Il-protezzjoni tal-proprjetà intellettwali

Protezzjoni tal-privattivi għall-invenzjonijiet bijoteknoloġiċi

Għall-SMEs u n-negozji ġodda tal-bijoteknoloġija jew tal-bijomanifattura, l-iżgurar tal-protezzjoni tal-proprjetà intellettwali (PI) huwa essenzjali għat-tkabbir, l-attirar tal-investiment, u l-protezzjoni tal-innovazzjonijiet tiegħek. Teżisti firxa ta’ riżorsi, għodod, u linji gwida biex jgħinuk torjenta ruħek fil-qasam tal-protezzjoni tal-PI.

L-iżviluppaturi fis-settur tal-bijoteknoloġija għandhom ikunu jafu li r-regoli tal-UE en kif ukoll il-Konvenzjoni Ewropea dwar il-Privattivi de en fr jispeċifikaw x’jista’ u x’ma jistax jingħata bħala privattiva, speċjalment għal invenzjonijiet etikament sensittivi (bħal dawk li jinvolvu modifika ġenetika umana).

L-Uffiċċju Ewropew tal-Privattivi (UEP) jipprovdi gwida speċifika għall-privattivi tal-bijoteknoloġija, inklużi riżorsi ddedikati u pariri dwar il-privattivi għall-innovazzjonijiet bijoteknoloġiċi. Ikkonsulta r-riżorsi tal-UEP dwar il-privattivi tal-bijoteknoloġija de en fr biex tara jekk l-invenzjoni tiegħek tikkwalifikax. Jekk dan tagħmlu fi stadju bikri tiffranka l-ħin u spejjeż fuq ideat li ma jistgħux jingħataw privattiva u tiżgura l-konformità mal-istandards etiċi tal-UE.

L-innovaturi fis-settur tal-bijoteknoloġija jistgħu jibbenefikaw ukoll mill-privattiva unitarja en , li toffri protezzjoni uniformi fi 18-il pajjiż parteċipanti tal-UE fuq bażi ta’ punt uniku ta’ servizz, li tipprovdi vantaġġi kbar ħafna fir-rigward tal-ispejjeż u tnaqqas il-piż amministrattiv.
Għal prodotti farmaċewtiċi u agrokimiċi ġodda li jeħtieġu awtorizzazzjoni għall-kummerċjalizzazzjoni, ir-regoli tal-UE jipprevedu l-possibbiltà li jinkiseb ċertifikat ta’ protezzjoni supplimentari (ĊPS) en , li jestendi, għal massimu ta’ 5 snin, il-protezzjoni ta’ dak il-prodott permezz ta’ privattiva.

Skopri aktar dwar drittijietek rigward il-privattivi.

Protezzjoni speċjali għall-varjetajiet ta’ pjanti

L-Uffiċċju Komunitarju tal-Varjetajiet tal-Pjanti (CPVO, Community Plant Variety Office) joffri drittijiet tal-PI għal varjetajiet ġodda ta’ pjanti, u jipproteġi l-innovazzjonijiet agrikoli tiegħek madwar l-UE.

Id-drittijiet fuq varjetajiet tal-pjanti jagħtu lin-negozju ġdid tal-bijoteknoloġija tiegħek kontroll esklużiv fuq il-varjetajiet tal-pjanti tiegħek, filwaqt li jipprevjenu l-użu jew ir-riproduzzjoni mhux awtorizzati. Jekk il-kumpanija tiegħek qed tinnova fit-tnissil tal-pjanti, applika għad-drittijiet fuq varjetajiet tal-pjanti en permezz tas-CPVO biex tipproteġi l-varjetajiet uniċi tiegħek madwar l-UE.