Kif tikseb finanzjament

Il-finanzjament tal-UE en huwa ġestit direttament mill-UE, mill-UE u mill-awtoritajiet tal-Istati Membri flimkien, jew indirettament permezz ta’ sħab inkarigati mill-implimentazzjoni.

Kif tista’ tapplika u kif l-applikazzjoni tiegħek tiġi evalwata jiġi ddeterminat mill-modalità tal-ġestjoni en ta’ kull wieħed mill-programmi ta’ finanzjament tal-UE en.

Għotjiet tal-UE

Biex tapplika għal għotja tal-UE (jiġifieri finanzjament li m’għandekx għalfejn tħallsu lura), trid twieġeb għal sejħa għal proposti mill-Kummissjoni Ewropea fuq il-Portal tal-UE għall-Finanzjament u għall-Offerti en. Is-sit fih taqsima dwar kif tipparteċipa en.

Għat-teknoloġiji strateġiċi, jiġi ppubblikat finanzjament iddedikat fuq il-Portal tat-Teknoloġiji Strateġiċi għall-Ewropa (il-portal STEP) en.

Finanzjament mill-UE, li jitħallas lura, fil-livell nazzjonali

Is-sejħiet għal proposti mnedija mill-Istati Membri tal-UE jiġu ppubblikati fil-portali nazzjonali en. Dawn jispjegaw liema reġjuni huma koperti, min jista’ japplika, l-ammont tal-finanzjament allokat għal kull sejħa, il-programmi u l-objettivi politiċi tal-UE relatati, u l-iskedi ta’ żmien rilevanti.

Finanzjament tal-UE, li jitħallas lura, implimentat mis-sħab

Għal diversi tipi ta’ investimenti, l-UE tgħaddi l-finanzjament (inklużi l-ekwità, is-self, u l-garanziji) permezz tal-hekk imsejħin Sħab ta’ Implimentazzjoni, jiġifieri l-Grupp tal-Bank Ewropew tal-Investiment u istituzzjonijiet finanzjarji internazzjonali oħrajn, banek u istituzzjonijiet promozzjonali nazzjonali, u network ta’ intermedjarji finanzjarji lokali madwar l-Unjoni Ewropea.

• Sib min hu l-intermedjarju finanzjarju lokali tiegħek dwar l-Aċċess għall-Finanzi tal-UE.

L-InvestEU huwa programm li jappoġġa prodotti finanzjarji bħal dejn superjuri, subordinat, u ta’ riskju, kif ukoll ekwità u garanziji intermedji u diretti għall-intermedjarji finanzjarji.

• Irreġistra fuq il-portal tal-InvestEU en, li jlaqqa’ l-investituri mal-promoturi tal-proġetti għal proġetti ta’ investiment fl-UE, fin-Norveġja, u fl-Iżlanda. Il-promoturi tal-proġetti jistgħu jippubblikaw il-proġett tagħhom biex jattiraw l-attenzjoni tal-investituri potenzjali. Il-benefiċċji u l-kriterji tal-InvestEU jistgħu jinstabu wkoll fil-fuljett en apposta.
• Għal appoġġ konsultattiv u assistenza teknika offruti fl-ambitu taċ-Ċentru tal-Konsulenza tal-InvestEU en tista’ tapplika permezz tal-Punt ta’ Servizz Ċentrali en.