Ríomhthráchtáil, ciandíol agus díol seacháitribh

Réamheolas do chustaiméirí

Sula dtugann tú an conradh i gcrích le do chustaiméir, ní mór duit an t-eolas seo a leanas a chur ar fáil dóibh i bhformáid shoiléir shothuigthe.

Do chuid sonraí

• do chéannacht
• do sheoltaí fisiciúla agus ríomhphoist
• d’uimhir theileafóin (más ann di)

Earraí agus seirbhísí

• príomhthréithe na n-earraí nó na seirbhísí

Seachadadh agus earraí a thabhairt ar ais

Baineann na rialacha maidir le hearraí a thabhairt ar ais sa chomhthéacs sin le ceart an tomhaltóra chun tarraingt siar (ní le neamh-chomhréireacht an táirge)

• cé acu atá nó nach bhfuil srianta seachadta i bhfeidhm
• socruithe seachadta
• an oibleagáid atá ar an gcustaiméir íoc as earraí a thabhairt ar ais agus meastachán ar an gcostas a bhaineann lena dtabhairt ar ais mura féidir iad a thabhairt ar ais tríd an bpost de ghnáth (e.g. earraí téagartha) (mura gcuireann tú an custaiméir ar an eolas roimh ré, beidh ort an costas a bhaineann leis na hearraí a thabhairt ar ais a sheasamh)

Praghsáil, íocaíochtaí agus táillí

• praghas na n-earraí nó na seirbhísí – aon táillí breise san áireamh, cuir i gcás cánacha, costais seachadta agus postas, etc.
• modhanna íocaíochta inghlactha
• socruithe maidir le híocaíocht
• táillí ar an gcustaiméir – nuair a théann sé i dteagmháil leat chun deireadh a chur leis an gconradh – má tá siad os cionn an bhunráta (e.g. táillí ar ghlaonna ar phréimhráta le haghaidh conarthaí atá le tabhairt i gcrích ar an teileafón)
• coinníollacha maidir le haon éarlaisí atá le híoc
• coinníollacha maidir le haon ráthaíocht airgeadais a thugtar

Más mian leat táille a ghearradh ar an gcustaiméir as modh íocaíochta ar leith a úsáid, cuir i gcás cárta creidmheasa, ní féidir an táille a bheith níos airde ná an fíorchostas a bhíonn ort an íocaíocht a phróiseáil. I roinnt tíortha, d’fhéadfaí cosc iomlán a chur ar tháillí den sórt sin.

Cód iompair agus coinníollacha conarthacha

• conas rochtain a fháil ar aon chód iompair atá i bhfeidhm
• fad an chonartha agus na coinníollacha chun deireadh a chur leis

An ceart chun tarraingt siar as an gconradh

• coinníollacha, teorainneacha ama agus nósanna imeachta
• foirm aistarraingthe shonrach
• an oibleagáid atá ar an gcustaiméir íoc as aon seirbhísí (nó fóntais phoiblí) a soláthraíodh cheana féin le linn na tréimhse aistarraingthe, e.g. má d’iarr siad go soláthrófaí na seirbhísí díreach tar éis an conradh a thabhairt i gcrích agus ansin gur chinn sé tarraingt siar as an gconradh
• an oibleagáid atá ar an gcustaiméir íoc as earraí a thabhairt ar ais agus meastachán ar an gcostas a bhaineann le hearraí a thabhairt ar ais nach féidir a thabhairt ar ais tríd an bpost de ghnáth (e.g. earraí téagartha)
• gníomhartha dtugtar suas an ceart chun tarraingt siar (e.g. an séala a bhaint de DVD nó CD séalaithe)
• gníomhartha nach bhfuil feidhm ag an gceart chun tarraingt siar ina leith (e.g. rialacha maidir le hearraí meatacha). I gcás den sórt sin, ní gá duit eolas a thabhairt don chustaiméir faoi na rialacha thuas maidir leis an gceart chun tarraingt siar.

Is féidir leat teacht ar théacsanna samplacha bg cs da de el en es et fi fr hr hu it lt lv mt nl pl pt ro sk sl a léiríonn conas eolas a thabhairt faoi choinníollacha aistarraingthe in Iarscríbhinn 1 a ghabhann leis an Treoir.

Ráthaíochtaí agus díospóidí a réiteach

• Socruithe chun gearáin a láimhseáil
• scéimeanna ‘lasmuigh den chúirt’ atá ar fáil chun díospóidí a réiteach
• meabhrúchán faoin ráthaíocht dhlíthiúil le haghaidh earraí bg cs da de el en es et fi fr hr hu it lt lv mt nl pl pt ro sk sl
• coinníollacha maidir le haon seirbhís iardhíola nó ráthaíochtaí tráchtála

Cén chaoi ar cheart duit an t-eolas sin a chur ar fáil?

Ní mór duit an t-eolas thuasluaite go léir a chur ar fáil ar bhealach soiléir sothuigthe.

Díreach sula ndéanann an custaiméir a ordú (nuair a chliceálann sé ar chnaipe pá/ceannaigh) agus i gcóngar an chnaipe pá/ceannaigh, ní mór duit an méid seo a leanas a léiriú go soiléir feiceálach freisin:

• príomhthréithe na n-earraí nó na seirbhísí
• praghas iomlán, táillí breise san áireamh
• an fad agus na coinníollacha chun deireadh a chur leis an gconradh
• fad íosta oibleagáidí an tomhaltóra faoin gconradh (más ann dóibh)

Ní mór an deis a thabhairt do chustaiméirí freisin a aithint go gcuirtear d’oibleagáid orthu íoc as an ordú a luaithe a dhéanann siad an t-ordú sin. Mar shampla: ní mór feidhm an chnaipe ‘Deimhniúchán d’Ordaithe’ a léiriú go soiléir ar an gcnaipe féin, e.g. an téacs ‘Ordaigh agus Íoc’ a bheith scríofa air.

Boscaí ar cuireadh tic leo roimh ré

Ní féidir boscaí ar cuireadh tic leo roimh ré a úsáid agus tú ag iarraidh íocaíochtaí breise le haghaidh seirbhísí breise, e.g. árachas taistil agus eitilt á cur in áirithe agat. Ní mór an deis a thabhairt do chustaiméirí i gcónaí aontú go sainráite le haon íocaíocht bhreise.

Díolacháin ábhair dhigitigh

Má dhíolann tú ábhar digiteach mar shampla ceol, físeáin nó bogearraí ar líne, ní mór duit do chustaiméirí a chur ar an eolas freisin faoi na nithe seo a leanas:

• idir-inoibritheacht an ábhair le crua-earraí agus bogearraí ábhartha;
• feidhmiúlacht an ábhair – mar shampla aon srianta geografacha ar úsáid agus má cheadaítear duit cóipeanna a dhéanamh le haghaidh úsáid phearsanta.

A luaithe a bhíonn teacht ag an gcustaiméir ar an ábhar – trí íoslódáil, sruthú nó eile – ní féidir leis tarraingt siar as an gconradh leat a thuilleadh.

Mar sin féin, ní mór duit an deis a thabhairt don tomhaltóir aontú go sainráite leis an méid sin agus a aithint go gcailleann siad a gceart chun tarraingt siar a luaithe a thosaíonn siad ag íoslódáil, etc.

Ní mór duit deimhniú ar an gcomhaontú sin agus admháil a chur isteach sa deimhniú conartha a sheolann tú.

Cumarsáid iardhíola ar an teileafón

Má chuireann tú beolíne theileafóin ar fáil le haghaidh fiosruithe/gearáin ó chustaiméirí faoi chonarthaí atá tugtha i gcrích acu, ní mór duit a chinntiú go ngearrtar an bunráta ar na glaonna.

Ní féidir leat línte teileafóin ardráta a úsáid chun na críche sin.

Réamheolas do chustaiméirí

Sula dtugann tú an conradh i gcrích le do chustaiméir, ní mór duit an t-eolas seo a leanas a chur ar fáil dóibh i bhformáid shoiléir shothuigthe.

Do chuid sonraí

• do chéannacht
• do sheoltaí fisiciúla agus ríomhphoist
• d’uimhir theileafóin (más ann di)

Earraí agus seirbhísí

• príomhthréithe na n-earraí nó na seirbhísí

Seachadadh agus earraí a thabhairt ar ais

• cé acu atá nó nach bhfuil srianta seachadta i bhfeidhm
• socruithe seachadta
• an oibleagáid atá ar an gcustaiméir íoc as earraí a thabhairt ar ais agus meastachán ar an gcostas a bhaineann le hearraí a thabhairt ar ais mura féidir iad a thabhairt ar ais tríd an bpost de ghnáth (go háirithe earraí téagartha)

Praghsáil, íocaíochtaí agus táillí

• praghas na n-earraí nó na seirbhísí – aon táillí breise san áireamh, cuir i gcás cánacha, costais seachadta agus postas, etc.
• modhanna íocaíochta inghlactha
• socruithe maidir le híocaíocht
• táillí ar an gcustaiméir – nuair a théann sé i dteagmháil leat chun deireadh a chur leis an gconradh – má tá siad os cionn an bhunráta (e.g. táillí ar ghlaonna ar phréimhráta le haghaidh conarthaí atá le tabhairt i gcrích ar an teileafón)
• coinníollacha maidir le haon éarlaisí atá le híoc
• coinníollacha maidir le haon ráthaíocht airgeadais a thugtar

Más mian leat táille a ghearradh ar an gcustaiméir as modh íocaíochta ar leith a úsáid, cuir i gcás cárta creidmheasa, ní féidir an táille a bheith níos airde ná an fíorchostas a bhíonn ort an íocaíocht a phróiseáil. I roinnt tíortha, d’fhéadfaí cosc iomlán a chur ar tháillí den sórt sin.

Cód iompair agus coinníollacha conarthacha

• conas rochtain a fháil ar aon chód iompair atá i bhfeidhm
• fad an chonartha agus na coinníollacha chun deireadh a chur leis

An ceart chun tarraingt siar as an gconradh

• teorainneacha ama agus nósanna imeachta
• foirm aistarraingthe shonrach
• an oibleagáid atá ar an gcustaiméir íoc as aon seirbhísí (nó fóntais phoiblí) a soláthraíodh cheana féin le linn na tréimhse aistarraingthe, e.g. má d’iarr siad go soláthrófaí na seirbhísí díreach tar éis an conradh a thabhairt i gcrích agus ansin gur chinn sé tarraingt siar as an gconradh
• aon eisceacht ón gceart chun tarraingt siar (e.g. earraí meatacha) nó gníomhartha lena dtugtar suas an ceart (e.g. an séala a bhaint de DVD séalaithe nó CD séalaithe)

Is féidir leat teacht ar théacsanna samplacha bg cs da de el en es et fi fr hr hu it lt lv mt nl pl pt ro sk sl a léiríonn conas eolas a thabhairt faoi choinníollacha aistarraingthe in Iarscríbhinn 1 a ghabhann leis an Treoir.

Ráthaíochtaí agus díospóidí a réiteach

• Socruithe chun gearáin a láimhseáil
• scéimeanna ‘lasmuigh den chúirt’ atá ar fáil chun díospóidí a réiteach
• meabhrúchán faoin ráthaíocht dhlíthiúil le haghaidh earraí bg cs da de el en es et fi fr hr hu it lt lv mt nl pl pt ro sk sl
• coinníollacha maidir le haon seirbhís iardhíola nó ráthaíochtaí tráchtála

Cén chaoi ar cheart duit an t-eolas sin a chur ar fáil?

Ní mór duit an t-eolas thuasluaite go léir a chur ar fáil ar bhealach soiléir sothuigthe.

Sula gcuirfidh an custaiméir a ordú isteach, ní mór duit an méid seo a leanas a léiriú go soiléir feiceálach:

• príomhthréithe na n-earraí nó na seirbhísí
• praghas iomlán, táillí breise san áireamh
• an fad agus na coinníollacha chun deireadh a chur leis an gconradh
• fad íosta oibleagáidí an tomhaltóra faoin gconradh (más ann dóibh)

Ní mór duit an deis a thabhairt do chustaiméirí freisin a aithint go gcuirtear d’oibleagáid orthu íoc as an ordú a luaithe a dhéanann siad an t-ordú sin.

Díolacháin teileafóin

Ag tús do ghlao, ní mór duit do chéannacht a nochtadh i gcónaí agus a chur in iúl do dhaoine go bhfuil rud éigin á dhíol agat. Ní mór duit eolas a thabhairt freisin faoi na táillí a bheidh ar an gcustaiméir a íoc (má tá siad os cionn an bhunráta) nuair a théann sé i dteagmháil leat chun an conradh a thabhairt i gcrích e.g. táillí ar ghlaonna ardráta le haghaidh conarthaí atá le tabhairt i gcrích ar an teileafón.

Agus conarthaí á dtabhairt i gcrích ar an teileafón i roinnt Ballstát den Aontas, ní gá duit an tairiscint a dheimhniú don chustaiméir atá faoi cheangal ag an gconradh go dtí go mbíonn an tairiscint sínithe aige.

Díolacháin trí theachtaireacht téacs (agus a macasamhail)

Má fhágann an cainéal díola go bhfuil sé deacair go teicniúil duit an fhaisnéis sin ar fad a thabhairt – e.g. conarthaí arna dtabhairt i gcrích le teachtaireacht téacs fóin phóca – is féidir leat méid teoranta eolais a thabhairt, mar shampla:

• do chéannacht
• príomhthréithe na n-earraí nó na seirbhísí
• an praghas iomlán
• an ceart chun tarraingt siar
• an fad agus na coinníollacha chun deireadh a chur leis an gconradh
• nasc chuig foinse eile (e.g. suíomh gréasáin) chun an liosta eolais iomlán a fháil

Cumarsáid iardhíola ar an teileafón

Má chuireann tú beolíne theileafóin ar fáil le haghaidh fiosruithe/gearáin ó chustaiméirí faoi chonarthaí atá tugtha i gcrích acu, ní mór duit a chinntiú go ngearrtar an bunráta ar na glaonna.

Ní féidir leat línte teileafóin ardráta a úsáid chun na críche sin.

An conradh a dheimhniú

Ní mór duit an fhaisnéis riachtanach a chur ar fáil i scríbhinn nuair a dheimhníonn tú an conradh. Ní mór an deimhniú a bheith i bhformáid bhuan (litir, ríomhphost, etc.), ach is féidir leat deimhniú a sheoladh chuig cuntas pearsanta ar do shuíomh gréasáin a bhfuil rochtain eisiach ag do chustaiméir air.

Ní mór duit an conradh a dheimhniú a luaithe is féidir – tráth seachadta na n-earraí ar a dhéanaí nó sula dtosaíonn an tseirbhís.

An conradh a dheimhniú

Ní mór duit an fhaisnéis riachtanach a chur ar fáil i scríbhinn nuair a dheimhníonn tú an conradh. Ní mór an deimhniú a bheith i bhformáid bhuan (litir, ríomhphost, etc.), ach is féidir leat deimhniú a sheoladh chuig cuntas pearsanta ar do shuíomh gréasáin a bhfuil rochtain eisiach ag do chustaiméir air.

Ní mór duit an conradh a dheimhniú a luaithe is féidir – tráth seachadta na n-earraí ar a dhéanaí nó sula dtosaíonn an tseirbhís.

Tarraingt siar as conradh

Cathain is féidir le do chustaiméir tarraingt siar as an gconradh?

Má tá an t-eolas uile is gá tugtha agat faoin gceart chun tarraingt siar, beidh 14 lá ag do chustaiméir tarraingt siar as an gconradh – gan aon phionós agus gan aon chúis a thabhairt:

• I gcás earraí – ciallaíonn sé sin 14 lá tar éis an tseachadta
• I gcás seirbhísí – ciallaíonn sé sin 14 lá tar éis an conradh a thabhairt i gcrích

Conarthaí measctha

I gcás conarthaí measctha, cuir i gcás iad siúd ina bhfuil béim ar earraí – le seirbhísí breise – is ar an gceart chun tarraingt siar le haghaidh earraí a bheidh an dualgas, i.e. suas le 14 lá tar éis an tseachadta. I gcás conarthaí ina bhfuil béim ar sheirbhísí – le hearraí breise – is ar an gceart chun tarraingt siar le haghaidh seirbhísí a bheidh an dualgas, i.e. suas le 14 lá tar éis an an conradh a thabhairt i gcrích.

I ngach cás, cuirtear síneadh leis an tréimhse go dtí an chéad lá oibre eile má chríochnaíonn an tréimhse ar dheireadh seachtaine nó ar lá saoire bainc.

Más rud é nár chuir tú ar fáil an t-eolas uile is gá, beidh bliain amháin sa bhreis ag an gcustaiméir chun tarraingt siar as an gconradh. Má sholáthraíonn tú an t-eolas sin ag pointe ama éigin le linn na tréimhse bliana sin, tosaíonn an tréimhse tarraingthe siar 14 lá ag an bpointe ama sin.

Cad iad na hoibleagáidí atá ort tar éis don tomhaltóir tarraingt siar as an gconradh?

Ní mór duit an t-airgead a fuair tú ó do chustaiméir a aisíoc (nó a íocaíocht a chur ar ceal) laistigh de 14 lá tar éis fógra a fháil go bhfuil sé ag tarraingt siar.

Féadfaidh tú an aisíocaíocht sin a choinneáil siar go dtí go mbeidh na hearraí faighte ar ais agat ón gcustaiméir, nó ar a laghad go dtí go bhfaighidh tú fianaise gur sheol siad iad i ndáiríre.

Cé a íocann céard?

Is é an Custaiméir a íocann an costas a bhaineann leis na hearraí a thabhairt ar ais (ach amháin murar chuir tí sin in iúl dóibh roimh ré – agus sa chás sin is tusa a bheidh freagrach as na costais sin).

Is í do ghnólacht a chaithfidh na costais seachadta bhunaidh a aisíoc, ach ní gá aon chostais bhreise a aisíoc má roghnaigh an custaiméir rogha seachadta níos costasaí (e.g. mearsheachadadh) seachas gnáthsheachadadh.

Oibleagáidí an Chustaiméara

Sula dtarraingíonn sé siar, ní féidir leis an gcustaiméir ach na hearraí a sheiceáil mar a dhéanfaidís dá mbeidís i siopa, rud a ligeann dóibh a dheimhniú gurb é an t-earra a d’ordaigh siad agus an ceann a bhí siad a lorg atá ann.

Má d’úsáid an custaiméir na hearraí sular seoladh ar ais iad, is féidir leat cúiteamh a éileamh as an luach laghdaithe a eascraíonn as iad a bheith úsáidte.

Tarraingt siar as seirbhísí

Más rud é, arna iarraidh sin don chustaiméir, gur thosaigh tú ag déanamh na seirbhíse a ordaíodh – e.g. córas aláraim a shuiteáil – roimh dhul in éag na tréimhse aistarraingthe, agus go gcinneann an custaiméir ansin tarraingt siar, ní mór dóibh tú a íoc as na seirbhísí a sholáthair tú go dtí an pointe sin.

Cathain nach féidir le custaiméir tarraingt siar?

Is iad seo a leanas na príomheisceachtaí ó na rialacha maidir le tarraingt siar:

• seirbhís atá déanta agat cheana féin (le comhaontú do chustaiméara) sula gcinneann an custaiméir tarraingt siar
• earraí meatacha (e.g. earraí bia áirithe)
• earraí séalaithe nach féidir a thabhairt ar ais ar chúiseanna sláinteachais tar éis a n-oscailte
• earraí saincheaptha arna bhforbairt de réir shonraíochtaí an chustaiméara nó atá pearsantaithe ar bhealach soiléir
• meáin shéalaithe (taifeadtaí fuaime, taifeadtaí físe nó bogearraí) ar bhain an custaiméir an séala díobh
• nuachtáin nó irisí (ach is féidir tarraingt as síntiúis)
• lóistín saoire, carr ar cíos, lónadóireacht nó seirbhísí fóillíochta má tá gealltanas tugtha agat na seirbhísí sin a dhéanamh ar dháta sonrach nó laistigh de thréimhse shonrach)

Tarraingt siar as conradh

Cathain is féidir le do chustaiméir tarraingt siar as an gconradh?

Má tá an t-eolas uile is gá tugtha agat faoin gceart chun tarraingt siar, beidh 14 lá ag do chustaiméir tarraingt siar as an gconradh – gan aon phionós agus gan aon chúis a thabhairt:

• I gcás earraí – ciallaíonn sé sin 14 lá tar éis an tseachadta
• I gcás seirbhísí – ciallaíonn sé sin 14 lá tar éis an conradh a thabhairt i gcrích

Conarthaí measctha

I gcás conarthaí measctha, cuir i gcás iad siúd ina bhfuil béim ar earraí – le seirbhísí breise – is ar an gceart chun tarraingt siar le haghaidh earraí a bheidh an dualgas, i.e. suas le 14 lá tar éis an tseachadta. I gcás conarthaí ina bhfuil béim ar sheirbhísí – le hearraí breise – is ar an gceart chun tarraingt siar le haghaidh seirbhísí a bheidh an dualgas, i.e. suas le 14 lá tar éis an an conradh a thabhairt i gcrích.

I ngach cás, cuirtear síneadh leis an tréimhse go dtí an chéad lá oibre eile má chríochnaíonn an tréimhse ar dheireadh seachtaine nó ar lá saoire bainc.

Más rud é nár chuir tú ar fáil an t-eolas uile is gá, beidh bliain amháin sa bhreis ag an gcustaiméir chun tarraingt siar as an gconradh. Má sholáthraíonn tú an t-eolas sin ag pointe ama éigin le linn na tréimhse bliana sin, tosaíonn an tréimhse tarraingthe siar 14 lá ag an bpointe ama sin.

Cad iad na hoibleagáidí atá ort tar éis don tomhaltóir tarraingt siar as an gconradh?

Ní mór duit an t-airgead a fuair tú ó do chustaiméir a aisíoc (nó a íocaíocht a chur ar ceal) laistigh de 14 lá tar éis fógra a fháil go bhfuil sé ag tarraingt siar.

Féadfaidh tú an aisíocaíocht sin a choinneáil siar go dtí go mbeidh na hearraí faighte ar ais agat ón gcustaiméir, nó ar a laghad go dtí go bhfaighidh tú fianaise gur sheol siad iad i ndáiríre.

Cé a íocann céard?

Is é an Custaiméir a íocann an costas a bhaineann leis na hearraí a thabhairt ar ais (ach amháin murar chuir tí sin in iúl dóibh roimh ré – agus sa chás sin is tusa a bheidh freagrach as na costais sin).

Is í do ghnólacht a chaithfidh na costais seachadta bhunaidh a aisíoc, ach ní gá aon chostais bhreise a aisíoc má roghnaigh an custaiméir rogha seachadta níos costasaí (e.g. mearsheachadadh) seachas gnáthsheachadadh.

Oibleagáidí an Chustaiméara

Sula dtarraingíonn sé siar, ní féidir leis an gcustaiméir ach na hearraí a sheiceáil mar a dhéanfaidís dá mbeidís i siopa, rud a ligeann dóibh a dheimhniú gurb é an t-earra a d’ordaigh siad agus an ceann a bhí siad a lorg atá ann.

Má d’úsáid an custaiméir na hearraí sular seoladh ar ais iad, is féidir leat cúiteamh a éileamh as an luach laghdaithe a eascraíonn as iad a bheith úsáidte.

Tarraingt siar as seirbhísí

Más rud é, arna iarraidh sin don chustaiméir, gur thosaigh tú ag déanamh na seirbhíse a ordaíodh – e.g. córas aláraim a shuiteáil – roimh dhul in éag na tréimhse aistarraingthe, agus go gcinneann an custaiméir ansin tarraingt siar, ní mór dóibh tú a íoc as na seirbhísí a sholáthair tú go dtí an pointe sin.

Cathain nach féidir le custaiméir tarraingt siar?

Is iad seo a leanas na príomheisceachtaí ó na rialacha maidir le tarraingt siar:

• seirbhís atá déanta agat cheana féin (le comhaontú do chustaiméara) sula gcinneann an custaiméir tarraingt siar
• earraí meatacha (e.g. earraí bia áirithe)
• earraí séalaithe nach féidir a thabhairt ar ais ar chúiseanna sláinteachais tar éis a n-oscailte
• earraí saincheaptha arna bhforbairt de réir shonraíochtaí an chustaiméara nó atá pearsantaithe ar bhealach soiléir
• meáin shéalaithe (taifeadtaí fuaime, taifeadtaí físe nó bogearraí) ar bhain an custaiméir an séala díobh
• nuachtáin nó irisí (ach is féidir tarraingt as síntiúis)
• lóistín saoire, carr ar cíos, lónadóireacht nó seirbhísí fóillíochta má tá gealltanas tugtha agat na seirbhísí sin a dhéanamh ar dháta sonrach nó laistigh de thréimhse shonrach)

Na hearraí a sheachadadh

Mura gcomhaontaítear a mhalairt sa chonradh, ní mór duit na hearraí a sheachadadh gan moill mhíchuí tráth nach déanaí ná 30 lá tar éis an conradh a thabhairt i gcrích.

Mura bhfuil tú in ann earraí a sheachadadh laistigh de 30 lá nó an t-am a comhaontaíodh, is féidir leis an gcustaiméir a iarraidh ort iad a sheachadadh laistigh de thréimhse bhreise ama.

Mura seachadann tú na hearraí laistigh den tréimhse bhreise sin, féadfaidh an custaiméir deireadh a chur leis an gconradh agus aisíocaíocht a iarraidh.

Eisceacht

I gcásanna ina bhfuil an dáta seachadta sonraithe fíor-thábhachtach (e.g. feisteas bainise), is féidir leis an gcustaiméir deireadh a chur leis an gconradh láithreach agus tá sé i dteideal aisíocaíocht iomlán mura seachadtar an t-earra ar an dáta a comhaontaíodh ar dtús.

Is tusa a sheasfaidh aon damáiste do na hearraí le linn an tseachadta, murab é an custaiméir a shocraigh an seachadadh agus a choimisiúnaigh an t-iompróir. Is tusa i gcónaí atá freagrach as an méid a tharlaíonn d’earraí nuair atá siad á n-iompar ag iompróir atá ar conradh agat.

Na hearraí a sheachadadh

Mura gcomhaontaítear a mhalairt sa chonradh, ní mór duit na hearraí a sheachadadh gan moill mhíchuí tráth nach déanaí ná 30 lá tar éis an conradh a thabhairt i gcrích.

Mura bhfuil tú in ann earraí a sheachadadh laistigh de 30 lá nó an t-am a comhaontaíodh, is féidir leis an gcustaiméir a iarraidh ort iad a sheachadadh laistigh de thréimhse bhreise ama.

Mura seachadann tú na hearraí laistigh den tréimhse bhreise sin, féadfaidh an custaiméir deireadh a chur leis an gconradh agus aisíocaíocht a iarraidh.

Eisceacht

I gcásanna ina bhfuil an dáta seachadta sonraithe fíor-thábhachtach (e.g. feisteas bainise), is féidir leis an gcustaiméir deireadh a chur leis an gconradh láithreach agus tá sé i dteideal aisíocaíocht iomlán mura seachadtar an t-earra ar an dáta a comhaontaíodh ar dtús.

Is tusa a sheasfaidh aon damáiste do na hearraí le linn an tseachadta, murab é an custaiméir a shocraigh an seachadadh agus a choimisiúnaigh an t-iompróir. Is tusa i gcónaí atá freagrach as an méid a tharlaíonn d’earraí nuair atá siad á n-iompar ag iompróir atá ar conradh agat.