Bidu ta' negozju

Biex tibda kumpanija ġdida jew tespandi n-negozju tiegħek f'pajjiż ieħor tal-UE trid tkun taf ir-regoli li japplikaw u l-punt ta' kuntatt nazzjonali rilevanti biex tistabbilixxi kumpanija f'dak il-pajjiż speċifiku.

Sib il-post it-tajjeb biex tibda negozju f’pajjiżi differenti tal-UE:

X’tista’ tagħmel?

Bħala ċittadin tal-UE int intitolat li:

• tistabbilixxi n-negozju tiegħek (anke bħala kummerċjant waħdek) fi kwalunkwe pajjiż tal-UE, l-Iżlanda, in-Norveġja jew il-Liechtenstein
• tistabbilixxi fergħa sussidjarja ta’ negozju eżistenti bbażat fl-UE li diġà hu rreġistrat f’pajjiż tal-UE

Rekwiżiti

Ir-rekwiżiti jvarjaw skont il-pajjiż. Madankollu, l-UE tinkuraġġixxi lill-pajjiżi kollha biex jilħqu ċerti miri biex jgħinu fl-istabbiliment ta’ kumpaniji ġodda, inkluż:

• l-istabbiliment ta' negozju f’mhux aktar minn tlitt ijiem ta’ xogħol
• l-ispiża ta’ anqas minn €100
• it-tlestija tal-proċeduri kollha permezz ta’ korp amministrattiv uniku
• it-tlestija tal-formalitajiet ta’ reġistrazzjoni kollha online
• ir-reġistrazzjoni ta' kumpanija f’pajjiż ieħor tal-UE online (permezz tal-punti ta' kuntatt nazzjonali )

Finanzjament u appoġġ

Hemm diversi proġetti ddedikati biex jgħinu lin-negozji li għadhom jibdew fl-UE:

• Startup Europe en ssaħħaħ l-opportunitajiet ta’ networking bejn negozji ġodda ta’ teknoloġija għolja, negozji li qed jespandu, investituri, aċċeleraturi, networks korporattivi, universitajiet u l-media.
• Is-Sħubija Startup Europe en hi pjattaforma ta’ innovazzjoni miftuħa pan-Ewropea integrata li tgħin biex jikbru l-aħjar negozji tal-UE li qed jespandu.
• Il-Portal InvestEU jiġbor flimkien l-investituri u l-promoturi tal-proġetti abbażi ta’ data unika għall-UE kollha ta’ opportunitajiet ta’ investiment.

Aqra dwar il-programmi ta’ finanzjament tal-UE u kif tikseb aċċess għall-finanzjament.

Ara ukoll:

• Mappa interattiva: kumpaniji ffinanzjati mill-UE permezz tal-Istrument għall-SMEs en
• Sib kumpanija: aċċessa informazzjoni dwar kumpanija fl-UE
• Gateway għall-intraprendituri nisa