Ksur tad-drittijiet tal-proprjetà intellettwali

Jekk tikkunsidra li hemm ksur tad-drittijiet tal-proprjetà intellettwali tiegħek, jeżistu awtoritajiet differenti li tista' tikkuntattja.

Bħala alternattiva għal qorti, tista' tuża s- Soluzzjoni Alternattiva għat-Tilwim en (ADR), li tista' tkun orħos u aktar malajr minn tilwima legali fil-qorti.

Ksur tal-privattivi

Jekk xi ħadd juża l-prodott jew l-invenzjoni tiegħek protetta permezz ta' privattiv mingħajr awtorizzazzjoni , tista' tiddefendi d-dritt tiegħek u tieħu azzjoni. Għal ksur tal-privattivi nazzjonali tista' tikkuntattja l-qorti nazzjonali kompetenti.

Imitazzjoni ta' oġġett tad-ditta – Prodotti ffalsifikati

Jekk xi ħadd qed ibigħ oġġett li għandu t-trademark tiegħek mingħajr l-awtorizzazzjoni tiegħek, int il-vittma ta' falsifikazzjoni.

Imblokka prodotti suspettużi

Jekk tissuspetta li ċerti oġġetti jiksru d-drittijiet tal-proprjetà intellettwali tiegħek, tista' titlob lid-dipartiment kompetenti tad- dwana nazzjonali biex iżomm dawn l-oġġetti. Biex tagħmel dan, segwi l-istruzzjoni fuq il- portal tat-TAXUD en .

Biex tipproteġi l-prodotti tiegħek kontra l-falsifikazzjoni, irreġistra mal- Bażi tad-data tal-Inforzar tal- Uffiċċju tal-Proprjetà Intellettwali tal-Unjoni Ewropea (EUIPO), li jwasslek għal komunikazzjoni diretta mal-awtoritajiet rilevanti.

Jekk int kumpanija tal-UE u tixtieq tirrapporta falsifikazzjoni f'pajjiż barra l-UE, tista' tuża s- Sistema Rapida tal-Intelligence fil-Ġlieda kontra l-Falsifikazzjoni (ACRIS).

Trademarks tal-UE identiċi jew simili

Jekk xi ħadd irreġistra trademark tal-UE simili jew identika ma' tiegħek, tista' titlob lill- Uffiċċju tal-Proprjetà Intellettwali tal-Unjoni Ewropea (EUIPO) biex jikkanċella r-reġistrazzjoni tiegħu. Jekk ir-reġistrazzjoni tkun għadha għaddejja, tista' topponi l-applikazzjoni.

Biex tiskopri aktar dwar id-dritt tiegħek u l-proċeduri li jeħtieġlek issegwi, iċċekkja l-paġna tal- EUIPO dwar l- inforzar tat-trademark reġistrata tiegħek .

Ksur ta' sigrieti kummerċjali

F'każ ta' ksur ta' sigrieti kummerċjali, tista' tibda proċeduri legali quddiem qorti. Ir-riżultat jista' jkun ordni tal-qorti li timpedixxi l-kontraventur milli juża jew jiżvela aktar is-sigriet kummerċjali u/jew kumpens monetarju.

Tilwima dwar l-ismijiet tad-dominju

Jekk tiskopri li xi ħadd irreġistra b'mod qarrieqi isem ta' dominju li d-drittijiet tal-PI tiegħu jappartienu lilek, bħal:

• estensjoni jew aktar tal-ogħla livell (bħal .eu, jew .com.)
• trademark
• isem ta' kummerċ

Imbagħad, jekk din il-persuna tipprova tbigħlek tali dominju, int vittma ta' cybersquatting. F'każijiet dwar tilwim li jikkonċerna isem ta' dominju, tista' jew tmur il-qorti jew tagħmel użu ta' rimedji mhux ġudizzjarji inklużi l-proċeduri alternattivi tal-ICANN de en es fr it pt .

Ksur ta' indikazzjonijiet ġeografiċi protetti

Jekk il-prodott tiegħek li hu protett minn indikazzjoni ġeografika ġie ffalsifikat jew kien hemm ksur ieħor tal-indikazzjoni ġeografika, għandek tikkuntattja l- awtorità nazzjonali kompetenti en .