Mistoqsijiet frekwenti - Drittijiet tal-passiġġieri tal-vapuri
Ibbukkjajt mini-cruise fuq il-Lag ta' Como li kien skedat li jdum tliet sigħat. L-eskursjoni ġiet ikkanċellata biss siegħa qabel ma kellha titlaq. Għandi dritt għal kumpens minħabba l-kanċellazzjoni?
LE - peress li din kienet eskursjoni turistika li mhix koperta mir-regoli tal-UE.
Il-familja tiegħi u jien konna qed nivvjaġġaw minn Roscoff għal Rosslare iżda t-tluq tal-vapur ġie mdewwem għal tmienja u erbgħin siegħa minħabba problema bil-magna. Sibna akkomodazzjoni f'lukanda qrib iżda l-kumpanija tat-tbaħħir irrimborżatna biss €80 għal kull lejl għal kull persuna. Kellna nħallsu ħafna aktar minn hekk. Il-kumpanija tat-tbaħħir hi obbligata tirrimborża l-ammont sħiħ tal-akkomodazzjoni tagħna?
LE - il-kumpanija tat-tbaħħir tista' tillimita l-ispejjeż ta' akkomodazzjoni għal €80 għal kull persuna għal kull lejl.
L-aħħar verifika: 15/01/2026