Permessi tax-xogħol
Il-Brexit affettwak?
- Mistoqsijiet u Tweġibiet –id-drittijiet taċ-ċittadini tal-UE u tar-Renju Unit, kif indikati fil-Ftehim dwar il-Ħruġ
- Informazzjoni u gwida tal-gvern tar-Renju Unit dwar il-Brexiten
Bħala ċittadin tal-UE ġeneralment ma jeħtiġlekx permess tax-xogħol biex taħdem tkun fejn tkun fl-UE.
Il-permessi tax-xogħol qatt mhuma meħtieġa għan-nies li jaħdmu għal rashom fl-UE.
Il-Liechtenstein jimponi kwoti li jillimitaw l-għadd ta' persuni li jistgħu jaħdmu u jgħixu fih. Din is-sistema ta' kwota tapplika għaċ-ċittadini tal-pajjiżi kollha tal-UE, in-Norveġja u l-Iżlanda.
Xogħol fl-Iżvizzera
Il-parti l-kbira taċ-ċittadini tal-UE ma għandhomx bżonn permess biex jaħdmu fl-Iżvizzera. Restrizzjonijiet japplikaw biss għal ċittadini tal-Kroazja li għad għandhom bżonn permess tax-xogħol. Skopri aktar dwar kif tkun impjegat fl-Iżvizzera bħala ċittadin tal-UEfrdeiten.
Skont il-ftehim bejn l-UE u l-Iżvizzera dwar il-moviment liberu tal-persuni, iċ-ċittadini Żvizzeri għandhom il-libertà li jgħixu u jaħdmu fl-UE.
Aktar informazzjoni
Qabel ma tipprova taħdem f'pajjiż li għadu jimponi restrizzjonijiet, għandek tfittex informazzjoni dwar il-proċeduri applikabbli.
Għal aktar pariri, ikkuntattja lis- servizz pubbliku dwar l-impjiegi fil-pajjiż li tixtieq taħdem fih jew konsulent tal-impjiegi Ewropej
.
Permessi tax-xogħol għal ċittadini mhux tal-UE
Bħala ċittadin mhux mill-UE, jista' jkollok id-dritt li taħdem fl- UE u li tkun stmat b'mod ugwali bħaċ-ċittadini tal-UE fir-rigward tal-kundizzjonijiet tax-xogħol. Dawn id-drittijiet jiddependu min-nazzjonalità tiegħek jew mill-istatus tiegħek bħala membru tal-familja ta' ċittadini tal-UE.
Ċittadini tat-Turkija
Bħala ċittadin Tork, id-drittijiet tiegħek li tiċċaqlaq u taħdem fl-UE jiddependu kompletament fuq ir-regoli nazzjonali tal-pajjiż ospitanti tal-UE. Meta impjegat legalment fl-UE, inti tgawdi l-istess kundizzjonijiet tax-xogħol bħaċ-ċittadini ta' dak il-pajjiż.
Inti għandek id-drittijiet li ġejjin:
- wara sena ta' impjieg legali tkun intitolat għal tiġdid tal-permess tax-xogħol mal-istess impjegatur jekk ikun hemm xogħol disponibbli
- wara tliet snin ta' impjieg legali tista' tibdel lill-impjegatur u twieġeb għal kwalunkwe offerta oħra ta' impjieg bl-istess kwalifiki professjonali
- wara erba' snin ta' impjieg legali tgawdi aċċess ħieles għal kwalunkwe impjieg bi ħlas f'dak il-pajjiż tal-UE.
Ċittadini ta' pajjiżi oħrajn li għandhom ftehim mal-UE
Tgawdi mill-istess kundizzjonijiet tax-xogħol bħaċ-ċittadini tal-pajjiż tal-UE ospitanti tiegħek jekk int ċittadin ta' wieħed mid- 79 pajjiż tal-Grupp ta' Stati tal-Afrika, il-Karibew u l-Paċifikuen jew ta':
- L-Albanija
- L-Alġerija
- Andorra
- Il-Marokk
- Il-Montenegro
- Il-Maċedonja ta' Fuq
- San Marino
- Ir-Russja
- It-Tuneżija
Ċittadini ta' pajjiżi li ma għandhomx ftehim mal-UE
Jekk int ċittadin ta' pajjiż li ma għandu ebda ftehim mal-UE, id-dritt tiegħek li taħdem f'pajjiż tal-UE jiddependi mil-liġijiet nazzjonali ta' dak il-pajjiż.
Jekk tinsab f'relazzjoni familjali ma' ċittadin tal-UE, int:
- ma għandekx bżonn permess tax-xogħol biex taħdem
- għandek id-dritt tat-trattament indaqs, inkluż l-aċċess għal vantaġġi soċjali u ta' tassazzjoni.
Għal aktar informazzjoni ċċekkja l- portal tal-UE dwar l-Immigrazzjonifrespten.