Mic léinn - cearta cónaithe

Tá sé an ceart agat cónaí sa tír den Aontas ina bhfuil tú ag staidéar ar feadh tréimhse do chuid staidéir sna cásanna seo a leanas:

• go bhfuil tú cláraithe i mbunaíocht oideachais formheasta
• go bhfuil ioncam leordhóthanach agat, ó fhoinse ar bith, chun maireachtáil gan tacaíocht ioncaim a bheith de dhíth ort
• go bhfuil clúdach árachais sláinte cuimsitheach agat ansin.

Ní féidir le húdaráis náisiúnta a cheangal ort go mbeadh d’ioncam os cionn an leibhéil a cháileodh tú do thacaíocht bhunúsach ioncaim.

D’fhéadfá do cheart fanachta sa tír a chailleadh má chríochnaíonn tú do chuid staidéir agus mura féidir leat a chruthú go bhfuil tú ag obair nó go bhfuil acmhainní leordhóthanacha agat chun tacú leat féin.

Do láithreacht a thuairisciú agus d’áit chónaithe a chlárú

Le linn na chéad 3 mhí de do thréimhse fanachta, ní féidir le do thír óstach a cheangal ort d’áit chónaithe a chlárú. Is féidir leat é sin a dhéanamh más mian leat.

Tar éis 3 mhí, féadfaidh do thír óstach a cheangal ort d’áit chónaithe a chlárú bg cs da de el en es et fi fr hr hu it lt lv mt nl pl pt ro sk sl sv le húdaráis áitiúla, chun a thaispeáint go gcomhlíonann tú na coinníollacha chun fanacht mar mhac léinn agus doiciméad a fháil lena ndeimhnítear do cheart fanachta.

Beidh an méid seo a leanas ag teastáil uait:

• cruthúnas go bhfuil tú cláraithe i mbunaíocht oideachais formheasta
• cruthúnas go bhfuil clúdach árachais sláinte cuimsitheach agat
• dearbhú go bhfuil acmhainní leordhóthanacha agat chun tacú leat féin gan tacaíocht ioncaim a bheith de dhíth: féadfaidh na hacmhainní sin teacht ó aon fhoinse ar bith

An féidir iarraidh ort imeacht nó thú a dhíbirt?

Is féidir cónaí a bheith ort i dtír eile den Aontas fad is a leanann tú de na coinníollacha cónaithe a chomhlíonadh. Mura gcomhlíonann tú na ceanglais sin a thuilleadh, d’fhéadfadh sé go n-éileodh na húdaráis náisiúnta ort imeacht.

I gcásanna eisceachtúla, féadfaidh do thír óstach tú a dhíbirt ar fhorais an bheartais phoiblí nó na slándála poiblí. Ní féidir é sin a dhéanamh ach amháin más féidir a chruthú gur bagairt shuntasach thú.

Ní mór an cinneadh díbeartha nó an iarraidh ar fhágáil a thabhairt duit i scríbhinn. Ní mór na cúiseanna a bhí le do dhíbirt a lua ann agus a shonrú conas is féidir leat achomharc a dhéanamh agus cathain.

Buanchónaí

Má tá cónaí ort go dleathach i dtír eile den Aontas ar feadh tréimhse leanúnach 5 bliana, agus má chomhlíon tú na coinníollacha chun fanacht ann, faigheann tú an ceart buanchónaithe bg cs da de el en es et fi fr hr hu it lt lv mt nl pl pt ro sk sl sv sa tír sin go huathoibríoch. Ciallaíonn sé sin gur féidir leat fanacht sa tír chomh fada agus is mian leat.

Ní dhéanann na nithe seo a leanas difear do do leanúnachas cónaithe:

• neamhláithreachtaí sealadacha (níos lú ná 6 mhí in aghaidh na bliana)
• neamhláithreachtaí níos faide le haghaidh seirbhís mhíleata éigeantach
• neamhláithreacht amháin 12 mhí as a chéile, ar chúiseanna tábhachtacha amhail toircheas agus breith clainne, breoiteacht thromchúiseach, obair, gairmoiliúint nó postú chuig tír eile

Féadfaidh tú do cheart buanchónaithe a chailleadh má tá cónaí ort lasmuigh den tír ar feadh níos mó ná 2 bhliain as a chéile. Má chinneann tú staidéar a dhéanamh i dtír eile san Aontas, áit nach bhfuil aon cheart cónaithe agat, d’fhéadfadh feidhm a bheith ag rialacha agus coinníollacha speisialta, féach tairseach inimirce an Aontais chun tuilleadh eolais a fháil.