Mistoqsijiet frekwenti - Residenza permanenti għaċ-ċittadini mhux tal-UE wara 5 snin
Jiena ġejt ngħix fil-Portugall ma' żewġi Franċiż 6 snin ilu; Żewġi miet xahrejn ilu, m'għandix dħul ta' flus indipendenti u ninsab waħdi. Jistgħu l-awtoritajiet Portugiżi jiddubitaw mid-dritt tiegħi biex nibqa' fil-Portugall?
LE - żewġek u int, irrispettivament min-nazzjonalità tiegħek, ksibtu d-dritt ta' residenza permanenti fil-Portugall wara 5 snin, u dan id-dritt ma jibqa' soġġett għal ebda kundizzjonijiet, bħal "riżorsi suffiċjenti".
Matul 4 snin li ilni ngħix fil-Portugall, imradt serjament u tlaqt mill-pajjiż għal 11-il xahar biex niġi ttrattata f'art twelidi. Dan se jaffettwa l-kontinwità ta' residenza tiegħi fil-Portugall is-sena d-dieħla meta suppost nikseb id-dritt ta' residenza permanenti?
LE - Il-kontinwità ta' residenza tiegħek fil-Portugall ma tkunx affettwata minn assenza waħda ta' massimu ta' 12-il xahar konsekuttivi għal raġunijiet importanti bħal mard serju.
Ingħatajt karta ta' residenza permanenti, u hija valida għal 10 snin. Għandi għalfejn nerġa' napplika għal karta ta' residenza fi żmien 10 snin?
IVA - ikollok terġa' tapplika iżda l-karta ta' residenza permanenti tiegħek għandha tiġġedded mingħajr aktar verifiki.
L-aħħar verifika: 05/12/2023