Mistoqsijiet frekwenti - Id-drittijiet tal-passiġġieri li jivvjaġġaw bix-xarabank u bil-kowċ
Qed nippjana li nivvjaġġja bil-kowċ minn Malaga għal Faro. Madankollu, qed jiġi kkwotat prezz differenti skont jekk nixtrix il-biljetti fi Spanja jew fil-Portugall. Din id-diskriminazzjoni fil-prezz hi permessa?
LE – fl-UE, ma tistax tiġi ċċarġjat prezz ogħla minħabba n-nazzjonalità tiegħek jew fejn tixtri l-biljett tiegħek, f’dan il-każ trid tiġi kkwotat l-istess prezz għall-vjaġġ tiegħek fi Spanja u fil-Portugall.
Ibbukkjajt biljett tax-xarabank minn Maastricht għal Brussell. Ix-xarabank ittardjat b’sagħtejn. Ċertament, b’dan id-dewmien jien intitolat għar-rimborż ta’ parti mill-biljett tiegħi?
Possibilment – jekk il-vjaġġ bejn Maastricht u Brussell kien parti mis-servizz regolari skedat tax-xarabank ta’ 250 km jew aktar. Pereżempju, jekk ix-xarabank telqet minn Dortmund iżda vvjaġġajt biss minn Maastricht għal Brussell, tista’ tkun intitolat għar-rimborż ta’ parti mill-biljett tiegħek jekk it-tluq tiegħek minn Maastricht ittardja b’aktar minn 120 minuta. Madankollu, m’intix intitolat li tiġi rimborżat jekk is-servizz regolari tax-xarabank jopera biss bejn Maastricht u Brussell peress li l-vjaġġ tiegħek ikun anqas minn 250 km.
Jekk id-dewmien tiegħek fit-tluq (aktar minn 120 minuta) huwa minħabba tħassib dwar is-sikurezza fit-toroq, it-trasportatur tax-xarabank / il-korp operattiv tat-terminal jeħtieġlu joffrilek għażla bejn li tkompli l-vjaġġ tiegħek, tibdel ir-rotta, jew tiġi rimborżat tal-biljett tiegħek.