Mogħdija tan-navigazzjoni

Aqsam fuq 
	Aqsam fuq Facebook
  
	Aqsam fuq Twiter
  
	Ixxerja fuq Google+
  
	Aqsam fuq linkedIn

Karozzi

Aġġornat : 24/01/2013

vehicles

Xiri ta' karozza minn pajjiż ieħor

Regoli tal-VAT

Ir-regoli tal-VAT għal karozzi mixtrija f'pajjiż ieħor tal-UE huma differenti minn dawk ta' oġġetti oħra. Ivarjaw ukoll skont jekk il-karozza tkunx użata jew ġdida, u jekk il-bejjiegħ ikunx individwu privat jew professionist.

Kun ċert li taf ir-regoli tal-VAT qabel tixtri karozza minn xi mkien ieħor fl-UE.

Qabbel il-prezzijiet

Tista' tixtri karozza minn fejn trid fl-UE. Għal tagħrif dwar l-aħjar offerti, ikkonsulta r-rapport dwar il-prezzijiet tal-karozzi Englishmaħruġ mill-Kummissjoni Ewropea.

Meta tkun qed tqabbel il-prezz ta' xi mudell partikolari f'pajjiżi differenti, kun ċert li tkun qed tqabbel karozzi bl-istess armar u extras. Elementi tekniċi (arja kundizzjonata, tisħin, eċċ) jistgħu jvarjaw skont fejn qed tinbiegħ il-karozza.

It-trasport tal-karozza l-ġdida

Meta tixtri karozza ġdida f'pajjiż ieħor tal-UE, ikollok tikkonsidra bir-reqqa kif se teħodha f'pajjiżek, għax ma tkunx għadha rreġistrata f'pajjiżek:

  • Tista' tirmonka l-karozza ma' vettura li tkun kompletament irreġistrata u assigurata.
  • Tista' tqabbad kumpanija li tispeċjalizza fit-trasport.
  • Tista' ssuqha int stess. Iżda, biex tagħmel hekk, tkun tinħtieġ assigurazzjoni valida (għall-pajjiżi kollha li tgħaddi minnhom) u pjanċa temporanja. Dawn jistgħu jinkisbu fil-pajjiż fejn tixtri l-karozza - il-bejjiegħ għandu jkun jaf jgħidlek. Madankollu,  ara ftit l-ewwel nett jekk il-pjanċa temporanja tkunx aċċettata fil-pajjiżi kollha li se tgħaddi minnhom.

Imbagħad trid tikseb pjanċa permanenti fil-pajjiż fejn tirreġistra l-karozza.

Bejjiegħa privati

Għandek tkun taf li l-leġiżlazzjoni tal-konsumatur ma tapplikax għal bejgħ privat, għaldaqstant għandek toqgħod attent ħafna meta tixtri karozza mingħand individwu privat.

Fil-każ ta' bejjiegħ privat, għandek tkun ċert li taf kemm jista' jkun dwaru jew dwarha, inklużi d-dettalji ta' kuntatt.

Bil-liġi, karozza trid tkun:

  • ta' kwalità sodisfaċenti
  • kif irreklamata
  • tajba għall-użu.

Però, karozzi ġodda jkollhom livell ogħla ta' "kwalità" meta mqabblin ma' karozzi użati. Il-liġi tagħraf li vettura użata tista' ma tkunx kompletament bla difetti.

Għad għandek bżonn l-għajnuna?

Għad għandek bżonn l-għajnuna?

Ma sibtx dak li kont qed tfittex? Għandek problema xi ssolvi?

Footnote

F'dan il-każ, is-27 stat membru tal-UE + l-Islanda, il-Liechtenstein u n-Norveġja

Retour au texte en cours.