Téarmaí agus coinníollacha ginearálta maidir le fostaíocht
Nuair a fhostaíonn tú baill foirne, ní mór duit na ceanglais íosta a urramú atá leagtha síos i ndlí fostaíochta an Aontais maidir le téarmaí fostaíochta ball foirne, mar aon le hathruithe ar chonarthaí oibre.
Mar fhostóir, ní mór duit a bheith ar an eolas faoi chaighdeáin íosta an Aontais maidir le huaireanta oibre agus scíth, sosanna agus obair oíche. Is féidir maoluithe a dhéanamh ar chuid de na hoibleagáidí ama oibre má cheadaítear sin faoin dlí náisiúnta.
Chomh maith le bunteidlíochtaí saoire bliantúla, bunaítear le rialacha an Aontais maidir le cearta i ndáil le cothromaíocht oibre is saoil caighdeáin íosta maidir le saoire atharthachta, saoire do thuismitheoirí agus saoire cúramóirí, ar a dtugtar saoire teaghlaigh i dteannta a chéile. Cuimsítear leis na rialacha sin freisin cearta breise, cuir i gcás an ceart chun socruithe solúbtha oibre a iarraidh agus an ceart chun am saor ón obair a fháil ar fhorais force majeure.
Nuair a scaoileann tú baill foirne chun bealaigh nó nuair a bhriseann tú as a bpost iad, tá oibleagáidí sonracha ort le hurramú. Mar fhostóir, ba cheart duit a bheith ar an eolas faoi rialacha an Aontais a bhfuil feidhm acu maidir le hiomarcaíochtaí comhchoiteanna, cearta fostaithe le linn táthcheangail ghnó, deireadh a chur le conarthaí téarma shocraithe agus gearrthéarmacha, neamh-idirdhealú i ndífhostú a chinntiú, agus caighdeáin cosanta sonraí a choinneáil le linn dífhostaithe.
- Deireadh a chur le conarthaí fostaíochta bg cs da de el en es et fi fr hr hu it lt lv mt nl pl pt ro sk sl sv
Warning
D’fhéadfadh roinnt Ballstát den Aontas leibhéil níos airde cosanta a thabhairt d’oibrithe. Chun a chinntiú go dtuigeann tú go hiomlán na hoibleagáidí atá ort mar fhostóir, déan teagmháil leis an údarás náisiúnta fostaíochta i do thír féin.