Mistoqsijiet frekwenti - Trattament ugwali fuq il-post tax-xogħol
Xi tfisser eżatt il-frażi "trattament ugwali"?
Jekk qed taħdem f'pajjiż ieħor, int u l-familja tiegħek tridu tkunu trattati eżattament l-istess bħall-kollegi tiegħek li huma ċittadini ta' dak il-pajjiż. Dan japplika speċjalment għal:
- drittek li tfittex ix-xogħol u tirċievi l-għajnuna mingħand l-uffiċċji nazzjonali tal-impjieg
- kundizzjonijiet tax-xogħol (salarju, tkeċċija, eċċ.)
- benefiċċji u vantaġġi tat-taxxa
- opportunitajiet ta' taħriġ
- sħubija fit-trejdjunjins u l-eżerċitar ta' drittijiet relatati.
It-trattament ugwali jipprojbixxi mhux biss id-diskriminazjzoni miftuħa, iżda wkoll kwalunkwe regoli li indirettament iqiegħduk fi żvantaġġ, bħal miżuri li jillimitawlek il-moviment ħieles.
Pereżempju, regola li tirrikjedi li tgħix fil-pajjiż għal żmien twil qabel ma jkollok aċċess għal servizz pubbliku partikolari tkun illegali.
Jekk familti tingħaqad miegħi fil-pajjiż il-ġdid, ikollha dritt taħdem hemm?
IVA — tkun xi tkun in-nazzjonalità tal-membri tal-familja tiegħek (anki jekk mhux mill-UE):
- jistgħu jaħdmu għal rashom jew bħala impjegati mingħajr il-bżonn ta' permess tax-xogħol.
- għandhom dritt għall-istess trattament bħaċ-ċittadini ta' dak il-pajjiż.
X'nista' nagħmel jekk inħoss li l-awtoritajiet jew min iħaddimni qed jiddiskriminaw kontrija?
Jekk tħoss li xi regola jew deċiżjoni li taffettwak tmur kontra r-regoli tal-UE li jippermettulek taħdem barra pajjiżek, trid l-ewwel nett tressaq il-każ quddiem l-awtoritajiet tal-pajjiż fejn taħdem.
Skont xi tkun il-problema eżatta, għandu mnejn jirnexxilek ukoll issib għajnuna mis-servizzi ta' għajnuna ta-UE.Iftaħ bħala link estern
Jekk ħija eventwalment jingħata l-permess joqgħod miegħi fis-Slovakja, ikun jista' jaħdem hemm ukoll, avolja mhuwiex ċittadin tal-UE?
IVA — jekk jingħaraflu d-dritt li jgħix migħek fis-Slovakkja, ikun igawdi l-istess drittijiet bħalek.
Bħala ċittadin tal-UE jiena għandi d-dritt li jkolli l-istess appoġġ tal-qligħ fil-pajjiż ta' residenza tiegħi bħaċ-ċittadini t'hemm?
IVA — skont ċerti ċirkostanzi.
Jekk qed tgħix hemm legalment, għandek dritt għall-istess għajnuna bażika tal-benessri — imsejjaħ ukoll assistenza soċjali fid-dokumenti tal-liġi tal-UE — bħaċ-ċittadini ta' dak il-pajjiż. Skont il-pajjiż, dan jista' jinkludi l-appoġġ għal-qligħ jew benefiċċji oħra li jkunu indipendenti minn kontribuzzjonijiet mgħoddija li stajt għamilt fis-sistema tal-benessri ta' dak il-pajjiż.
Madankollu, il-pajjiż il-ġdid tiegħek jista' jiddeċiedi li jżomm id-dritt tiegħek għall-appoġġ tal-qligħ — jew benefiċċji oħra — għall-ewwel 3 xhur tar-residenza tiegħek (pereżempju jekk ġejt bħala ħaddiem staġjonali, ħdimt xahar u mbagħad applikajt għall-appoġġ tal-qligħ), u saħansitra għal iktar fit-tul jekk tasal fil-pajjiż biex tfittex ix-xogħol.
Ma nistax niddeċiedi bejn li nibda negozju komplut fir-Renju Unit jew li sempliċiment noffri servizzi fir-Renju Unit mill-Irlanda. Fejn nista' niskopri dwar il-formalitajiet?
Il- punt uniku ta' kuntatt fir-Renju Unit en għandu jfornik bl-informazjoni kollha li teħtieġ kemm biex tibda negozju ġdid kif ukoll biex tipprovdi s-servizzi minn pajjiż ieħor. Jippermettilek ukoll li tagħmel — elettronikament — il-proċeduri amministrattivi kollha f'daqqa. Ma jkollokx toqgħod tikkuntattja l-awtoritajiet rilevanti kollha individwalment.
Jekk il-professjoni tiegħek hija regolata fir-Renju Unit, jista' jkollok bżonn li l-kwalifiki tiegħek jiġu rikonoxxuti mill-awtoritajiet tar-Renju Unit.