Is-sikurezza tal-prodotti
It-tikketti tas-sikurezza
Ħafna mill-prodotti mibjugħa fl-UE huma mmarkati bl-ittri “CE”. Jekk fuq xi sticker mal-prodott jew mal-imballaġġ, jew fuq l-istruzzjonijiet mogħtija mal-prodott, ikun hemm il-marka CE, dan ifisser li l-prodott jissodisfa r-rekwiżiti kollha biex jitqies sikur għas-saħħa tal-bniedem u għall-ambjent.
Hemm lista ta’ prodotti li ma jistgħux jinbiegħu fl-UE mingħajr il-marka CE, u dan kemm jekk il-prodott ikun manifatturat fl-UE, u kemm jekk jiġi importat minn barra l-UE. Xi eżempji ta’ prodotti li jeħtieġu l-marka CE huma l-ġugarelli, l-apparati tal-elettriku jew tal-gass, u t-tagħmir protettiv personali, fost bosta oħrajn.
L-ittestjar tas-sikurezza u s-sejħiet lura tal-prodotti
L-awtoritajiet nazzjonali huma responsabbli għall-ispezzjoni u l-ittestjar tal-prodotti fis-suq. Jekk xi prodott diġà mibjugħ lill-konsumaturi jinstab li joħloq xi riskju għas-sikurezza, l-awtorità rilevanti toħroġ sejħa lura għall-prodott. Min-naħa tiegħek, jekk tiskopri li xtrajt xi prodott li qed jinġabar lura, imxi sew mal-istruzzjonijiet tal-awtoritajiet. L-UE tħaddem sistema tal-twissija rapida en biex il-konsumaturi jkunu jistgħu jsibu t-twissijiet kollha tas-sejħiet lura en li joħorġu l-awtoritajiet nazzjonali tal-UE dwar il-prodotti li mhumiex ikel jew mediċini. Fuq l-istess sit web, anki l-konsumaturi jistgħu jindikaw prodott difettuż en mixtri fl-UE.
Għal aktar informazzjoni dettaljata dwar l-ittestjar tas-sikurezza u s-sejħiet lura tal-prodotti, żur is-sit web tal-pajjiż rilevanti hawn taħt.
Agħżel il-pajjiż
Ara wkoll:
Suġġerimenti biex tixtri prodotti sikuri online en
SafetyGate – is-sistema tat-twissija rapida tal-UE għall-prodotti perikolużi li mhumiex tal-ikel en
Irrapporta prodotti perikolużi lill-awtoritajiet en