Ionadaíocht fostaithe

Mar fhostóir ag a bhfuil fostaithe in dhá thír nó níos mó, tá sé ríthábhachtach struchtúir éagsúla ionadaíochta fostaithe a thuiscint chomh maith leis na hoibleagáidí atá ort baill foirne a chur ar an eolas agus dul i gcomhairle leo.

Cibé acu trí chomhairle fostaithe Eorpach nó trí struchtúr Societas Europaea, ní mór duit a chinntiú go gcuirtear d’fhostaithe ar an eolas, go dtéitear i gcomhairle leo agus go mbíonn baint acu le cinntí a dhéanann difear dóibh thar theorainneacha.

Comhairle fostaithe Eorpach (EWC)

Má tá:

• ar a laghad 1,000 fostaí ar fud an Aontais, agus
• ar a laghad 150 fostaí in dhá Bhallstát éagsúla ar a laghad ag do chuideachta,
• agus má iarrann ar a laghad 100 fostaí ó dhá thír nó níos mó ort

ní mór duit Comhairle fostaithe Eorpach (EWC) a bhunú. Féadfaidh tú é sin a dhéanamh freisin ar do thionscnamh féin.

Is iondúil go mbíonn Comhairle Fostaithe Eorpach (EWC) comhdhéanta d’ionadaithe fostaithe ó na Ballstáit uile ina bhfeidhmíonn do chuideachta, agus cuireann sé fóram ar fáil chun fostaithe a chur ar an eolas agus chun dul i gcomhairle leo ar an leibhéal Eorpach faoi chinntí a dhéanann difear dóibh i dteannta a chéile thar theorainneacha.

Mar fhostóir, agus ag brath ar chomhaontú EWC i do chuideachta, ní mór duit EWC a chur ar an eolas agus dul i gcomhairle léi sula gcuirfear cinntí maidir le cúrsaí trasnáisiúnta i bhfeidhm. Mar shampla:

• athstruchtúrú mór ar fud na cuideachta nó oibríochtaí trasteorann
• athlonnú nó dúnadh gnólachtaí a dhéanann difear do Bhallstáit éagsúla
• ciorruithe móra post, iomarcaíochtaí móra, nó athruithe suntasacha ar dhálaí fostaíochta i roinnt tíortha
• cinntí straitéiseacha, cuir i gcás athruithe ar mhodhanna táirgthe nó ar shamhlacha gnó a mbíonn tionchar acu ar fhostaithe i níos mó ná Ballstát amháin.

Is éard atá i gceist leis sin:

• eolas tráthúil mionsonraithe a chur ar fáil faoi bhearta a mhol an bhainistíocht ionas gur féidir le EWC an tionchar a d’fhéadfadh a bheith ar fhostaithe a phlé agus a thuiscint,
• cead a thabhairt do EWC a thuairim a chur in iúl maidir leis na hábhair sin, ionas gur féidir le hionadaithe fostaithe moltaí a thabhairt, ábhair imní a chur in iúl, nó roghanna malartacha a mholadh.

Ionadaíocht fostaithe i gCuideachtaí Eorpacha (Societas Europaea – SE)

Má tá do chuideachta bunaithe mar Chuideachta Eorpach (Societas Europaea – SE) bg cs da de el en es et fi fr hr hu it lt lv mt nl pl pt ro sk sl sv , glacann ionadaíocht fostaithe struchtúr níos foirmiúla, uile-Eorpach. Na príomhrudaí le bheith ar an eolas fúthu:

• Ionadaíocht fostaithe: Féadfaidh fostaithe a bheith rannpháirteach i gcinntí cuideachta in SE trí ionadaíocht ar leibhéal an bhoird. Ciallaíonn sé sin gur féidir le fostaithe cead cainte a bheith acu ar bhord maoirseachta nó riaracháin na cuideachta, ag brath ar rialacha na tíre agus ar mhéid na cuideachta.
• Próiseas caibidlíochta: Sula gcuirfear SE ar bun, beidh ort dul i mbun caibidlíochta le hionadaithe na bhfostaithe chun leibhéal na rannpháirtíochta a chinneadh.

Is féidir rochtain a fháil ar eolas náisiúnta thíos.