Tassazzjoni tar-riċerkaturi
Eżenzjoni tat-taxxa
Normalment, jekk tmur tgħix f'pajjiż ieħor biex taħdem, ikollok tħallas it-taxxa hemmhekk.
Skopri aktar dwar it-taxxa tad-dħul fl-Ewropa.
Iżda r-riċerkaturi fl- UE kultant jistgħu sempliċement ikomplu jħallsu t-taxxa f'pajjiżhom.
Dan huwa ħafna drabi l-każ jekk inti student viżitatur ta' PhD jew jekk id-dħul tiegħek jiġi minn entità pubblika f'pajjiżek. F'dak il-każ, id-dħul tiegħek huwa kopert mill- ftehimiet bilaterali dwar it-taxxafrdeen bejn pajjiżek u l-pajjiż fejn mort toqgħod.
Dawn għandhom l-għan li jevitaw taxxa doppja, iżda x'aktarx ikun hemm aktar dokumenti x'timla' qabel ma titlaq.
Il-ħlas tat-taxxa bħala post-doc
Dawk li jkunu qed jagħmlu riċerka post-dottorali normalment ikollhom iħallsu t-taxxa fil-pajjiż fejn qed jgħixu, jew bħala impjegati ta' università/istituzzjoni ta' riċerka hemmhekk, jew daqslikieku qed jaħdmu għal rashom fuq riċerka bi sħab ma dawn l-istituzzjonijiet.
Is-sitwazzjoni tat-taxxa fil-pajjiżi speċifiċi
Fejn tidħol it-taxxa doppja il- ftehimiet jistgħu jvarjaw ħafna, jekk jogħġbok iċċekkja s-sitwazzjoni fil-pajjiż fejn qed taħseb biex tmur tgħix.
Skopri aktar dwar il-portali nazzjonali: