Ir-regoli u s-sikurezza tat-traffiku - id-Danimarka

L-użu taċ-ċinturini tas-sikurezza u tas-sistema tal-irbit tat-tfal huwa OBBLIGATORJU (id-Direttiva 91/671/KEE kif emendata).

Iċ-ċinturini tas-sikurezza mhumiex obbligatorji għal:

• sewwieqa meta jkunu qed jirriversjaw jew isuqu f’żona ta’ parkeġġ, jew f’postijiet simili
• sewwieqa u passiġġieri b’diżabbiltà
• persuni eżentati għal raġunijiet mediċi
• sewwieqa meta jkunu qed jittrasportaw klijent
• sewwieqa u passiġġieri ta’ vetturi ta’ prijorità, inklużi l-ambulanzi
• vetturi tal-konsenji jew karozzi privati li jagħmlu waqfiet frekwenti (kull 500 m jew inqas)
• il-pulizija u servizzi speċjali li jkunu qed jittrasportaw lill-priġunieri
• sewwieqa tal-forzi tad-difiża meta jkunu qed isuqu b’veloċità baxxa fiż-żoni ta’ eżerċizzju
• servizzi tat-trasport regolari fejn huma permessi passiġġieri bilwieqfa

Is-sits għat-tfal mhumiex obbligatorji għal:

• tfal taħt it-3 snin li jkunu qed jivvjaġġaw fis-sit ta’ wara ta’ taxi
• tfal ta’ aktar minn 3 snin fis-sit ta’ wara ta’ taxi, li jkunu qed jużaw ċinturin tas-sikurezza
• tfal ta’ aktar minn 3 snin fi trasport okkażjonali bil-karozza fis-sit ta’ wara
• vetturi fejn m’hemm ebda spazju għat-tielet sit tat-tfal u t-tifel joqgħod bilqiegħda fuq is-sit ta’ wara liebes ċinturin tas-sikurezza

Il-vetturi ta’ emerġenza jistgħu jkomplu jsuqu meta d-dwal tat-traffiku jkunu ħomor.

• Rekwiżiti għall-vettura tal-irmonk:
  • Sistema Antilokk tal-Ibbrejkjar (ABS)
  • Massa massima permissibbli 3.5 t
• Rekwiżiti għat-trailer:
  • Età massima tat-tajers 6 snin u mmarkar minimu tal-veloċità ta’ 120 km/h
  • Adattat għal 100 km/h
  • Massa massima permissibbli 3.5 t
  • Sticker immarkata 100 km/h

Il-limiti ta’ hawn taħt jirreferu għal-livelli tal-kontenut tal-alkoħol fid-demm (BAC, blood alcohol content) sakemm ma jkunx iddikjarat mod ieħor

0.5 mg/ml

Sewwieqa standard

Sewwieqa ġodda

Sewwieqa professjonali

Drogi pprojbiti

THC (kannabis) Limitu massimu (mg għal kull kg demm): 0.001

Metilamfetammina Limitu massimu (mg għal kull kg demm): 0.01)

MDMA (ecstasy) Limitu massimu (mg għal kull kg demm): 0.02

54 narkotiku (inklużi l-opjati, id-derivati tagħhom u l-kokaina) u xi mediċini huma kklassifikati bħala perikolużi għas-sikurezza fit-toroq skont il-liġi Daniża.

Jeżistu korsiji riżervati għal diversi tipi ta’ vetturi, kif speċifikat mis-sinjali tat-toroq. Is-sewwieqa jridu jużaw il-korsija speċifikata għall-vettura li jkunu qed isuqu. Il-motorini ż-żgħar iridu jkunu misjuqa fuq il-mogħdijiet għaċ-ċiklisti sakemm is-sinjali tat-toroq ma jindikawx mod ieħor. Il-korsiji għas-sewqan bil-mod huma biss għall-vetturi li jkunu qed isuqu b’veloċitajiet aktar baxxi minn dawk indikati fuq is-sinjal tat-triq.