Mistoqsijiet frekwenti - Emerġenzi
Għaliex numru tal-emerġenza wieħed madwar l-UE?
Biex ikollok numru wieħed li tista' tuża f'każ ta' emerġenza tkun fejn tkun - biex b'hekk m'għandekx għalfejn toqgħod tiftakar numru differenti għal kull pajjiż.
Il-112 madwar l-UE kollha jfisser numru wieħed li jaħdem fl-UE kollha u li kollha nistgħu niftakru anki meta nkunu inkwetati f'sitwazzjoni ta' emerġenza.
Il-112 jieħu post in-numru tal-emerġenza nazzjonali?
LE - il-112 jaħdem f'kull pajjiż tal-UE flimkien man-numri nazzjonali tal-emerġenza eżistenti. Allura jekk taf dawn in-numru, tista' tużahom ukoll - is-servizz se jkun l-istess.
F'xi pajjiżi tal-UE, il-112 huwa n-numru tal-emerġenza ewlieni.
Meta tuża l-112?
F'sitwazzjonijiet ta' emerġenza biss.
Il-112 mhuwiex servizz ta' informazzjoni jew xi ħaġa hekk.
Kif jaħdem il-112?
Meta ċċempel il-112, tiġi konness ma' operatur li jgħaddik għand is-servizz tal-emerġenza li tkun teħtieġ.
Liema lsien/ilsna nista' nuża meta nċempel il-112?
- L-ilsien/ilsna tal-pajjiż li tkun fih
- Ingliż - f'xi pajjiżi
- Ilsna Ewropej oħra - imma dan jiddependi kompletament mill-pajjiż u l-operaturi li jkun hemm.
Ma hemmx għadd standard jew minimu ta' ilsna pprovduti.
Kif se jkunu jafu fejn ninstab l-operaturi tal-112?
Jekk ma tkunx tista' titkellem sew jew ma tkunx taf eżattament fejn tinstab, l-operatur jgħadd kemm jista' jkun informazzjoni dwar il-lokalità tiegħek lis-servizzi tal-emerġenza - jew l-indirizz tan-numru (landline) minn fejn tkun qed iċċempel jew il-lokalità tal-mowbajl tiegħek.
X'inhuma n-numri 116?
Dan huwa għadd ta' 5 numri b'xejn tal-għajnuna Ewropea għat-tfal u l-adulti fil-bżonn, li jistgħu jintużaw fil-biċċa l-kbira tal-pajjiżi tal-UE (għalkemm il-firxa għadha mhijiex universali).
Jagħtu aċċess għal servizzi lokali tal-għajnuna magħżula.
- 116 000 - linja ta' għajnuna għat-tfal neqsin
- 116 111 – linja ta' għajnuna għat-tfal
- 116 123 – linja ta' għajnuna għall-appoġġ emozzjonali
- 116 006 – linja ta' għajnuna għall-vittmi ta' reati
- 116 117 – għajnuna medika mhux urġenti