Formoli standard għad-drittijiet tas-sigurtà soċjali
Formoli li jiċċertifikaw is-sitwazzjoni tal-benefiċċji tiegħek meta tiċċaqlaq fi ħdan l-UE
Dawn il-formoli huma utli biex teżerċita drittijietek għall-benefiċċji bħala ċittadin meta tgħix u/jew taħdem f'pajjiż tal-UE li mhux pajjiżek - jew għamilt dan fil-passat.
Il-formoli deskritti f'din il-paġna huma validi jekk int tgħix legalment f'pajjiż tal-UE, hi x'inhi n-nazzjonalità tiegħek.
| Formola | Skop | Awtorità emittenti u użu |
|---|---|---|
|
A1 (dik li qabel kienet E 101 E 103) |
Dikjarazzjoni ta' leġiżlazzjoni applikabbli. Utli biex turi li ħallast il-kontribuzzjonijiet tas-sigurtà soċjali f'pajjiż ieħor tal-UE jekk int ħaddiem stazzjonat jew waqt li qed taħdem f'pajjiżi differenti fl-istess ħin. | Maħruġa mill-istituzzjoni tas-sigurtà soċjali tal-pajjiż fejn tinsab assigurat. Jekk int ħaddiem stazzjonat, din hija l-istituzzjoni fil-pajjiż li qed jibgħat. Jekk taħdem f’diversi pajjiżi fl-istess ħin, jiddependi, iżda l-ewwel trid tikkuntattja lill-istituzzjoni fil-pajjiż ta’ residenza tiegħek. |
|
S1 (dik li qabel kienet E 106) E 109 kif ukoll E 121) |
Ċertifikat ta' intitolament għall-kura tas-saħħa jekk ma tgħixx fil-pajjiż fejn int assigurat. Utli għall-ħaddiema stazzjonati, il-ħaddiema transfruntiera, il-pensjonanti u l-uffiċjali ċivili u d-dipendenti tagħhom. |
Maħruġa mill-awtorità tal-assigurazzjoni tas-saħħa tiegħek. Ibgħatha lil kwalunkwe awtorità tal-assigurazzjoni tas-saħħa fil-pajjiż fejn tgħix. |
|
S2 (dik li qabel kienet E 112) |
Awtorizzazzjoni biex tikseb trattament mediku ppjanat f'pajjiż ieħor tal-UE jew tal-EFTA. Għandek tiġi trattat bl-istess mod bħar-residenti ta' dak il-pajjiż - għandu mnejn ikollok tħallas perċentwal tal-ispejjeż bil-quddiem. |
Maħruġa mill-awtorità tal-assigurazzjoni tas-saħħa tiegħek. Ibgħatha lill-awtorità tal-assigurazzjoni tas-saħħa fil-pajjiż fejn sejjer għall-kura. |
| S3 | Ċertifikat ta' intitolament għall-kura tas-saħħa fil-pajjiż fejn kont taħdem qabel. Utli għall-ħaddiema transfruntiera rtirati li m'għadhomx assigurati fil-pajjiż fejn kienu jaħdmu qabel. |
Maħruġa mill-awtorità tal-assigurazzjoni tas-saħħa tiegħek. Ibgħatha lill-awtorità tal-assigurazzjoni tas-saħħa tal-pajjiż fejn kont taħdem bħala ħaddiem transfruntier. |
|
U1 (dik li qabel kienet E 301) |
Dikjarazzjoni ta' perjodi ta' assigurazzjoni li jridu jitqiesu meta jiġi kkalkulat il-benefiċċju tal-qgħad. |
Maħruġa mis-servizz pubbliku tal-impjiegi jew l-istituzzjoni tas-sigurtà soċjali kompetenti fl-aħħar pajjiż(i) fejn ħdimt. Ibgħatha lis-servizz nazzjonali tax-xogħol fil-pajjiż fejn tixtieq tirċievi l-benefiċċji tal-qgħad. |
|
U2 (dik li qabel kienet E 303) |
Awtorizzazzjoni biex tkompli tirċievi l-benefiċċji tal-qgħad filwaqt li tfittex xogħol f'pajjiż ieħor. |
Maħruġa mis-servizz pubbliku tal-impjiegi jew l-istituzzjoni tas-sigurtà soċjali kompetenti fil-pajjiż li fih spiċċajt bla xogħol. Ibgħatha lis-servizz nazzjonali tax-xogħol fil-pajjiż fejn qed tfittex xogħol. |
| U3 | Twissija lis-servizzi tal-impjiegi tal-pajjiż li jħallas il-benefiċċji tiegħekk, tinfurmah bil-bidliet fis-sitwazzjoni tiegħek li jistgħu jwasslu għal reviżjoni tal-pagamenti tal-benefiċċji tiegħek. | Maħruġa mis-servizz pubbliku tal-impjiegi jew l-istituzzjoni tas-sigurtà soċjali tal-pajjiż fejn qed tfittex xogħol fuq il-bażi ta' formola U2. |
|
DA1 (dik li qabel kienet E 123) |
Ċertifikat li jintitolak biex tirċievi kura medika taħt kundizzjonijiet speċjali riżervati għall-aċċidenti fuq il-post tax-xogħol u l-mard relatat max-xogħol f'pajjiż ieħor tal-UE. |
Maħruġa mill-awtorità tal-assigurazzjoni tas-saħħa tiegħek. Ibgħatha lill-awtorità tal-assigurazzjoni tas-saħħa fil-pajjiż fejn qed toqgħod. |
| P1 | Sommarju tad-deċiżjonijiet meħuda fil-każ tiegħek mill-istituzzjonijiet differenti fil-pajjiżi tal-UE fejn tlabt pensjoni tax-xjuħija, tas-superstiti jew tal-invalidità | Maħruġa mill-awtorità tal-pensjoni li lilha għamilt it-talba għall-pensjoni tiegħek, ladarba l-awtorità tkun irċeviet id-dettalji tad-deċiżjonijiet meħuda mid-diversi awtoritajiet li jkunu ttrattaw it-talba tiegħek. |
L-aħħar verifika: 24/04/2023