L-ivvjaġġar bl-annimali tad-dar u annimali oħra fl-UE
L-ivvjaġġar b’annimali tad-dar: il-klieb, il-qtates u l-inmsa
Ir-regoli tal-UE jagħmluha faċli biex tivvjaġġa lejn pajjiż ieħor tal-UE bil-kelb, il-qattus jew in-nemes tiegħek. Dawn ir-regoli jkopru wkoll l-ivvjaġġar lejn l-UE minn pajjiż jew territorju barra l-UE.
Bi ftit eċċezzjonijiet, l-annimal tad-dar tiegħek jista’ jivvjaġġa miegħek lejn pajjiż ieħor tal-UE jew minn pajjiż mhux tal-UE lejn pajjiż tal-UE jekk:
- ikun ġie mikroċippjat (f’konformità mar-rekwiżiti tekniċi tal-Anness II tar-regoli tal-UE dwar il-moviment ta’ annimali tad-dar) jew għandu tattwaġġ li jista’ jinqara b’mod ċar jekk ġie applikat qabel it-3 ta’ Lulju 2011
- ikun tlaqqam kontra r-rabja
- għadda minn test tat-titrazzjoni tal-antikorpi tar-rabja, meta jkun qed jivjaġġa minn pajjiż mhux tal-UE (uża l-għodda ta’ hawn taħt biex tivverifika jekk dan huwiex rekwiżit għall-pajjiż mhux tal-UE li qed tivvjaġġa minnu)
- ikun ħa t-trattament kontra d-duda Echinococcus multilocularis, fejn iż-żona ta’ destinazzjoni tiegħek hija ħielsa minn din id-duda (il-Finlandja, l-Irlanda, Malta, in-Norveġja u l-Irlanda ta’ Fuq)
- għandu passaport Ewropew għall-annimali tad-dar validu, meta jkun qed jivvjaġġa minn:
- pajjiż tal-UE jew l-Irlanda ta’ Fuq lejn pajjiż ieħor tal-UE jew l-Irlanda ta’ Fuq
- għandu ċertifikat validu tas-saħħa tal-annimali tal-UE, meta jkun qed jivvjaġġa minn pajjiż mhux tal-UE.
Twissija
Ir-regoli tal-UE deskritti hawn fuq dwar l-ivvjaġġar bl-annimali tad-dar japplikaw għall-vjaġġi privati li ma jinvolvux bidla tas-sjieda jew bejgħ.
Id-dokumenti tal-ivvjaġġar għall-kelb, il-qattus jew in-nemes tiegħek
Il-passaport Ewropew għall-annimali tad-dar
Il-passaport Ewropew għall-annimali tad-dar huwa dokument li jsegwi mudell standard tal-UE u huwa mandatorju għall-ivvjaġġar bejn il-pajjiżi tal-UE. Il-passaport Ewropew għall-annimali tad-dar (għall-klieb, il-qtates u l-inmsa) jinħareġ biss lis-sidien tal-annimali tad-dar li huma residenti fl-UE. Fih deskrizzjoni u dettalji tal-annimal tad-dar tiegħek, inkluż il-kodiċi tal-mikroċippa jew tat-tatwaġġ kif ukoll ir-rekords saħħa tal-annimali tiegħu (eż. it-tilqim kontra r-rabja) u d-dettalji ta’ kuntatt tas-sid u l-veterinarju li ħareġ il-passaport. Tista’ tikseb passaport Ewropew għall-annimali tad-dar, għall-kelb, il-qattus jew in-nemes tiegħek minn kwalunkwe veterinarju awtorizzat (li jkollu permess mill-awtoritajiet rilevanti biex joħroġ passaporti għall-annimali tad-dar). Il-passaport għall-annimali tad-dar huwa validu għal ħajjithom kollha sakemm l-informazzjoni (eż. it-tilqim kontra r-rabja) tas-saħħa tal-annimal tad-dar tiegħek tkun aġġornata.
Twissija
Jekk qed tivvjaġġa lejn pajjiż tal-UE jew l-Irlanda ta’ Fuq minn Andorra, l-Iżvizzera, il-Gżejjer Faeroe, Ġibiltà, Greenland, l-Iżlanda, il-Liechtenstein, Monaco, in-Norveġja, San Marino, l-Istat tal-Belt tal-Vatikan, l-annimal tad-dar tiegħek jista’ jidħol ukoll fl-UE b’passaport tal-annimali tad-dar maħruġ f’wieħed minn dawn il-pajjiżi jew territorji.
Iċ-ċertifikat tas-saħħa tal-annimali tal-UE
Iċ-ċertifikat tas-saħħa tal-annimali tal-UE huwa tip ieħor ta’ dokument ta’ identifikazzjoni, li fih informazzjoni speċifika dwar l-annimal tad-dar tiegħek (identità, saħħa, tilqim kontra r-rabja), u huwa meħtieġ għall-ivvjaġġar lejn l-UE minn pajjiż jew territorju barra mill-UE. Huwa bbażat ukoll fuq mudell standard tal-UE.
Jekk qed tivvjaġġa minn pajjiż jew territorju mhux tal-UE, l-annimal tad-dar tiegħek irid ikollu ċertifikat tas-saħħa tal-annimali tal-UE maħruġ minn veterinarju uffiċjali tal-Istat fil-pajjiż tat-tluq mhux aktar minn 10 ijiem qabel ma l-annimal tad-dar tiegħek jasal fl-UE. Iċ-ċertifikat huwa validu għall-ivvjaġġar bejn il-pajjiżi tal-UE għal 4 xhur minn din id-data jew sakemm jiskadi t-tilqim kontra r-rabja, liema minnhom jiskadi l-ewwel.
Barra minn hekk, għandek ukoll timla u tehmeż dikjarazzjoni bil-miktub maċ-ċertifikat tas-saħħa tal-annimali tal-UE tal-annimal tad-dar tiegħek li tiddikjara li r-rilokazzjoni tiegħu hija għal raġunijiet mhux kummerċjali. Din id-dikjarazzjoni hija meħtieġa wkoll jekk l-annimal tad-dar tiegħek qed jivvjaġġa taħt ir-responsabbiltà ta’ persuna awtorizzata minnek. F’dan il-każ, il-vjaġġ tiegħek irid ikun fi żmien 5 ijiem mill-vjaġġ tal-annimal tad-dar/tal-persuna awtorizzata.
Twissija
Mill-1 ta’ Jannar 2021, il-passaporti tal-UE għall-annimali tad-dar maħruġa lil sid ta’ annimal tad-dar residenti fil-Gran Brittanja m’għadhomx validi għall-ivvjaġġar b’annimali tad-dar mill-Gran Brittanja lejn pajjiż tal-UE jew l-Irlanda ta’ Fuq.
Id-dħul fl-UE bl-annimal tad-dar tiegħek
Fil-prinċipju, tista’ tidħol biss fl-UE bl-annimal tad-dar tiegħek permezz ta’ punt tad-dħul magħżul għall-vjaġġaturi en fil-pajjiż ta’ destinazzjoni tal-UE (uża l-għodda ta’ hawn taħt biex tiċċekkja jekk dan huwiex rekwiżit għall-pajjiż mhux tal-UE li qed tivvjaġġa minnu). Fil-mument tad-dħul, trid tikkuntattja lill-awtoritajiet kompetenti preżenti hemmhekk, li jiċċekkjaw id-dokumenti u l-identità tal-annimal tad-dar tiegħek. Jekk l-annimal tad-dar ma jgħaddix minn dawn il-kontrolli tal-konformità, jista’ jintbagħat lura lejn il-pajjiż tat-tluq, jitqiegħed fi kwarantina sakemm ikun konformi mar-regoli tas-saħħa tal-UE jew jekk l-ebda waħda minn dawn l-għażliet ma tkun possibbli, l-annimal jista’ jiġi ewtanizzat.
L-annimali tad-dar li jivvjaġġaw mingħajr sidhom
Bħala regola, l-annimali tad-dar għandhom jivvjaġġaw ma’ sidhom. Jekk ma tkunx tista’ tivvjaġġa mal-annimal tad-dar tiegħek, tista’ tagħti permess bil-miktub lil persuna oħra biex takkumpanja lill-annimal tad-dar tiegħek (din id-dikjarazzjoni bil-miktub hija deskritta hawn fuq). Madankollu, dan huwa permess biss jekk il-vjaġġ tiegħek ikun fi żmien 5 ijiem mill-vjaġġ tal-annimal tad-dar/tal-persuna awtorizzata.
Twissija
Jekk l-annimal tad-dar tiegħek qed jivvjaġġa mhux akkumpanjat, se jkollu jikkonforma mar-regoli dwar is-saħħa tal-annimali li japplikaw għall-importazzjoni fl-UE jew għall-kummerċ fi ħdan l-UE ta’ klieb, qtates jew inmsa.
L-ivvjaġġar b’aktar minn ħames annimali tad-dar
Tista’ tivvjaġġa b’mhux aktar minn ħames annimali tad-dar, iżda jekk ikun hemm aktar minn ħames annimali tad-dar (klieb, qtates jew inmsa) trid tipprovdi prova li:
- qed jipparteċipaw f’kompetizzjoni, f’wirja, jew f’avveniment sportiv (billi tipprovdi pereżempju, id-dokument tar-reġistrazzjoni), u
- ikollhom aktar minn 6 xhur.
Twissija
Jekk qed tivvjaġġa b’aktar minn 5 annimali tad-dar (klieb, qtates jew inmsa) u ma tissodisfa l-ebda waħda mill-eċċezzjonijiet imsemmija hawn fuq, l-annimali tad-dar tiegħek iridu jikkonformaw mar-regoli tas-saħħa tal-annimali li japplikaw għall-importazzjoni fl-UE jew għall-kummerċ fi ħdan l-UE ta’ klieb, qtates jew inmsa.
Iċċekkja r-regoli dettaljati meta tivvjaġġa mal-kelb, il-qattus jew in-nemes tiegħek:
It-tilqim kontra r-rabja
Qabel ma l-annimal tad-dar tiegħek ikun jista’ jivvjaġġa, veterinarju awtorizzat għandu jlaqqmu kontra r-rabja. Biex it-tilqima tkun valida, l-annimal tad-dar tiegħek irid ikun ġie mikroċippjat qabel ma jingħata t-tilqima.
- L-annimal tad-dar tiegħek irid ikollu mill-inqas 12-il ġimgħa qabel ma jirċievi l-ewwel tilqima jew it-tilqim primarju tiegħu. Wara din l-ewwel tilqima jew it-tilqim primarju, trid tistenna mill-inqas 21 jum qabel ma tivvjaġġa mal-annimal tad-dar tiegħek. Dan jiżgura li l-annimal tad-dar tiegħek ikun żviluppa l-immunità meħtieġa kontra r-rabja. Qabel tivvjaġġa ċċekkja l-perjodu ta’ stennija eżatt mal-veterinarju tiegħek.
- Jekk l-annimal tad-dar tiegħek diġà tlaqqam kontra r-rabja, iċċekkja mal-veterinarju tiegħek jekk jeħtieġx tilqima booster qabel ma tivvjaġġa.
Twissija
It-tilqim booster irid jingħata qabel ma tiskadi t-tilqima preċedenti biex tinżamm protezzjoni kontinwa għall-annimal tad-dar tiegħek kontra r-rabja. Jekk dan ma jkunx il-każ, it-tilqima li jmiss titqies bħala tilqim primarju u jkun meħtieġ perjodu ta’ stennija ta’ mill-inqas 21 jum qabel l-ivvjaġġar.It-tilqim kontra r-rabja – eċċezzjonijiet għall-klieb, il-qtates, l-inmsa ta’ età żgħira
Tista’ tivvjaġġa bl-annimal tad-dar ta’ età żgħira tiegħek lejn il-Bulgarija, il-Kroazja, iċ-Ċekja, l-Estonja, il-Finlandja, il-Litwanja, il-Lussemburgu, ir-Rumanija, is-Slovakkja, is-Slovenja u l-Iżvizzera jekk ikollu inqas minn 12-il ġimgħa u ma jkunx tlaqqam kontra r-rabja, jew jekk għandu bejn 12 u 16-il ġimgħa, tlaqqam iżda għad m’għandux l-immunità sħiħa kontra r-rabja.
Biex titħalla tivvjaġġa bl-annimal tad-dar tiegħek f’dawn il-każijiet:
- irid ikollok jew dikjarazzjoni mehmuża mal-passaport tal-annimal tad-dar tiegħek li tgħid li mit-twelid sal-ħin tal-ivvjaġġar ma kellux kuntatt ma’ xi speċi ta’ annimali selvaġġi suxxettibbli għar-rabja,
jew
- l-annimal tad-dar tiegħek irid ikun akkumpanjat minn ommu u l-passaport tagħha jrid juri biċ-ċar li kienet tlaqqmet kontra r-rabja qabel ma welldet.
Twissija
Il-pajjiżi li ġejjin ma jħallukx tidħol fit-territorju tagħhom b’annimal tad-dar ta’ età żgħira li ma jkunx tlaqqam kontra r-rabja jew li jkun tlaqqam iżda li jkun għad m’għandux l-immunità sħiħa:
L-Awstrija, il-Belġju, Ċipru, id-Danimarka, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, Malta, in-Netherlands, il-Polonja, il-Portugall, Spanja, l-Iżvezja, in-Norveġja u l-Irlanda ta’ Fuq.
Regoli speċjali għat-trattament kontra d-duda Echinococcus multilocularis — klieb biss
Jekk qed tivvjaġġa bil-kelb tiegħek lejn il-Finlandja, l-Irlanda, Malta, in-Norveġja jew l-Irlanda ta’ Fuq, trid tkun tajtu t-trattament kontra d-duda Echinococcus multilocularis bejn 24 u 120 siegħa (1–5 ijiem) qabel il-vjaġġ. Id-dettalji kollha tat-trattament għandhom jiddaħħlu fil-passaport jew fiċ-ċertifikat tas-saħħa tal-UE tal-annimal tad-dar tiegħek.
Twissija
It-trattament kontra l-Echinococcus multilocularis mhux meħtieġ għall-klieb li qed jivvjaġġaw direttament bejn il-Finlandja, l-Irlanda, Malta, in-Norverġja u l-Irlanda ta’ Fuq.
It-tilqim kontra r-rabja
Qabel ma l-annimal tad-dar tiegħek ikun jista’ jivvjaġġa, veterinarju awtorizzat għandu jlaqqmu kontra r-rabja. Biex it-tilqima tkun valida, l-annimal tad-dar tiegħek irid ikun ġie mikroċippjat qabel ma jingħata t-tilqima.
- L-annimal tad-dar tiegħek irid ikollu mill-inqas 12-il ġimgħa qabel ma jirċievi l-ewwel tilqima jew it-tilqim primarju tiegħu. Wara din l-ewwel tilqima jew it-tilqim primarju, trid tistenna mill-inqas 21 jum qabel ma tivvjaġġa mal-annimal tad-dar tiegħek. Dan jiżgura li l-annimal tad-dar tiegħek ikun żviluppa l-immunità meħtieġa kontra r-rabja. Qabel tivvjaġġa ċċekkja l-perjodu ta’ stennija eżatt mal-veterinarju tiegħek.
- Jekk l-annimal tad-dar tiegħek diġà tlaqqam kontra r-rabja, iċċekkja mal-veterinarju tiegħek jekk jeħtieġx tilqima booster qabel ma tivvjaġġa.
Twissija
It-tilqim booster irid jingħata qabel ma tiskadi t-tilqima preċedenti biex tinżamm protezzjoni kontinwa għall-annimal tad-dar tiegħek kontra r-rabja. Jekk dan ma jkunx il-każ, it-tilqima li jmiss titqies bħala tilqim primarju u jkun meħtieġ perjodu ta’ stennija ta’ mill-inqas 21 jum qabel l-ivvjaġġar.It-tilqim kontra r-rabja – eċċezzjonijiet għall-klieb, il-qtates, l-inmsa ta’ età żgħira
Tista’ tivvjaġġa bl-annimal tad-dar ta’ età żgħira tiegħek (kelb, qattus jew nemes) lejn iċ-Ċekja u l-Iżvizzera jekk ikollu inqas minn 12-il ġimgħa u ma jkunx tlaqqam kontra r-rabja, jew jekk għandu bejn 12 u 16-il ġimgħa, u jkun tlaqqam iżda għad m’għandux l-immunità sħiħa kontra l-marda tar-rabja.
Biex titħalla tivvjaġġa f’dawn il-każijiet:
- irid ikollok jew dikjarazzjoni mehmuża maċ-ċertifikat tas-saħħa tal-annimali jew mal-passaport tal-UE tal-annimal tad-dar tiegħek (jekk qed tivvjaġġa minn Andorra, l-Iżvizzera, il-Gżejjer Faeroe, Ġibiltà, Greenland, l-Iżlanda, il-Liechtenstein, Monaco, in-Norveġja, San Marino, l-Istat tal-Belt tal-Vatikan biss) li tgħid li l-annimal tad-dar tiegħek ma kellux kuntatt mit-twelid sal-ħin tal-ivvjaġġar ma’ xi speċi ta’ annimali selvaġġi suxxettibbli għar-rabja,
jew
- l-annimal tad-dar tiegħek irid ikun akkumpanjat minn ommu u ċ-ċertifikat tas-saħħa tal-UE tagħha jrid juri biċ-ċar li kienet tlaqqmet kontra r-rabja qabel ma welldet.
Twissija
Il-pajjiżi li ġejjin ma jħallukx tidħol fit-territorju tagħhom b’annimal tad-dar ta’ età żgħira li ma jkunx tlaqqam kontra r-rabja jew li jkun tlaqqam iżda li jkun għad m’għandux l-immunità sħiħa:
l-Awstrija, il-Belġju, il-Bulgarija, il-Kroazja, Ċipru, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovenja, is-Slovakkja, Spanja l-Iżvezja, in-Norveġja u l-Irlanda ta’ Fuq.
Regoli speċjali għat-trattament kontra d-duda Echinococcus multilocularis — klieb biss
Jekk qed tivvjaġġa bil-kelb tiegħek lejn il-Finlandja, l-Irlanda, Malta, in-Norveġja jew l-Irlanda ta’ Fuq, trid tkun tajtu t-trattament kontra d-duda Echinococcus multilocularis bejn 24 u 120 siegħa (1–5 ijiem) qabel il-vjaġġ. Id-dettalji kollha tat-trattament għandhom jiddaħħlu fil-passaport jew fiċ-ċertifikat tas-saħħa tal-UE tal-annimal tad-dar tiegħek.
Twissija
It-trattament kontra l-Echinococcus multilocularis mhux meħtieġ għall-klieb li qed jivvjaġġaw direttament bejn il-Finlandja, l-Irlanda, Malta, in-Norverġja u l-Irlanda ta’ Fuq.
It-tilqim kontra r-rabja
Qabel ma l-annimal tad-dar tiegħek ikun jista’ jivvjaġġa, veterinarju awtorizzat għandu jlaqqmu kontra r-rabja. Biex it-tilqima tkun valida, l-annimal tad-dar tiegħek irid ikun ġie mikroċippjat qabel ma jingħata t-tilqima.
- L-annimal tad-dar tiegħek irid ikollu mill-inqas 12-il ġimgħa qabel ma jirċievi l-ewwel tilqima jew it-tilqim primarju tiegħu. Wara din l-ewwel tilqima jew it-tilqim primarju, trid tistenna mill-inqas 21 jum qabel ma tivvjaġġa mal-annimal tad-dar tiegħek. Dan jiżgura li l-annimal tad-dar tiegħek ikun żviluppa l-immunità meħtieġa kontra r-rabja.
- Jekk l-annimal tad-dar tiegħek diġà tlaqqam kontra r-rabja, iċċekkja mal-veterinarju tiegħek jekk jeħtieġx tilqima booster qabel ma tivvjaġġa.
Twissija
It-tilqim booster irid jingħata qabel ma tiskadi t-tilqima preċedenti biex tinżamm protezzjoni kontinwa għall-annimal tad-dar tiegħek kontra r-rabja. Jekk dan ma jkunx il-każ, it-tilqima li jmiss titqies bħala tilqim primarju u jkun meħtieġ perjodu ta’ stennija ta’ mill-inqas 21 jum qabel ma tkun tista’ tivvjaġġa.It-tilqim kontra r-rabja – eċċezzjonijiet għall-klieb, il-qtates, l-inmsa ta’ età żgħira
Tista’ tivvjaġġa bl-annimal tad-dar ta’ età żgħira tiegħek (kelb, qattus jew nemes) lejn iċ-Ċekja u l-Iżvizzera jekk ikollu inqas minn 12-il ġimgħa u ma jkunx tlaqqam kontra r-rabja, jew jekk għandu bejn 12 u 16-il ġimgħa, u jkun tlaqqam iżda għad m’għandux l-immunità sħiħa kontra r-rabja.
Biex titħalla tivvjaġġa f’dawn il-każijiet:
- irid ikollok jew dikjarazzjoni mehmuża maċ-ċertifikat tas-saħħa tal-annimali tal-UE tiegħek li tgħid li ma kellux kuntatt mat-twelid sal-ħin tal-ivvjaġġar ma xi speċi ta’ annimali selvaġġi suxxettibbli għar-rabja,
jew
- l-annimal tad-dar tiegħek irid ikun akkumpanjat minn ommu u ċ-ċertifikat tas-saħħa tal-UE tagħha jrid juri biċ-ċar li kienet tlaqqmet kontra r-rabja qabel ma welldet.
Twissija
Il-pajjiżi li ġejjin ma jħallukx tidħol fit-territorju tagħhom b’annimal tad-dar ta’ età żgħira li ma jkunx tlaqqam kontra r-rabja jew li jkun tlaqqam iżda li jkun għad m’għandux l-immunità sħiħa:
l-Awstrija, il-Belġju, il-Bulgarija, il-Kroazja, Ċipru, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovenja, is-Slovakkja, Spanja l-Iżvezja, in-Norveġja u l-Irlanda ta’ Fuq.
Regoli speċjali għat-trattament kontra d-duda Echinococcus multilocularis — klieb biss
Jekk qed tivvjaġġa bil-kelb tiegħek lejn il-Finlandja, l-Irlanda, Malta, in-Norveġja jew l-Irlanda ta’ Fuq, trid tkun tajtu t-trattament kontra d-duda Echinococcus multilocularis bejn 24 u 120 siegħa (1–5 ijiem) qabel il-vjaġġ. Id-dettalji kollha tat-trattament għandhom jiddaħħlu fiċ-ċertifikat tas-saħħa tal-UE tal-annimal tad-dar tiegħek.
Twissija
It-trattament kontra l-Echinococcus mhux meħtieġ għall-klieb li qed jivvjaġġaw direttament bejn il-Finlandja, l-Irlanda, Malta, in-Norveġja u l-Irlanda ta’ Fuq.
Id-dħul fl-UE jew l-Irlanda ta’ Fuq bl-annimal tad-dar tiegħek
Tista’ tidħol biss fl-UE bl-annimal tad-dar tiegħek permezz ta’ punt tad-dħul magħżul għall-vjaġġaturi en fil-pajjiż ta’ destinazzjoni tal-UE. Fil-mument tad-dħul, trid tikkuntattja lill-awtoritajiet kompetenti preżenti hemmhekk, li jiċċekkjaw id-dokumenti u l-identità tal-annimal tad-dar tiegħek. Jekk l-annimal tad-dar tiegħek ma jgħaddix minn dawn il-kontrolli tal-konformità, jista’ jintbagħat lura lejn il-pajjiż tat-tluq, jitqiegħed fi kwarantina sakemm ikun konformi mar-regoli tas-saħħa tal-UE jew jekk l-ebda waħda minn dawn l-għażliet ma tkun possibbli, l-annimal jista’ jiġi ewtanizzat.
Twissija
Jekk tivvjaġġa mill-Irlanda ta’ Fuq lejn pajjiż tal-UE m’intix meħtieġ tuża punt ta’ dħul għall-vjaġġaturi fil-pajjiż ta’ destinazzjoni tal-UE.
It-tilqim kontra r-rabja
Qabel ma l-annimal tad-dar tiegħek ikun jista’ jivvjaġġa, veterinarju awtorizzat għandu jlaqqmu kontra r-rabja. Biex it-tilqima tkun valida, l-annimal tad-dar tiegħek irid ikun ġie mikroċippjat qabel ma jingħata t-tilqima.
- L-annimal tad-dar tiegħek irid ikollu mill-inqas 12-il ġimgħa qabel ma jirċievi l-ewwel tilqima jew it-tilqim primarju tiegħu.
- Jekk l-annimal tad-dar tiegħek diġà tlaqqam kontra r-rabja, iċċekkja mal-veterinarju tiegħek jekk jeħtieġx tilqima booster qabel ma tivvjaġġa.
Test ta’ titrazzjoni tal-antikorpi tar-rabja
Minbarra t-tilqim kontra r-rabja, l-annimal tad-dar tiegħek irid jgħaddi wkoll minn test tat-titrazzjoni tal-antikorpi tar-rabja qabel ma jivvjaġġa.
- Fil-każ tal-ewwel tilqima jew tat-tilqim primarju, għandek tistenna 30 jum wara li t-tilqim primarju jkun tlesta qabel ma jkun jista’ jitwettaq dan it-test.
- Jekk l-annimal tad-dar tiegħek ikun diġà tlaqqam kontra r-rabja u t-tilqima tkun għadha valida, it-test tat-titrazzjoni tal-antikorpi tar-rabja jista’ jitwettaq immedjatament.
Il-kampjun tad-demm għandu jittieħed minn veterinarju awtorizzat u jiġi ttestjat f’laboratorju magħżul en biex iwettaq it-testijiet ta’ titrazzjoni. Jekk ir-riżultat tat-test tad-demm juri li t-tilqima rnexxiet, għandek tistenna 3 xhur mid-data li fiha ttieħed il-kampjun tad-demm qabel ma tkun tista’ tivvjaġġa bl-annimal tad-dar tiegħek.Ir-riżultati tat-test tal-antikorpi tar-rabja jridu jinhemżu maċ-ċertifikat tas-saħħa tal-UE tal-annimal tad-dar tiegħek. It-test ma għandux għalfejn jiġi ripetut wara riżultat sodisfaċenti, dment li l-annimal tad-dar tiegħek jerġa’ jitlaqqam fil-perjodu ta’ validità tat-tilqim preċedenti.
Twissija
It-tilqim booster irid jingħata qabel ma tiskadi t-tilqima preċedenti biex tinżamm protezzjoni kontinwa għall-annimal tad-dar tiegħek kontra r-rabja. Jekk dan ma jkunx il-każ, it-tilqima li jmiss titqies bħala tilqim primarju u jkun meħtieġ perjodu ta’ stennija ta’ mill-inqas 30 jum qabel ma jkun jista’ jitwettaq it-test tat-titrazzjoni. F’dan il-każ, trid tistenna wkoll 3 xhur mid-data li fiha jkun ittieħed il-kampjun tad-demm qabel ma tkun tista’ tivvjaġġa bl-annimal tad-dar tiegħek.Il-perjodu ta’ stennija ta’ 3 xhur mhuwiex meħtieġ jekk tkun qed terġa’ tidħol fl-UE bl-annimal tad-dar tiegħek wara soġġorn qasir f’pajjiż mhux tal-UE bil-kundizzjoni li qabel ma titlaq mill-UE:
- l-annimal tad-dar tiegħek ikun tlaqqam kontra r-rabja, u
- l-annimal tad-dar tiegħek ikun għadda minn test ta’ titrazzjoni tar-rabja li rnexxa, u
- din l-informazzjoni tiġi rreġistrata mill-veterinarju tiegħek fil-passaport tal-UE tal-annimal tad-dar tiegħek.
Regoli speċjali għat-trattament kontra d-duda Echinococcus multilocularis — klieb biss
Jekk qed tivvjaġġa bil-kelb tiegħek lejn il-Finlandja, l-Irlanda, Malta, in-Norveġja jew l-Irlanda ta’ Fuq, trid tkun tajtu t-trattament kontra d-duda Echinococcus multilocularis bejn 24 u 120 siegħa (1–5 ijiem) qabel il-vjaġġ. Id-dettalji kollha tat-trattament għandhom jiddaħħlu fiċ-ċertifikat tas-saħħa tal-UE tal-annimal tad-dar tiegħek.
Id-dħul fl-UE bl-annimal tad-dar tiegħek
Tista’ tidħol biss fl-UE bl-annimal tad-dar tiegħek permezz ta’ punt tad-dħul magħżul għall-vjaġġaturi en fil-pajjiż ta’ destinazzjoni tal-UE. Fil-mument tad-dħul, trid tikkuntattja lill-awtoritajiet kompetenti preżenti hemmhekk, li jiċċekkjaw id-dokumenti u l-identità tal-annimal tad-dar tiegħek. Jekk l-annimal tad-dar ma jgħaddix minn dawn il-kontrolli tal-konformità, jista’ jintbagħat lura lejn il-pajjiż tat-tluq, jitqiegħed fi kwarantina sakemm ikun konformi mar-regoli tas-saħħa tal-UE jew jekk l-ebda waħda minn dawn l-għażliet ma tkun possibbli, l-annimal jista’ jiġi ewtanizzat.
Ivvjaġġar b’annimali tad-dar oħra
Il-passaporti Ewropej għall-annimali tad-dar jinħarġu għall-klieb, il-qtates u l-inmsa biss. Jekk qed tivvjaġġa lejn pajjiż ieħor tal-UE b’xi annimali tad-dar oħra, bħal għasafar, annimali akkwatiċi ornamentali, rettili, rodituri jew fniek, iċċekkja r-regoli nazzjonali tal-pajjiż en fejn qed tippjana li żżur għall-informazzjoni dwar il-kundizzjonijiet tad-dħul.