Jekk tgħix f'pajjiż tal-UE li mhux il-pajjiż tiegħek ta' oriġini, jekk għandek assi f'aktar minn pajjiż wieħed jew jekk membru tal-familja tiegħek għex f'pajjiż differenti tal-UE meta hu jew hi tmut, għandu mnejn tistaqsi lilek innifsek:
- f'liema pajjiż tal-UE se jkun ittrattat il-wirt (li f'termini legali hu magħruf bħala s-suċċessjoni) u
- il-liġi nazzjonali ta liema pajjiż se tirregola l-wirt
Ir-regoli tal-UE dwar il-wirt jew is-suċċessjonijiet transkonfinali jgħinuk tittratta dawn il-kwistjonijiet.
Aqra aktar dwar:
- L-ippjanar tal-wirt transkonfinali tiegħek: id-determinazzjoni tal-liġi nazzjonali ta' liema pajjiż għandha tapplika għall-wirt tiegħek stess
- L-immaniġġjar ta' wirt transkonfinali: kif tittratta mas-suċċessjoni ta' membru tal-familja jew ta' xi ħadd qrib tiegħek li għex f'pajjiż differenti tal-UE
Ir-regoli tal-UE dwar il-wirt jew is-suċċessjoni japplikaw fil-pajjiżi kollha tal-UE minbarra l-Irlanda u d-Danimarka: dawn il-pajjiżi tal-UE ddeċidew li ma jipparteċipawx. Dan ifisser li r-regoli tal-UE dwar il-wirt japplikaw kull meta l-wirt tiegħek se jiġi trattat minn awtorità ta' pajjiż tal-UE minbarra l-Irlanda u d-Danimarka.