Drittijiet tal-proprjetà intellettwali

Il-protezzjoni tal-proprjetà intellettwali tiegħek għandha diversi benefiċċji:

• Jekk tipproteġi l-invenzjoni tiegħek, bħal prodott ġdid, int issir l- unika persuna bid-dritt li tużah jew tirriproduċih. Ħadd iktar ma jista' jikkopja jew jirriproduċi dak li għamilt int mingħajr il-permess tiegħek.
• Meta tipproteġi l-invenzjoni tiegħek, il-kwalità tal-prodott hi garantita u l-oriġini tiegħu hi ċara. Dan jista' jkun ta' benefiċċju għan-negozju tiegħek, għax jista' jagħti l-każ li l-klijenti jippreferu jixtru prodott li għadda minn aktar kontrolli restrittivi (oġġett ikkontrollat).
• Tista' taqla' l-flus mhux biss permezz tal-użu dirett tal-IP, iżda wkoll indirettament permezz ta' ftehimiet għall-ħruġ ta' liċenzji. Dan iseħħ meta tagħti liċenzja lil kumpanija oħra biex jużaw il-materjal protett bl-IP tiegħek għal ċertu perjodu ta' żmien.
• F'xi każijiet, bħal fil-każ tad- drittijiet tal-awtur u d- disinn mhux irreġistrat, il-protezzjoni tal-IP tiegħek hu awtomatiku u ma jeħtieġ ebda formalità.
• Meta jkollok privattiva jew trademark il-valur fis-suq tiegħek jista' jiżdied u jista' jkun aktar faċli biex in-negozju tiegħek isib investituri jew opportunitajiet oħra ta' finanzjament.

Għal aktar informazzjoni dwar il-proprjetà intellettwali, l-appoġġ personalizzat u r-reġistrazzjoni ta' trademark, ara l- uffiċċju diġitali tal-Uffiċċju tal-Proprjetà Intellettwali tal-Unjoni Ewropea (EUIPO).

Nacionalinę informaciją rasite toliau.