Mistoqsijiet frekwenti - Prezzijiet u pagamenti
Ordnajt biljett tal-ajru għal Ruma lbieraħ. Il-biljett tiegħi ġie jqum aktar minn tat-tfajla tiegħi, peress li ġejt obbligat nixtri assigurazzjoni, filwaqt li hi le. Għaliex kien hemm din id-differenza?
Il-formola online li mlejt probabbilment kienet tinkludi kaxxa ttikkjata minn qabel
li tkopri l-assigurazzjoni, li int ma neħħejtilhiex l-ittikkjar. Madankollu, issa
hu illegali fl-UE kollha għal-linji tal-ajru li jużaw kaxex ittikkjati minn qabel.
Jekk tiskopri prezzijiet online mhux ċari meta tibbukkja titjira, tista' tirrapportahom
lill- awtoritajiet nazzjonali fil-pajjiż ta' residenza tiegħek tal-UE.
Xtaqt nixtri basal tal-fjuri online minn kumpanija fl-Olanda, għall-ġnien tiegħi fil-Belġju. In-negozjant ried jiċċarġjani aktar għax ħallast bil-karta tal-kreditu. Għandu dritt jagħmel dan?
LE. Meta tħallas għal xi ħaġa fl-UE permezz tal-karta tal-kreditu jew tad-debitu tiegħek,
in-negozjanti normalment ma jistgħux jiċċarġjawk flus żejda – magħruf ukoll bħala
"ħlas addizzjonali" – għar-raġuni biss li qed tuża karta tal-kreditu partikolari.
Din ir-regola tapplika għax-xiri bil-karta tal-kreditu fil-ħwienet jew online li twettaq
f'pajjiżek jew f'pajjiż ieħor tal-UE.
Madankollu, karta tal-kreditu u tad-debitu maħruġin minn skemi ta' tliet partijiet (bħal American Express u Diners Club u l-karti ta' kreditu kummerċjali jew korporattivi, fejn il-kont jintbagħat lil min jimpjegak, mhumiex koperti mir-regoli tal-UE dwar is-servizzi ta' pagamenti, u xorta tista' tiġi ċċarġjat aktar talli tuża dawn il-karti ta' kreditu.
Madankollu, karta tal-kreditu u tad-debitu maħruġin minn skemi ta' tliet partijiet (bħal American Express u Diners Club u l-karti ta' kreditu kummerċjali jew korporattivi, fejn il-kont jintbagħat lil min jimpjegak, mhumiex koperti mir-regoli tal-UE dwar is-servizzi ta' pagamenti, u xorta tista' tiġi ċċarġjat aktar talli tuża dawn il-karti ta' kreditu.
Jien ngħix id-Danimarka u nixtieq nixtri karozza fil-Ġermanja, fejn il-prezzijiet huma aktar baxxi. In-negozjant li tkellimt miegħu qed jgħid li ma jistax ibigħli karozza għax ma ngħix il-Ġermanja.Dan permess?
LE. Dak li qallek il-negozjant jikser ir-regoli tal-UE, li skonthom il-konsumaturi għandhom
ikunu jistgħu jieħdu vantaġġ mid-differenzi fil-prezzijiet fl-UE. Hu illegali għall-manifatturi
tal-karozzi li jkollhom negozjar selettiv u esklużiv biex jimpedixxu lin-negozjanti
milli jbigħu l-karozzi lil persuni mhux residenti, sabiex jinżammu swieq separati.
Jekk tista' tikseb prova bil-miktub li n-negozjant qed jirrifjuta li jbigħlek għax m'intix resident il-Ġermanja, ikkuntattja liċ-Ċentru Ewropew tal-Konsumaturi fil- Ġermanja de en jew fid- Danimarka da en .
Jekk tista' tikseb prova bil-miktub li n-negozjant qed jirrifjuta li jbigħlek għax m'intix resident il-Ġermanja, ikkuntattja liċ-Ċentru Ewropew tal-Konsumaturi fil- Ġermanja de en jew fid- Danimarka da en .
Irrid nixtri żraben online mingħand kumpanija fi Spanja, billi nuża l-karta tal-kreditu Taljana tiegħi. Is-sit web mhux jaċċetta l-karta tal-kreditu tiegħi billi mhix karta tal-kreditu Spanjola. In-negozjant jista' jagħmel dan?
LE. Skont ir-regoli tal-UE, in-negozjanti ma jistgħux jiddiskriminaw abbażi tan-nazzjonalità
jew il-pajjiż ta' residenza. Dan ifisser li jekk negozjant jaċċetta marka partikolari
ta' karta tal-kreditu, pereżempju l-Visa, minn Spanja jrid jaċċetta l-istess marka
ta' karta tal-kreditu mill-pajjiżi kollha tal-UE.
In-negozjanti huma permessi jagħżlu liema marki ta' pagament jaċċettaw – għalhekk, pereżempju jistgħu jagħżlu li jaċċettaw il-Visa iżda mhux l-American Express. Madankollu, ma jistgħux jirrifjutaw karta tal-ħlas sempliċement minħabba li tkun ġejja minn pajjiż ieħor tal-UE.
In-negozjanti huma permessi jagħżlu liema marki ta' pagament jaċċettaw – għalhekk, pereżempju jistgħu jagħżlu li jaċċettaw il-Visa iżda mhux l-American Express. Madankollu, ma jistgħux jirrifjutaw karta tal-ħlas sempliċement minħabba li tkun ġejja minn pajjiż ieħor tal-UE.
Ngħix fl-Irlanda u nixtieq nixtri biljetti għal park ta' divertiment online. Is-sit web jibgħatli awtomatikament il-verżjoni Irlandiża tas-sit web. Ħabib fl-Italja jara biljetti ferm orħos għall-istess park ta' divertiment permezz tal-verżjoni Taljana tas-sit web. Għaliex ma nistax nara dawn il-prezzijiet?
Is-siti web tal-UE ma jistgħux awtomatikament jiddiriġuk għal verżjoni speċifika
tal-pajjiż tas-sit web tagħhom mingħajr il-kunsens tiegħek. Għandek tkun tista' tagħżel
liema verżjoni tkun qed iżżur billi tagħżel pajjiż/territorju jew tittajpja direttament
il-URL it-tajjeb. Jekk ma tistax tiswiċċja għall-verżjoni differenti tas-sit web tal-part
ta' divertiment, tista' tirrapporta l-problema liċ-ECC-Net tiegħek.
L-aħħar verifika: 19/04/2024