Conarthaí agus ráthaíochtaí tomhaltóirí
Nuair a shíníonn tú conarthaí le tomhaltóirí, ní mór duit ceanglais an Aontais agus na mBallstát maidir le cothroime agus trédhearcacht a urramú, agus a chinntiú nach bhfuil téarmaí éagóracha i do chonarthaí. Féach leat conas a chinntiú go bhfuil do ghnó oiriúnach le dlí tomhaltóirí.
Seiceáil do chuid freagrachtaí iardhíola i leith conarthaí agus oibleagáidí tomhaltóirí maidir le do chustaiméirí, mar shampla an tréimhse mharana 14 lá agus tú ag díol ar líne, as seacháitribh nó i gcéin. Léigh faoi na ráthaíochtaí agus na barántaí dlíthiúla i ngach tír den Aontas.
I roinnt cásanna, d’fhéadfaí a mheas go bhfuil tú faoi dhliteanas i leith táirgí lochtacha a dhíolann tú. Bíodh a fhios agat go gcaithfidh tú táirge a dhíolann tú a thuairisciú má shíleann tú go bhféadfadh sé a bheith lochtach. Is féidir leat táirgí neamhshábháilte a chuardach freisin i mbunachar sonraí Safety Gate en.