Ir-regoli u s-sikurezza tat-traffiku - il-Polonja

Sewwieqa professjonali

Sewwieqa standard

Sewwieqa ġodda

Ċiklisti

Iċ-ċiklisti jeħtieġ li jużaw il-passaġġi għaċ-ċiklisti jew korsiji għaċ-ċiklisti fejn dawn ikunu pprovduti u mmarkati għad-direzzjoni li fiha qed jivvjaġġaw jew għandhom l-intenzjoni li jduru. Is-sewqan fit-triq maġenb rota oħra jew moped huwa permess bħala eċċezzjoni sakemm dan ma jfixkilx utenti oħra tat-triq jew jipperikola is-sikurezza tat-traffiku

Ċiklist eċċezzjonalment jista' juża bankini jew mogħdiji tal-mixi jekk:

• ikun qed jakkumpanja tifel jew tifla ċiklista taħt l-10 snin
• il-wisa’ ta’ bankina ħdejn triq b’limitu ta’ veloċità ikun ta’ aktar minn 50 km/h huwa tal-inqas 2 metri u ma jkun hemm l-ebda mogħdija separata għar-roti jew korsija tar-roti
• il-kundizzjonijiet tat-temp jagħmlu s-sewqan ta' rota fit-triq mhux sikur (silġ, riħ qawwi, xita qalila, silġ u ċpar)

Ċiklisti li jużaw bankina jew mogħdija tal-mixi għandhom jirkbu bil-mod u b’attenzjoni kbira, u jagħti d-dritta lil min ikun miexi.

Iċ-ċiklisti m’għandhomx:

• jirkbu fit-triq maġenb ma’ utent ieħor tat-triq
• isuqu mingħajr ma jżommu mill-inqas id waħda fuq il-manubriji u saqajhom it-tnejn fuq il-pedali.
• iżżommu ma' vetturi oħrajn

Xi bliet jipprovdu linji avvanzati ta’ waqfien għar-roti u korsiji contraflow.

U xi wħud minnhom jipprovdu mogħdiji kemm għar-roti kif ukoll għall-mixi. Meta jużaw dawn, iċ-ċiklisti għandhom joqgħodu attenti ħafna u jagħtu d-dritta lil min ikun miexi.

Persuni bil-mixi

Il-persuni bil-mixi għandhom jużaw bankini jew mogħdijiet tal-mixi jew, meta ma jkunx hemm minn dawn, jużaw "hard shoulder" jew "verge". Jekk ma jkun hemm ebda "hard shoulder/verge" jew dawn ma jkunux qegħdin jintużaw temporanjament, il-persuni bil-mixi jistgħu jużaw il-karreġġjata, sakemm jibqgħu kemm jista’ jkun fil-ġenb u jżommu 'l bogħod mill-vetturi li jkunu ġejjin.

Il-persuni bil-mixi fil-"hard shoulder/verge" jew fil-karreġġjata, għandhom iżommu lejn in-naħa tax-xellug tat-triq.

Il-persuni bil-mixi jistgħu jużaw il-korsija tar-roti biss jekk ma jkunx hemm bankina jew "hard shoulder/verge" jew dawn ikunu impossibbli biex jintużaw. Barra minn persuni b’diżabilità, il-persuni bil-mixi li jużaw korsija għar-roti, għandhom jagħtu d-dritta liċ-ċiklisti.

Rotot għall-mixi/żoni pedonali

Rotot għall-mixi/żoni pedonali huma strettament għal użu pedonali biss u t-traffiku tal-vetturi kollha huwa pprojbit.

Żoni residenzjali

Fiż-żoni msejħa żoni residenzjali, il-persuni bil-mixi għandhom id-dritt ta’ preċedenza fuq il-vetturi; jistgħu jużaw il-wisgħa kollha tat-triq u jaqsmuha fi kwalunkwe punt li jridu. Tfal taħt l-età ta’ 7 snin jistgħu jużaw it-triq mingħajr ma jkunu akkumpanjati minn adulti. Is-sewwieqa ma għandhom jeċċedu qatt il-veloċità ta’ 20 km/h.

Korsiji tat-trasport pubbliku

Xi korsiji huma rriżervati għas-servizzi regolari tat-trasport pubbliku.

Il-korsiji tal-awtostrada

Is-sewqan fil-hard shoulder huwa pprojbit. Is-sewwieqa ma jistgħux jieqfu jew jipparkjaw hemmhekk, ħlief f’każ ta’ ħsara.

Drogi pprojbiti

Opjojdi (morfina u eroina)

Amfetamina u l-analogi tagħha (metamphetamina, ecstasy)

Kokaina

THC (kannabis)

Benżodiażepini

Is-sustanzi kollha b'effetti simili għall-alkoħol

Huwa pprojbit għal persuna miexja li tuża telefown jew apparat elettroniku ieħor waqt li tkun qed tidħol biex taqsam jew tkun qed taqsam triq, binarju jew qsim pedonali – b’mod li jwassal għal kapaċità mnaqqsa li tiġi osservata s-sitwazzjoni fit-triq, il-binarju jew il-qsim pedonali.

Ix-xufiera huma obbligati li joħolqu kuritur ta’ emerġenza u zipper merge kif ippreżentati fl-istampi ta’ hawn taħt. Dan jippermetti t-tqassir tal-wasla tas-servizzi ta’ emerġenza lejn il-post tal-aċċident u jiżgura traffiku b’inqas xkiel fit-toroq.

L-użu taċ-ċinturini tas-sikurezza u s-sistema tat-trażżin tat-tfal hija OBBLIGATORA (Direttiva 91/671/KEE kif emendata).

Iċ-ċinturini tas-sikurezza mhumiex obbligatorji għal:

• persuni b’ċertifikat mediku ta’ eżenzjoni mill-obbligu li jilbsu ċ-ċinturin tas-sikurezza
• nisa li jkunu jidhru li huma tqala
• xufiera tat-taksis li jġorru l-passiġġieri
• għalliema u eżaminaturi tas-sewqan waqt il-lezzjonijiet tas-sewqan u testijiet
• Il-Pulizija, l-Aġenzija tas-Sigurtà Interna, l-Aġenzija tal-Intelligence Barranija, is-Servizz Militari tal-Kontrospjunaġġ, is-Servizz Sigriet Militari, uffiċjali tal-Uffiċċju Ċentrali Kontra l-Korruzzjoni u tal-Gwardja tal-Fruntieri, spetturi għall-Kontroll tat-Teżor, uffiċjali tad-Dwana u tas-Servizz tal-Ħabs u persunal tal-Forzi Armati tal-Polonja, meta jkunu qed jittrasportaw persuni arrestati.
• Uffiċjali tal-Uffiċċju tas-Sigurtà tal-Gvern waqt il-qadi ta’ dmirijiethom
• Uffiċjali tal-Pulizija Militari waqt il-qadi ta’ dmirijiethom
• timijiet mediċi meta jipprovdu assistenza medika
• gwardji tas-sigurtà meta jkunu qed jittrasportaw flus kontanti
• persuni morda jew b’diżabilità li jkunu qed jinġarru fuq streċer jew siġġu tar-roti
• tfal ta’ taħt it-3 snin li jkunu passiġġieri ta’ karozza tal-linja
• tfal sa 4 snin li jkunu passiġġieri ta’ karozza tal-linja pubblika u ma jkunux qed jużaw sit separat

Is-sits għat-tfal mhumiex obbligatorji fi:

• taksis
• karozzi tal-linja
• ambulanzi
• vetturi tal-pulizija
• vetturi tal-għassa tal-fruntiera
• vetturi tal-pulizija muniċipali
• u f’każijiet fejn tabib ikun ħareġ ċertifikat ta’ eżenzjoni mill-obbligu ta’ użu minn siġġu tas-sikurezza tat-tfal jew oħrajn ta’ trażżin għat-tfal

• 50 km/h

20 km/h fiż-żoni residenzjali

• 50 km/h

20 km/h fiż-żoni residenzjali

• Awtostradi: 140 km/h.
• Awtostradi/toroq espress b’żewġ karreġġati: 120 km/h.

• 50 km/h

20 km/h fiż-żoni residenzjali

• Triq espress: 120 km/h
• Awtostrada: 140 km/h 100 km/h fuq karreġġjata waħda (triq espress) Ebda dħul għall-kwadriċikli

• 50 km/h

20 km/h fiż-żoni residenzjali

• 50 km/h

20 km/h fiż-żoni residenzjali

Aħmar jiġifieri "Ieqaf"; ma tistax tibqa' għaddej lil hinn mid-dawl tat-traffiku.

Meta l-aħmar u l-l-oranġjo jixegħlu flimkien, dan ukoll ifisser "Ieqaf", iżda jindika li d-dawl daqt se jaqleb aħdar.

Aħdar ifisser li tista’ tibqa' għaddej, sakemm tkun tista’ tgħaddi mill-intersezzjoni waqt li d-dawl ikun għadu aħdar u d-dħul tiegħek fl-intersezzjoni ma tippreżenta ebda periklu għal ħaddieħor fit-triq.

Oranġjo jfisser "Ieqaf"; Tista' tibqa' għaddej waqt li d-dawl ikun oranġjo biss jekk tant tkun qrib tad-dwal li jekk tieqaf, ikollok tibbrejkja bis-saħħa wisq; l-oranġjo jindika wkoll li d-dawl daqt jaqleb aħmar.

Vleġġa ħadra taħt dawl aħmar: dan ifisser li int tista’ tikser fid-direzzjoni tal-vleġġa, iżda inti l-ewwel trid tieqaf qabel tkompli mingħajr ma xxekkel lil ħaddieħor li jkollu dawl aħdar.