh ar an gcineál achainí sin, agus éilítear leis ar a laghad 1 mhilliún síniú a bhailiú.

Faigh tuilleadh eolais faoi thionscnamh Eorpach ó na saoránaigh a sheoladh

Comhairliúcháin

Tugann an Coimisiún Eorpach deis do shaoránaigh an Aontais aiseolas a thabhairt maidir le dlíthe agus beartais atá á bhforbairt faoi láthair. Maidir le haon dlí nó beartas ar leith atá ar oscailt le haghaidh comhairliúchán ar an ardán Cloisimis uait, is féidir leat do thuairimí a chur isteach in aon cheann de 24 theanga oifigiúla an Aontais. Is féidir leat aiseolas ó dhaoine eile a fheiceáil freisin. Déanann an Coimisiún anailís ansin ar an aiseolas ar fad a fhaightear.

Féach liosta de na comhairliúcháin phoiblí atá ar siúl faoi láthair en