Mistoqsijiet frekwenti - Żwieġ
Iżżewwiġt f'pajjiż tal-UE fejn m'iniex ċittadin. Hemm bżonn nirreġistra ż-żwieġ f'pajjiżi?
Tista’ titlob li ż-żwieġ tiegħek jiġi rikonoxxut u reġistrat f’pajjiżek. Madankollu, kun af li f’xi każijiet ir-rikonoxximent u r-reġistrazzjoni taż-żwieġ tiegħek f’pajjiżek fl-UE jistgħu jkunu obbligatorji.
Fil-każ ta’ żwiġijiet bejn persuni tal-istess sess, ir-rikonoxximent u r-reġistrazzjoni taż-żwieġ tiegħek konkluż f’pajjiż ieħor tal-UE bħalissa hu possibbli biss jekk pajjiżek hu wieħed minn dawn li ġejjin: l-Awstrija, il-Belġju, id-Danimarka, il-Finlandja, Franza, il-Ġermanja, il-Greċja, l-Irlanda, il-Lussemburgu, Malta, in-Netherlands, il-Portugall, is-Slovenja, Spanja u l-Iżvezja. Ir-rikonoxximent u reġistrazzjoni ta’ żwiġijiet bejn persuni tal-istess sess hu possibbli wkoll fl-Iżlanda, fin-Norveġja u fl-Iżvizzera.
Jien u l-għarus tiegħi noqogħdu s-Slovakkja u nixtiequ niżżewġu l-Italja waqt li nkunu hemmhekk għal btala. Għandna l-jedd awtomatiku li niżżewġu f'pajjiż ieħor tal-UE?
LE - Huma l-awtoritajiet Taljani li jiddeċiedu jekk tistgħux tiżżewġu hemmhekk. Kultant iħallukom tagħmlu dan biss jekk ikollkom xi tip ta' rabta mal-Italja - ngħidu aħna wieħed minnkom kien joqgħod hemm jew għandu ċittadinanzaTaljana.
Ladarba tmorru lura s-Slovakkja, ikollkom tiksbu ir-rikonoxximent u tirreġistraw iż-żwieġ tagħkom hemmhekk abbażi taċ-ċertifikat taż-żwieġ Taljan tagħkom. Dan jippermettilkom tiksbu l-aġġornament tal-istat ċivili tagħkom fir-reġistru Slovakk.