Il-kummerċ elettroniku, il-bejgħ mill-bogħod u barra mil-lok tan-negozju

Informazzjoni bil-quddiem lill-klijenti

Qabel ma tikkonkludi l-kuntratt mal-klijent tiegħek, trid tipprovdilu l-informazzjoni li ġejja b’format ċar u li jinftiehem.

Id-dettalji tiegħek

• l-identità tiegħek
• l-indirizz fiżiku u tal-email tiegħek
• in-numru tat-telefown (jekk ikun disponibbli)

L-oġġetti u s-servizzi

• il-karatteristiċi ewlenin tal-oġġetti jew tas-servizzi

Il-konsenja u r-ritorni

Ir-regoli dwar ir-ritorni f’dan il-kuntest jirrelataw mad-dritt tal-irtirar tal-konsumatur (mhux man-nonkonformità tal-prodott)

• jekk japplikawx restrizzjonijiet fuq il-konsenja
• l-arranġamenti tal-konsenja
• l-obbligu tal-klijent li jħallas biex jirritorna l-oġġetti u stima tal-ispiża biex jirritornahom jekk ma jkunx possibbli li jiġu rritornati b’mod normali bil-posta (pereżempju oġġetti goffi) (jekk ma tinformax lill-klijent minn qabel tkun responsabbli għall-ispiża biex l-oġġetti jiġu rritornati)

Il-prezzijiet, il-pagamenti, u l-ispejjeż

• il-prezz tal-oġġetti jew tas-servizzi — li jinkludi kwalunkwe spiża addizzjonali bħat-taxxi, l-ispejjeż tal-konsenja, u l-posta eċċ.
• il-mezzi aċċettabbli ta’ pagament
• l-arranġamenti għall-pagament
• l-ispejjeż lill-klijent — meta jikkuntattjak biex jikkonkludi l-kuntratt — jekk ikunu ogħla mir-rata bażika (pereżempju l-prezzijiet ta' telefonati b’tariffi speċjali fil-każ ta’ kuntratti li jiġu konklużi bit-telefown)
• il-kundizzjonijiet għal kull depożitu li jrid jitħallas
• il-kundizzjonijiet ta’ kwalunkwe garanzija finanzjarja mogħtija

Jekk tixtieq titlob ħlas mingħand il-klijent biex juża xi mezz speċifiku ta’ pagament, bħal karta ta’ kreditu, il-ħlas qatt ma jista' jkun ogħla minn kemm fil-fatt jiswik biex tipproċessa l-pagament. F’xi pajjiżi dawn it-tariffi jistgħu fil-fatt ikunu pprojbiti għalkollox.

Il-kodiċi tal-kondotta u l-kundizzjonijiet kuntrattwali

• kif taċċessa kwalunkwe kodiċi tal-kondotta li japplika
• it-tul taż-żmien tal-kuntratt u l-kundizzjonijiet biex wieħed itemmu

Id-dritt tal-irtirar mill-kuntratt

• il-kundizzjonijiet, il-limiti taż-żmien, u l-proċeduri
• il-formola speċifika tal-irtirar
• l-obbligu tal-klijent li jħallas għal kwalunkwe servizz (jew utilità pubblika) li jkun ġie fornut diġà matul il-perjodu tal-irtirar, pereżempju jekk ikun talab biex is-servizzi jingħataw immedjatament wara l-konklużjoni tal-kuntratt u mbagħad jiddeċiedi li jirtira mill-kuntratt
• l-obbligu tal-klijent li jħallas biex jirritorna l-oġġetti u stima tal-ispiża biex jirritornahom jekk ma jkunx possibbli li jiġu rritornati b’mod normali bil-posta (pereżempju oġġetti goffi)
• l-imġiba li ttellef id-dritt tal-irtirar (pereżempju, il-ftuħ ta’ DVD jew CD issiġillati)
• l-imġiba fejn id-dritt tal-irtirar ma japplikax (pereżempju, regoli għall-oġġetti li jiskadu). F’każijiet ta’ din ix-xorta m’għandekx għalfejn tinforma lill-klijent dwar ir-regoli ta’ hawn fuq dwar id-dritt tal-irtirar.

Tista' ssib eżempji ta’ kliem li juruk kif tagħti l-informazzjoni dwar il-kundizzjonijiet tal-irtirar fl-anness 1 tad-Direttiva.

Il-garanziji u s-soluzzjoni tat-tilwim

• l-arranġamenti biex jiġu indirizzati l-ilmenti
• l-iskemi disponibbli barra mill-qorti biex jissolva t-tilwim
• in-nota ta’ tfakkir dwar il-garanzija legali fuq l-oġġetti
• il-kundizzjonijiet għal kwalunkwe servizz ta' wara l-bejgħ jew garanziji kummerċjali

Kif għandek tipprovdi din l-informazzjoni?

Trid tipprovdi l-informazzjoni kollha msemmija hawn fuq b’mod ċar u li faċli biex jinftiehem.

Eżatt qabel ma l-klijent jagħmel l-ordni tiegħu (jikklikkja fuq buttuna biex iħallas/jixtri) u viċin il-buttuna trid ukoll tindika b’mod ċar u prominenti:

• il-karatteristiċi ewlenin tal-oġġetti jew servizzi
• il-prezz totali, inklużi l-ispejjeż addizzjonali
• it-tul taż-żmien u l-kundizzjonijiet biex wieħed itemm il-kuntratt
• iż-żmien minimu tal-obbligi tal-konsumatur skont il-kuntratt (jekk ikun hemm wieħed)

Il-klijenti għandhom jingħataw ukoll l-opportunità li jirrikonoxxu li l-fatt li jagħmlu l-ordni jobbligahom li jħallsu. Pereżempju: il-buttuna “Ikkonferma l-ordni” trid tkun tindika b’mod ċar il-funzjoni tagħha, ngħidu aħna billi tkun tinkludi l-kliem “Ordna u ħallas”.

Il-kaxex immarkati minn qabel

Ma tistax tuża kaxxi mmarkati minn qabel meta titlob pagamenti żejda għal servizzi li jkunu addizzjonali, pereżempju l-assigurazzjoni fuq l-ivvjaġġar meta tiġi bbukkjata titjira. Il-klijenti jridu jingħataw dejjem il-possibbiltà li jaqblu espliċitament dwar kwalunkwe pagament addizzjonali.

Il-bejgħ ta’ kontenut diġitali

Jekk tbigħ kontenut diġitali bħal mużika, vidjows, jew software online, trid ukoll tinforma lill-klijenti dwar:

• l-interoperabbiltà tal-kontenut ma’ hardware u software rilevanti;
• il-funzjonalità tal-kontenut — bħal xi restrizzjonijiet ġeografiċi tal-użu u jekk titħalliex tagħmel kopji għall-użu personali.

Ladarba l-klijent jibda jaċċessa l-kontenut — billi jniżżlu, bl-istreaming, jew b’xi mod ieħor — ma jkunx jista' jirtira mill-kuntratt li jkun għamel miegħek.

Madankollu, l-ewwel trid tagħti lill-konsumatur l-opportunità li jaqbel b’mod espliċitu dwar dan u li jirrikonoxxi li jitlef id-dritt tiegħu li jirtira malli jibda jniżżel il-kontenut, eċċ.

Trid ukoll tinkludi konferma ta' dan il-ftehim u tal-kunsens fil-konferma tal-kuntratt li tibgħatlu.

Il-komunikazzjoni bit-telefown wara l-bejgħ

Jekk tipprovdi linja diretta tat-telefown għall-mistoqsijiet/l-ilmenti tal-klijenti dwar kuntratti li jkunu kkonkludew, trid tiżgura li t-telefonati jitħallsu bit-tariffa bażika.

Ma tistax tuża linji tat-telefown b'tariffa speċjali għal dan il-għan.

L-informazzjoni li tingħata minn qabel lill-klijenti

Qabel ma tikkonkludi l-kuntratt mal-klijent tiegħek, trid tipprovdilu l-informazzjoni li ġejja b’format ċar u li jinftiehem.

Id-dettalji tiegħek

• l-identità tiegħek
• l-indirizz fiżiku u tal-email tiegħek
• in-numru tat-telefown (jekk ikun disponibbli)

L-oġġetti u s-servizzi

• il-karatteristiċi ewlenin tal-oġġetti jew tas-servizzi

Il-konsenja u r-ritorni

• jekk japplikawx restrizzjonijiet fuq il-konsenja
• l-arranġamenti tal-konsenja
• l-obbligu tal-klijent li jħallas biex jirritorna l-oġġetti u stima tal-ispiża biex jirritornahom jekk ma jkunx possibbli li jiġu rritornati b’mod normali bil-posta (pereżempju oġġetti goffi)

Il-prezzijiet, il-pagamenti, u l-ispejjeż

• il-prezz tal-oġġetti jew tas-servizzi — li jinkludi kwalunkwe spiża addizzjonali bħat-taxxi, l-ispejjeż tal-konsenja, u l-posta eċċ.
• il-mezzi aċċettabbli ta’ pagament
• l-arranġamenti għall-pagament
• l-ispejjeż lill-klijent — meta jikkuntattjak biex jikkonkludi l-kuntratt — jekk ikunu ogħla mir-rata bażika (pereżempju l-prezzijiet ta' telefonati b’tariffi speċjali fil-każ ta’ kuntratti li jiġu konklużi bit-telefown)
• il-kundizzjonijiet għal kull depożitu li jrid jitħallas
• il-kundizzjonijiet ta’ kwalunkwe garanzija finanzjarja mogħtija

Jekk tixtieq titlob ħlas mingħand il-klijent biex juża xi mezz speċifiku ta' pagament, bħal karta ta’ kreditu, il-ħlas qatt ma jista' jkun ogħla minn kemm fil-fatt jiswik biex tipproċessa l-pagament. F’xi pajjiżi dawn it-tariffi jistgħu fil-fatt ikunu pprojbiti għalkollox.

Il-kodiċi tal-kondotta u l-kundizzjonijiet kuntrattwali

• kif taċċessa kwalunkwe kodiċi tal-kondotta li japplika
• it-tul taż-żmien tal-kuntratt u l-kundizzjonijiet biex wieħed itemmu

Id-dritt tal-irtirar mill-kuntratt

• il-limiti taż-żmien u l-proċeduri
• il-formola speċifika tal-irtirar
• l-obbligu tal-klijent li jħallas għal kwalunkwe servizz (jew utilità pubblika) li jkun ġie fornut diġà matul il-perjodu tal-irtirar, pereżempju jekk ikun talab biex is-servizzi jingħataw immedjatament wara l-konklużjoni tal-kuntratt u mbagħad jiddeċiedi li jirtira mill-kuntratt
• kwalunkwe eċċezzjonijiet mid-dritt tal-irtirar (pereżempju oġġetti li jmorru) jew atti li jċedu d-dritt (pereżempju t-tneħħija tas-siġill ta' DVD jew ta' CD issiġillati)

Tista' ssib eżempji ta’ kliem li juruk kif tagħti l-informazzjoni dwar il-kundizzjonijiet tal-irtirar fl-anness 1 tad-Direttiva.

Il-garanziji u s-soluzzjoni tat-tilwim

• l-arranġamenti biex jiġu indirizzati l-ilmenti
• l-iskemi disponibbli barra mill-qorti biex jissolva t-tilwim
• in-nota ta’ tfakkir dwar il-garanzija legali fuq l-oġġetti
• il-kundizzjonijiet għal kwalunkwe servizz ta' wara l-bejgħ jew garanziji kummerċjali

Kif għandek tipprovdi din l-informazzjoni?

Trid tipprovdi l-informazzjoni kollha msemmija hawn fuq b’mod ċar u li faċli biex jinftiehem.

Qabel ma l-klijent jagħmel l-ordni tiegħu għandek b'mod ċar u prominenti tindika:

• il-karatteristiċi ewlenin tal-oġġetti jew servizzi
• il-prezz totali, inklużi l-ispejjeż addizzjonali
• it-tul taż-żmien u l-kundizzjonijiet biex wieħed itemm il-kuntratt
• iż-żmien minimu tal-obbligi tal-konsumatur skont il-kuntratt (jekk ikun hemm wieħed)

Trid ukoll tagħti lill-klijenti l-opportunità li jirrikonoxxu li jekk jagħmlu l-ordni jkunu obbligati jħallsu.

Il-bejgħ bit-telefown

Malli tibda t-telefonata tiegħek, trid dejjem tiddikjara l-identità tiegħek u tgħarraf lin-nies li qed tbigħ xi ħaġa. Trid ukoll tagħti l-informazzjoni dwar l-ispejjeż li l-klijent ikollu jħallas (jekk ikunu ogħla mir-rata bażika) meta jikkuntattjak biex tikkonkludu l-kuntratt, pereżempju l-prezzijiet ta' telefonati b’tariffi speċjali f’każ ta’ kuntratti li jiġu konklużi bit-telefown.

Meta tikkonkludi kuntratti bit-telefown fi wħud mill-Istati Membri tal-UE, trid tikkonferma biss l-offerta lill-klijent li jkun marbut bil-kuntratt meta jkun iffirma l-offerta.

Il-bejgħ b'messaġġ bil-mowbajl (jew simili)

Jekk il-mezz tal-bejgħ jagħmilha teknikament diffiċli għalik li tagħti din l-informazzjoni kollha — pereżempju kuntratti konklużi permezz ta' messaġġ miktub bil-mowbajl — tista' tagħti ammont limitat ta' informazzjoni, bħal pereżempju:

• l-identità tiegħek
• il-karatteristiċi ewlenin tal-oġġetti jew tas-servizzi
• il-prezz totali
• id-dritt tal-irtirar
• it-tul taż-żmien u l-kundizzjonijiet biex wieħed itemm il-kuntratt
• il-link għal sors ieħor (pereżempju website) għal-lista sħiħa tal-informazzjoni

Il-komunikazzjoni bit-telefown wara l-bejgħ

Jekk tipprovdi linja diretta tat-telefown għall-mistoqsijiet/l-ilmenti tal-klijenti dwar kuntratti li jkunu kkonkludew, trid tiżgura li t-telefonati jitħallsu bit-tariffa bażika.

Ma tistax tuża linji tat-telefown b'tariffa speċjali għal dan il-għan.

Il-konferma tal-kuntratt

Trid tipprovdi l-informazzjoni meħtieġa bil-miktub meta tikkonferma l-kuntratt. Il-konferma għandha tkun b’format durabbli (ittra, email, eċċ.), iżda tista' tibgħat ukoll il-konferma f'kont personali fil-website tiegħek li l-klijent ikollu aċċess esklużiv għalih.

Trid tikkonferma l-kuntratt kemm jista' jkun malajr, mhux aktar tard minn meta jiġu kkonsenjati l-oġġetti jew qabel ma jibda s-servizz.

Il-konferma tal-kuntratt

Trid tipprovdi l-informazzjoni meħtieġa bil-miktub meta tikkonferma l-kuntratt. Il-konferma għandha tkun b’format durabbli (ittra, email, eċċ.), iżda tista' tibgħat ukoll il-konferma f'kont personali fil-website tiegħek li l-klijent ikollu aċċess esklużiv għalih.

Trid tikkonferma l-kuntratt kemm jista' jkun malajr, mhux aktar tard minn meta jiġu kkonsenjati l-oġġetti jew qabel ma jibda s-servizz.

L-irtirar minn kuntratt

Il-klijent tiegħek meta jista’ jirtira mill-kuntratt?

Jekk tajtu l-informazzjoni neċessarja kollha dwar id-dritt tal-irtirar, il-klijent tiegħek għandu 14-il jum biex jirtira mill-kuntratt — mingħajr ebda penali u mingħajr ma jkollu għalfejn jagħti raġuni:

• Għall-oġġetti — dan ifisser 14-il jum wara l-konsenja
• Għas-servizzi — dan ifisser 14-il jum wara li jkun ġie konkluż il-kuntratt

Il-kuntratti mħalltin

Għall-kuntratti mħalltin, bħal dawk li joffru oġġetti bħala l-fokus ewlieni tal-kuntratt — b’servizzi addizzjonali — jiġi applikat id-dritt tal-irtirar b’rabta mal-oġġetti, jiġifieri sa 14-il jum wara l-konsenja. Fejn is-servizzi jkunu l-fokus ewlieni — b’oġġetti addizzjonali — jiġi applikat id-dritt tal-irtirar b’rabta mas-servizzi, jiġifieri sa 14-il jum mill-konklużjoni tal-kuntratt.

Fi kwalunkwe każ, il-perjodu jkun estiż għall-jum tax-xogħol li jkun imiss jekk dan jintemm fil-weekend jew fi btala pubblika.

Jekk tkun inqast milli tipprovdi l-informazzjoni kollha meħtieġa, il-klijent ikollu sena oħra żmien biex jirtira mill-kuntratt. Jekk f’xi punt matul dan il-perjodu ta' sena tipprovdi l-informazzjoni, il-perjodu tal-irtirar ta’ 14-il jum jibda minn dak il-mument.

X’inhuma l-obbligi tiegħek wara li l-konsumatur jirtira mill-kuntratt?

Trid trodd lura l-flus li tkun irċevejt mingħand il-klijent tiegħek (jew tikkanċella l-pagament tiegħu) fi żmien 14-il jum minn meta tiġi nnotifikat li jkun se jirtira.

Tista’ żżomm dan ir-rimborż sakemm tirċievi l-oġġetti lura mingħand il-klijent, jew tal-anqas sa meta tirċievi evidenza li fil-fatt ikun bagħathom.

Min iħallas xiex?

Il-klijent iħallas l-ispiża biex jirritorna l-oġġetti (dment li ma tkunx inqast milli tinformah b’dan minn qabel — f’dan il-każ tkun ir-responsabbiltà tiegħek li tħallas dawn l-ispejjeż).

In-negozju tiegħek irid jirrimborża l-ispejjeż oriġinali tal-konsenja, iżda mhux kwalunkwe spiża addizzjonali jekk il-klijent ikun għażel tip ta’ konsenja aktar għalja (pereżempju express) minflok konsenja standard.

L-obbligi tal-klijent

Qabel ma jirtira, il-klijent jista’ jeżamina l-oġġetti biss daqslikieku kien qiegħed jarahom f’ħanut, b’mod li jippermettilu jikkonferma li oġġett ikun dak li ordna u ried.

Jekk il-klijent ikun fil-fatt uża l-oġġetti qabel ma jibgħathom lura, tista’ titlob kumpens għall-valur imnaqqas kaġun tal-fatt li jkunu ntużaw.

L-irtirar minn servizzi

Jekk, għax hekk ikun talbek il-klijent, tkun bdejt tagħti s-servizz ordnat — pereżempju l-installazzjoni ta’ sistema tal-allarm — qabel ma jiskadi l-perjodu tad-dritt tal-irtirar u l-klijent imbagħad jiddeċiedi li jirtira, irid iħallsek għas-servizzi li tkun ipprovdejtlu sa dak il-punt.

Meta ma jistax jirtira l-klijent tiegħek?

L-eċċezzjonijiet ewlenin għar-regoli dwar l-irtirar huma jekk il-kuntratt kien għal:

• servizz li inti diġà tajt kompletament (bi ftehim mal-klijent tiegħek) qabel ma l-klijent jiddeċiedi li jirtira
• merkanzija li tiskadi (eż. ċerti oġġetti tal-ikel)
• oġġetti ssiġillati li, għal raġunijiet ta’ iġjene, ma jistgħux jintbagħtu lura wara li jkunu nfetħu
• oġġetti mfasslin apposta u żviluppati skont l-ispeċifikazzjonijiet tal-klijent jew personalizzati b’mod ċar
• midja ssiġillata (reġistrazzjonijiet bl-awdjo, reġistrazzjonijiet bil-vidjow, jew software) li l-klijent ikun neħħielhom is-siġill
• gazzetti jew rivisti (iżda l-irtirar minn abbonamenti hu possibbli)
• akkomodazzjoni għall-btajjel, kiri ta' karozzi, servizzi ta’ catering u ta’ divertiment (jekk tkun impenjajt ruħek li tagħti dawn is-servizzi f’data speċifika jew f'perjodu speċifiku)

L-irtirar minn kuntratt

Il-klijent tiegħek meta jista’ jirtira mill-kuntratt?

Jekk tajtu l-informazzjoni neċessarja kollha dwar id-dritt tal-irtirar, il-klijent tiegħek għandu 14-il jum biex jirtira mill-kuntratt — mingħajr ebda penali u mingħajr ma jkollu għalfejn jagħti raġuni:

• Għall-oġġetti — dan ifisser 14-il jum wara l-konsenja
• Għas-servizzi — dan ifisser 14-il jum wara li jkun ġie konkluż il-kuntratt

Il-kuntratti mħalltin

Għall-kuntratti mħalltin, bħal dawk li joffru oġġetti bħala l-fokus ewlieni tal-kuntratt — b’servizzi addizzjonali — jiġi applikat id-dritt tal-irtirar b’rabta mal-oġġetti, pereżempju sa 14-il jum wara l-konsenja. Fejn is-servizzi jkunu l-fokus ewlieni — b’oġġetti addizzjonali — jiġi applikat id-dritt tal-irtirar b’rabta mas-servizzi, jiġifieri sa 14-il jum mill-konklużjoni tal-kuntratt.

Fi kwalunkwe każ, il-perjodu jkun estiż għall-jum tax-xogħol li jkun imiss jekk dan jintemm fil-weekend jew fi btala pubblika.

Jekk tkun inqast milli tipprovdi l-informazzjoni kollha meħtieġa, il-klijent ikollu sena oħra żmien biex jirtira mill-kuntratt. Jekk f’xi punt matul dan il-perjodu ta' sena tipprovdi l-informazzjoni, il-perjodu tal-irtirar ta’ 14-il jum jibda minn dak il-mument.

X’inhuma l-obbligi tiegħek wara li l-konsumatur jirtira mill-kuntratt?

Trid trodd lura l-flus li tkun irċevejt mingħand il-klijent tiegħek (jew tikkanċella l-pagament tiegħu) fi żmien 14-il jum minn meta tiġi nnotifikat li jkun se jirtira.

Tista’ żżomm dan ir-rimborż sakemm tirċievi l-oġġetti lura mingħand il-klijent, jew tal-anqas sa meta tirċievi evidenza li fil-fatt ikun bagħathom.

Min iħallas xiex?

Il-klijent iħallas l-ispiża biex jirritorna l-oġġetti (dment li ma tkunx inqast milli tinformah b’dan minn qabel — f’dan il-każ tkun ir-responsabbiltà tiegħek li tħallas dawn l-ispejjeż).

In-negozju tiegħek irid jirrimborża l-ispejjeż oriġinali tal-konsenja, iżda mhux kwalunkwe spiża addizzjonali jekk il-klijent ikun għażel tip ta’ konsenja aktar għalja (pereżempju express) minflok konsenja standard.

L-obbligi tal-klijent

Qabel ma jirtira, il-klijent jista’ jeżamina l-oġġetti biss daqslikieku kien qiegħed jarahom f’ħanut, b’mod li jippermettilu jikkonferma li oġġett ikun dak li ordna u ried.

Jekk il-klijent ikun fil-fatt uża l-oġġetti qabel ma jibgħathom lura, tista’ titlob kumpens għall-valur imnaqqas kaġun tal-fatt li jkunu ntużaw.

L-irtirar minn servizzi

Jekk, għax hekk ikun talbek il-klijent, tkun bdejt tagħti s-servizz ordnat — pereżempju l-installazzjoni ta’ sistema tal-allarm — qabel ma jiskadi l-perjodu tad-dritt tal-irtirar u l-klijent imbagħad jiddeċiedi li jirtira, irid iħallsek għas-servizzi li tkun ipprovdejtlu sa dak il-punt.

Meta ma jistax jirtira l-klijent tiegħek?

L-eċċezzjonijiet ewlenin għar-regoli dwar l-irtirar huma jekk il-kuntratt kien għal:

• servizz li inti diġà tajt kompletament (bi ftehim mal-klijent tiegħek) qabel ma l-klijent jiddeċiedi li jirtira
• merkanzija li tiskadi (eż. ċerti oġġetti tal-ikel)
• oġġetti siġillati li, għal raġunijiet ta’ iġjene, ma jistgħux jintbagħtu lura wara li jkunu nfetħu
• oġġetti mfasslin apposta u żviluppati skont l-ispeċifikazzjonijiet tal-klijent jew personalizzati b’mod ċar
• midja ssiġillata (reġistrazzjonijiet bl-awdjo, reġistrazzjonijiet bil-vidjow, jew software) li l-klijent ikun neħħielhom is-siġill
• gazzetti jew rivisti (iżda l-irtirar minn abbonamenti hu possibbli)
• akkomodazzjoni għall-btajjel, kiri ta' karozzi, servizzi ta’ catering u ta’ divertiment (jekk tkun impenjajt ruħek li tagħti dawn is-servizzi f’data speċifika jew f'perjodu speċifiku)

Il-konsenja tal-oġġetti

Sakemm ma jkunx miftiehem mod ieħor fil-kuntratt, trid tikkonsenja l-oġġetti mingħajr dewmien żejjed, sa mhux aktar tard minn 30 jum wara li jiġi konkluż il-kuntratt.

Jekk ma tistax tikkonsenjahom fi żmien 30 jum jew fiż-żmien miftiehem, il-klijent jista’ jitlob li tikkonsenjahom f’perjodu ta’ żmien addizzjonali.

Jekk inti tonqos milli tikkonsenjahom matul dan il-perjodu addizzjonali, il-klijent jista’ jtemm il-kuntratt u jitlob li jingħata flusu lura.

Eċċezzjoni

F’każijiet fejn id-data tal-konsenja speċifikata hi essenzjali (pereżempju libsa tat-tieġ), il-klijent jista’ jtemm il-kuntratt immedjatament u jkun intitolat għal rimborż sħiħ jekk l-oġġett ma jiġix ikkonsenjat fid-data li oriġinarjament ikun sar qbil dwarha.

Ir-responsabbiltà għar-riskju ta’ xi danni lill-oġġetti waqt il-konsenja hija tiegħek, sakemm ma kienx il-klijent li organizza l-konsenja u qabbad lit-trasportatur. Inti dejjem responsabbli għal dak li jiġri mill-oġġetti meta dawn ikunu qed jinġarru minn trasportatur imqabbad minnek.

Il-konsenja tal-oġġetti

Sakemm ma jkunx miftiehem mod ieħor fil-kuntratt, trid tikkonsenja l-oġġetti mingħajr dewmien żejjed, sa mhux aktar tard minn 30 jum wara li jiġi konkluż il-kuntratt.

Jekk ma tistax tikkonsenjahom fi żmien 30 jum jew fiż-żmien miftiehem, il-klijent jista’ jitlob li tikkonsenjahom f’perjodu ta’ żmien addizzjonali.

Jekk inti tonqos milli tikkonsenjahom matul dan il-perjodu addizzjonali, il-klijent jista’ jtemm il-kuntratt u jitlob li jingħata flusu lura.

Eċċezzjoni

F’każijiet fejn id-data tal-konsenja speċifikata hi essenzjali (pereżempju libsa tat-tieġ), il-klijent jista’ jtemm il-kuntratt immedjatament u jkun intitolat għal rimborż sħiħ jekk l-oġġett ma jiġix ikkonsenjat fid-data li oriġinarjament ikun sar qbil dwarha.

Ir-responsabbiltà għar-riskju ta’ xi danni lill-oġġetti waqt il-konsenja hija tiegħek, sakemm ma kienx il-klijent li organizza l-konsenja u qabbad lit-trasportatur. Inti dejjem responsabbli għal dak li jiġri mill-oġġetti meta dawn ikunu qed jinġarru minn trasportatur imqabbad minnek.