Clárú mar fhostaí i mBallstát eile den Aontas

Má fhostaíonn tú fostaithe i mBallstát eile den Aontas, ní mór duit clárú leis na húdaráis áitiúla mar fhostóir. Déantar é seo chun a chinntiú go gcomhlíonann tú dlíthe áitiúla an tsaothair, ranníocaíochtaí slándála sóisialta agus cánachas ina measc. Ba chóir duit a bheith ar an eolas faoi na nithe seo a leanas:

• próiseas clárúcháin an fhostóra: Tá a gcuid nósanna imeachta clárúcháin féin ag gach tír, agus ní mór d’fhostóirí teagmháil a dhéanamh leis na húdaráis ábhartha (institiúidí slándála sóisialta nó údaráis chánach go minic) chun clárú mar fhostóir.
• uimhir aitheantais an fhostóra: Tar éis dóibh clárú, is minic a fhaigheann fostóirí uimhir aitheantais fostóra le húsáid le haghaidh comhdú slándála sóisialta agus comhdú a bhaineann le cáin.

Fostaithe a chlárú le haghaidh ranníocaíochtaí slándála sóisialta

Tar éis dóibh clárú mar fhostóir, is gá na fostaithe a chlárú sa tír ina n-oibreoidh siad chun a chinntiú go bhfuil siad clúdaithe faoin gcóras slándála sóisialta áitiúil. Is gá duit an méid seo a leanas a chur san áireamh:

Ranníocaíochtaí slándála sóisialta

Is iondúil go mbíonn fostaithe atá ag obair i mBallstát eile den Aontas faoi réir rialacha slándála sóisialta na tíre sin, agus bíonn fostóirí freagrach as ranníocaíochtaí an fhostóra agus ranníocaíochtaí an fhostaí araon a choinneáil siar agus a chur ar aghaidh. Tá rátaí agus riachtanais ranníocaíochta éagsúla ag gach tír lena gcumhdaítear na nithe seo a leanas:

• árachas sláinte
• ranníocaíochtaí pinsin
• árachas dífhostaíochta
• sochair shóisialta eile (e.g., saoire tuismitheora, árachas míchumais)

An próiseas clárúcháin

• Ní mór duit na húdaráis slándála sóisialta áitiúla a chur ar an eolas faoi fhostaithe nua, agus sonraí a chur ar fáil ina leith, cuir i gcás sonraí pearsanta an fhostaí, dáta tosaigh, sainchuntas poist agus tuarastal.
• Féadfaidh an próiseas agus an amlíne chun fostaithe a chlárú a bheith éagsúil ó thír go dtí, agus i roinnt tíortha, caithfear é a dhéanamh sula dtosaíonn an fostaí ag obair.

Cásanna speisialta

• Oibrithe ar postú : I gcás fostaithe a chuirtear ag obair go sealadach i mBallstát eile den Aontas (oibrithe ar postú), de ghnáth ní gá don fhostóir clárú mar fhostóir sa Bhallstát óstach. Tá an fostaí fós cumhdaithe faoi chóras slándála sóisialta na tíre seolta, ar choinníoll nach faide ná 24 mhí an postú agus go gcomhlíontar coinníollacha áirithe. Ní mór d’fhostóirí foirm A1 en a iarraidh chun an reachtaíocht slándála sóisialta atá i bhfeidhm a dheimhniú agus a chinntiú nach bhfuil aon dualgas ar an oibrí ranníocaíochtaí a íoc i mBallstát eile den Aontas.
• Oibrithe trasteorann: Is gnách go mbíonn fostaithe a oibríonn i mBallstát amháin den Aontas ach a bhfuil cónaí orthu i mBallstát eile bg cs da de el en es et fi fr hr hu it lt lv mt nl pl pt ro sk sl sv faoi réir rialacha slándála sóisialta na tíre ina bhfuil siad ag obair. Ba cheart d’fhostóirí cúinsí sonracha a fhíorú leis na húdaráis ábhartha, toisc go bhféadfadh eisceachtaí a bheith i bhfeidhm.

Is féidir rochtain a fháil ar eolas náisiúnta thíos.