Koppji

Aġġornat : 3/2013

Manteniment (appoġġ għall-membri tal-familja)

Ir-regoli dwar l-obbligi tal-manteniment ivarjaw minn pajjiż għal ieħor. Sa fejn jasal l-appoġġ mhux l-istess kullimkien. Madankollu, ir-regoli tal-UE ma japplikawx jekk teħtieġ tipprovdi jew tirċievi manteniment lil jew mingħand xi ħadd f'pajjiż ieħor tal-UE.

Liema pajjiż għandu l-qorti tiegħu responsabbli?

Tista' tagħmel talba li tikkonċerna l-manteniment prinċipalment mal-qrati:

fil-pajjiż fejn jgħix l-eks partner jew il-qarib tiegħek;
fil-pajjiż fejn il-persuna li tagħmel it-talba għall-manteniment tgħix;
fil-pajjiż responsabbli għall-każijiet li jinvolvu l-istatus tiegħek (divorzju pereżempju) jew ir-responsabbiltà ta' ġenitur – jekk il-kwistjoni li tikkonċerna l-manteniment hi relatata ma' każijiet ta' din ix-xorta.

Sakemm it-tilwima ma tikkonċernax l-obbligi tal-manteniment lejn tfal taħt it-18-il sena, int tista', jekk dik/dak li qabel kienet martek/żewġek jew qarib jaqbel, u soġġetti għal ċerti kundizzjonijiet, flimkien tagħżlu liema qorti għandha teżamina l-każ tagħkom.

F'każijiet li jinvolvu żewġ pajjiżi jew aktar tal-UE, il-liġi li tirregola l-manteniment mhix neċessarjament il-liġi tal-pajjiż fejn int tista' tagħmel it-talba tiegħek.

Skopri liema liġijiet japplikaw għal każ ta' manteniment tiegħekDeutsch English español Français italiano polski, kif konflitt ta' liġijiet jista' jiġi solvut u x'jistgħu jkunu l-konsegwenzi.

L-awtorità ċentrali responsabbli għall-manteniment fil-pajjiż tal-UE fejn tgħix tista' tgħinek tintroduċi talba ta' manteniment f'pajjiż barrani.

Infurzar tas-sentenzi ta' manteniment f'pajjiż barrani

Jekk tixtieq li sentenza ta' manteniment mogħtija f'pajjiż partikulari tal-UE tiġi dikjarata li tista' tiġi infurzata f'pajjiż ieħor, teżisti proċedura ssimplifikata biex tagħmel dan.

L-awtorità ċentrali responsabbli għall-manteniment fil-pajjiż tal-UE fejn tgħix tista' tgħinek tirkupra l-manteniment.

Għal informazzjoni nazzjonali dwar il-miżuri ta' infurzar, il-proċedura ssimplifikata tal-UE u l-awtoritajiet li għandhom x'jaqsmu magħhom, ara:

Agħżel:

Għad għandek bżonn l-għajnuna?