Cosán nascleanúna

An Eoraip Agatsa – Comhairle

 

Is éard atá in An Eoraip Agatsa suíomh gréasáin de chuid an Aontais Eorpaigh ina bhfuil eolas faoi na cearta atá agat ar fud na hEorpa.

Tá comhairle phraiticiúil agus leideanna úsáideacha ann faoi nithe ar nós cónaí, staidéar, obair, siopadóireacht, taisteal, agus (i gcás comhlachtaí) gnó laistigh den Aontas.

Ós é An Eoraip Agatsa an phríomhfhoinse eolais i dtaobh na nithe sin, is ceart duit féachaint ann má tá comhairle agus cúnamh de dhíth ort i dtaobh na gceart atá agat san Aontas Eorpach.

Mura dtagann tú ar fhreagra do cheiste, is féidir leat teagmháil a dhéanamh le An Eoraip Agatsa: Comhairle ach cliceáil ar an gcnaipe cúnaimh agus comhairle atá ag bun gach leathanaigh ar an suíomh An Eoraip Agatsa.

Is éard atá in An Eoraip Agatsa: Comhairle foireann de shaineolaithe dlí neamhspleácha a dhéanann an méid seo:

  • comhairle phearsanaithe, saor in aisce, a thabhairt i do theanga laistigh de sheachtain
  • an dlí Eorpach a bhaineann le do chás a shoiléiriú
  • míniú a thabhairt ar conas na cearta atá agat faoi dhlí an Aontais a fheidhmiú.
A ndeirtear faoi An Eoraip
Agatsa – Comhairle
"Trí bhur gcabhair fuaireamar ar ais 429 euro ónár n-oibreoir telecom"
(saoránach Briotaineach sa Fhrainc
"Bhí freagra neamh-theicniúil uaim is bhí áthas orm ceann an-sothuigthe a fháil"
(fiosróir ó Marseille)
"Chuir bhur gcomhairle ar mo chumas sochar teaghlaigh a fháil san Ostair"
(saoránach Polannach atá fostaithe san Ostair )
 
Scéalta Rathúla
Roinnt samplaí:

Tá faoi shaoránach Briotanach taisteal lena fear céile, nach saoránach AE é, ó thír amháin AE go ceann eile, mar a bhfuil teach teaghlaigh aici – ach is deacair di víosa a fháil dó.

A bhuí le An Eoraip Agatsa – Comhairle, tá a céile in ann taisteal gan foirmiúlachtaí míchuí.
Deirtear le hOstarach a bhfuil dioplóma Briotanach aige mar theicneoir fiacla nach dtig leis a ghnó a bhunú san Ostair.

Insíonn An Eoraip Agatsa – Comhairle dó faoi na foirmiúlachtaí ábhartha is na cáipéisí is gá, agus cuireann ar aghaidh é chuig an údarás Ostarach atá in ann cabhrú leis.