Twettiq ta' negozju
L-aħħar verifika : 20/09/2018

Residenza permanenti (>5 snin) għall-membri tal-familja li mhumiex ċittadini tal-UE

Deċiżjoni tar-Renju Unit li tinvoka l-Artikolu 50 tat-TUE: Aktar informazzjoni

Għalissa, ir-Renju Unit għadu membru sħiħ tal-UE u d-drittijiet u l-obbligi għadhom japplikaw bis-sħiħ fir-Renju Unit:

Lejn l-aħħar tar-residenza legali ta' ħames snin kontinwi l-membri tal-familja tiegħek li mhumiex ċittadini tal-UE għandhom japplikaw għal karta ta' residenza permanenti fil-pajjiż tal-UE fejn tgħix.

Il-karta ta' residenza permanenti ta' spiss tinħareġ bla ħlas (jew bl-istess prezz li jħallsu għall-karti tal-identità ċ-ċittadini tal-pajjiż). Għandha tkun valida għal 10 snin u tiġġedded b'mod awtomatiku mingħajr ebda kundizzjoni jew rekwiżit.

Meta japplikaw għall-karta ta' residenza permanenti tagħhom, il-membri tal-familja tiegħek li mhumiex ċittadini tal-UE għandhom jippreżentaw prova li ilhom jgħixu legalment fil-pajjiż għal 5 snin - pereżempju, billi jużaw karta ta' residenza valida li tkun inħarġitilhom 5 snin ilu.

Jekk tiltaqa' ma problemi biex tingħata karta ta' residenza permanenti għall-membri ta' familtek li mhumiex ċittadini tal-UE, tista' ċċempel lis- servizzi ta' għajnuna tagħna.

Anki jekk dawn għandhom karta ta' residenza permanenti il-membri tal-familja tiegħek li mhumiex ċittadini tal-UE xorta għandhom bżonn ta' viża biex jivvjaġġaw fl-UE. Sib aktar informazzjoni dwar id- dokumenti tal-ivvjaġġar għal membri tal-familja li mhumiex ċittadini tal-UE.

Mistoqsijiet frekwenti

Leġiżlazzjoni tal-UE

Bżonn ta' aktar tagħrif dwar ir-regoli f'pajjiż speċifiku?

Teħtieġ l-għajnuna mis-servizzi ta’ assistenza?

Ikkuntattja s-servizzi ta' assistenza speċjalizzata

Ikkondividi din il-paġna: