Sreabhadh neamhshrianta ar shonraí neamhphearsanta

Mar dhuine aonair, mar ghnólacht nó mar eagraíocht, tá sé de cheart agat sonraí neamhphearsantaa úsáid, a bhailiú, a stóráil, a aistriú nó a bhainistiú, agus lárionaid sonraí nó néalseirbhísí a úsáid áit ar bith san Aontas.

Is féidir leis sin cabhrú leat aon dúbláil costas a d’fhéadfadh a bheith ann a sheachaint; mar shampla, is féidir leat do bhonneagar TF a lárú i mBallstát amháin, fiú má oibríonn tú i dtíortha éagsúla.

Sonraí pearsanta, sonraí neamhphearsanta agus tacair sonraí mheasctha

Is éard atá i gceist le sonraí pearsanta aon eolas faoi dhuine sainaitheanta nó inaitheanta agus leanann siad rialacha RGCS bg cs da de el en es et fi fr hr hu it lt lv mt nl pl pt ro sk sl sv .

Tagraíonn tacair sonraí neamhphearsanta do shonraí:

• nach mbaineann le duine nádúrtha sainaitheanta nó in-sainaitheanta, cuir i gcás sonraí maidir le dálaí aimsire
• a bhí mar shonraí pearsanta ar dtús, ach ina dhiaidh sin rinneadh anaithnid iad agus ní féidir iad a chur i leith duine ar leith ar bhealach ar bith

Is éard atá i gceist le tacair sonraí mheasctha bailiúcháin de shonraí pearsanta agus neamhphearsanta, cuir i gcás taifead cánach cuideachta, ina luaitear ainm agus uimhir theileafóin stiúrthóir bainistíochta na cuideachta. I bhformhór na gcásanna, tá dlúthbhaint idir na sonraí pearsanta agus neamhphearsanta i dtacair sonraí mheasctha. Má bhíonn tú ag plé le tacair sonraí mheasctha den sórt sin, ní mór duit rialacha RGCS bg cs da de el en es et fi fr hr hu it lt lv mt nl pl pt ro sk sl sv a leanúint.

Is féidir leat do shonraí a stóráil áit ar bith san Aontas, ar néalseirbhísí san áireamh

Seachas na cásanna eisceachtúla a mhínítear thíos, is féidir leat an suíomh ina stóráiltear nó ina bpróiseáiltear sonraí a roghnú.

Má úsáideann tú néalseirbhís chun do chuid sonraí a stóráil, cinntítear le rialacha sonraí an Aontais an méid seo a leanas:

• Is féidir leat aistriú go héasca chuig soláthraí néalseirbhíse eile nó do shonraí a chur ar ais chuig do chórais TF féin.
• Ní mór do sholáthraithe do shonraí a thabhairt duit i bhformáid choiteann mheaisín-inléite agus ní féidir leo bacainní a chruthú maidir le haistriú.
• Má úsáideann tú seirbhísí bonneagair (IaaS), ní mór don soláthraí nua torthaí inchomparáide a sholáthar le haghaidh gnéithe comhroinnte, ionas go leanfaidh do chuid feidhmchlár de bheith ag obair.
• Féadfaidh soláthraithe costais theoranta a ghearradh as malartú agus as sonraí a bhogadh amach as néalseirbhísí (aslonnú). Tá an méid is féidir leo a ghearradh teoranta don mhéid a chaitheann siad féin ar mhalartú/aslonnú custaiméara a dhéanamh indéanta.

Srianta logánaithe sonraí san Aontas

I gcásanna eisceachtúla, d’fhéadfadh sé go mbeadh Ballstáit den Aontais in ann srian a chur le gluaiseacht sonraí áirithe, ach amháin má tá údar cuí leis ar fhorais na slándála poiblí. D’fhéadfadh údar den sórt sin a bheith ann, mar shampla, nuair a bhaineann sonraí le himscrúduithe leanúnacha frithsceimhlitheoireachta, nó nuair a d’fhéadfadh caillteanas sonraí a bheith i mbaol mórthionóisce tráchta (amhail i gcás sonraí rialaithe aerthráchta). Braitheann na heisceachtaí sin ar reachtaíocht náisiúnta. Le rialachán an Aontais maidir le saorshreabhadh sonraí neamhphearsanta, tugtar rochtain ar eolas faoi shrianta logánaithe sonraí den sórt sin.

Sonraí a chomhroinnt leis na húdaráis inniúla

Ní mór duit sonraí a chur ar fáil má dhéanann údarás inniúil iarratas dlisteanach ar rochtain ar do shonraí, fiú má dhéantar na sonraí a bhainistiú nó a stóráil i mBallstát eile. Féadfar pionóis a eisiúint i gcás neamhchomhlíonadh i gcomhréir leis an dlí náisiúnta.

Eolas agus pointí teagmhála náisiúnta

Leagtar amach i rialacha an Aontais maidir le saorshreabhadh sonraí neamhphearsanta dhá phointe eolais nach mór do Bhallstáit den Aontas a sholáthar:

• Tagraíonn ‘pointe faisnéise aonair’ do shuíomh gréasáin oifigiúil ar a bhfuil eolas náisiúnta faoi na srianta agus na ceanglais logánaithe sonraí.
• Tagraíonn ‘pointe teagmhála aonair’ do sheoladh fisiciúil agus/nó do ríomhphost ar féidir leat teagmháil a dhéanamh leis chun tuilleadh eolais a fháil.

Tá an t-eolas sin le fáil sa rannán ‘Cuir ceist ar údaráis riaracháin náisiúnta ’ thíos.