Ceisteanna Coitianta - Fánaíocht: Fón póca a úsáid san Aontas Eorpach

NÍ GHEARRFAR. Na glaonna a dhéanann tú, na SMSanna a sheolann tú agus a fhaigheann tú, agus na sonraí a úsáideann tú le linn duit a bheith in aon cheann de thíortha an Limistéir Eorpaigh Eacnamaíoch (an Íoslainn, Lichtinstéin agus an Iorua), agus sa Mholdóiv agus san Úcráin, cumhdófar iad le do chonradh. Gearrfar airgead ort de réir na rátaí atá leagtha amach i do phlean taraife, agus bainfear d’úsáid as na méideanna atá i do chonradh, go díreach amhail is dá mbeifeá sa bhaile. Mar sin féin, féadfaidh do sholáthraí teorainn a chur leis an méid sonraí is féidir leat a úsáid ag do tharaif bhaile (féach thíos).

NÍ GÁ. Ní gá duit aon rud a dhéanamh. Ba cheart do d’oibreoir rochtain a thabhairt duit go huathoibríoch ar fhánaíocht san Aontas ar phraghsanna baile.

Ó tharla go mbeidh tú lonnaithe san Ungáir go ceann 6 mhí, b’fhéidir go smaoineofá ar chárta SIM Ungárach a cheannach le haghaidh do ghutháin. An riail ghinearálta atá ann ná fad is a chaithfidh tú níos mó ama sa bhaile ná i dtír eile, nó fad is a úsáidfidh tú do ghuthán póca níos mó sa bhaile ná i dtír eile, íocfaidh tú do ghnáthphraghsanna baile ar do ghlaonna, do theachtaireachtaí téacs agus do sheirbhísí sonraí agus tú ag taisteal san Aontas. Meastar gur úsáid chóir seirbhísí fánaíochta é sin.
Chun an méid sin a fhíorú, féadfaidh d’oibreoir seiceáil a dhéanamh ar an am atá caite agat i mbun fánaíochta agus ar do thomhaltas le 4 mhí anuas. Más amhlaidh atá níos mó ama caite agat i dtír eile den Aontas ná sa bhaile AGUS más amhlaidh a bhain tú úsáid níos mó as seirbhísí móibíleacha i dtír eile den Aontas ná sa bhaile, d’fhéadfadh d’oibreoir móibíleach a chur in iúl duit go mbeidh tú faoi réir táillí má leanann tú de bheith ag fanacht thar lear.
Más rud é, laistigh de choicís ón uair a gheobhaidh tú an rabhadh, go dtosóidh tú ag úsáid do ghutháin níos mó i do thír bhaile, ní ghearrfar táille ort. Seachas sin, féadfaidh d’oibreoir na táillí seo a leanas a chur i bhfeidhm ar do thomhaltas fánaíochta ó lá an fholáirimh ar aghaidh:

• €0.019 in aghaidh an nóiméid i gcás glaonna gutha (+ CBL)
• €0.003 in aghaidh an SMS (+ CBL)
• €1.30 in aghaidh an ghigibhirt de shonraí (+ CBL)

NÍ CHUMHDÓIDH. Ní hionann glaoch a chur ón mbaile ar uimhir i dtír eile den Aontas agus a bheith ar fánaíocht, mar sin ní chumhdaíonn na rialacha fánaíochta an méid sin. Mar sin féin, faoi rialacha an Aontais tá uasteorainn freisin leis na táillí ar ghlaonna (ar ghutháin phóca agus ar ghutháin líne seasta) agus ar theachtaireachtaí téacs (SMSanna) laistigh den Aontas. Ciallaíonn sé sin go ngearrfar €0.019 in aghaidh an nóiméid (+ CBL) ar a mhéad ort nuair a chuirfidh tú glao ar d’iníon sa Ghearmáin, agus nuair a sheolann tú teachtaireacht téacs chuici cosnóidh sé €0.06 (+ CBL) ar a mhéad ort in aghaidh an SMS.

IS FÉIDIR. Murar luaigh d’oibreoir móibíleach go follasach leat go bhfuil teorainn le do shonraí fánaíochta, is féidir leat an méid iomlán sonraí faoi do chonradh baile a úsáid agus tú i dtír eile den Aontas. Ní féidir le d’oibreoir teorainn sonraí fánaíochta a chur i bhfeidhm ach amháin má íocann tú níos lú ná €1.30 in aghaidh an ghigibhirt.

TÁ. Ní bheidh teorainn le do ghlaonna ná le do theachtaireachtaí téacs nuair a bhíonn tú ag taisteal san Aontas, agus, ós rud é go bhfuil sonraí gan teorainn san áireamh i do chonradh, caithfidh d’oibreoir méid mór sonraí a chur ar fáil duit agus tú i mbun fánaíochta. Ba cheart do d’oibreoir móibíleach a rá leat i gcónaí cé mhéad atá i gceist le do liúntas fánaíochta sonraí, ach braitheann an méid cruinn atá agat ar an méid a íocann tú ar do chonradh. Ní mór dó a bheith ar a laghad dhá oiread an mhéid a fhaightear trí phraghas do chonartha mhóibíligh (gan CBL a áireamh) a roinnt ar €1.30 (is é sin an t-uasphraghas a chaithfidh d’oibreoir a íoc leis an oibreoir eachtrach as 1 GB de shonraí nuair a úsáideann tú do ghuthán i dtír eile den Aontas).
Cuir i gcás gur €13 (gan CBL a áireamh) an costas atá ar do bheart móibíleach, nach bhfuil aon teorainn ag gabháil leis ar ghlaonna, teachtaireachtaí téacs ná sonraí. Nuair a bhíonn tú i mbun fánaíochta san Aontas, ní bhíonn teorainn le glaonna ná le teachtaireachtaí téacs agus bíonn 20 GB ar a laghad de shonraí agat (2 x (€13 / €1.30) = 20).
Má sháraíonn tú do liúntas sonraí agus tú i mbun fánaíochta, d’fhéadfadh sé go mbeadh ort €1.30 breise a íoc in aghaidh an ghigibhirt de shonraí (+ CBL).

IS FÉIDIR. Íocfaidh tú na rátaí ceannann céanna le haghaidh glaonna agus teachtaireachtaí téacs (SMS) agus tú ag taisteal san Aontas agus a íocann tú i do thír bhaile. I gcás sonraí, má íocann tú in aghaidh an ghigibhirt agus má tá an praghas a íocann tú níos lú ná €1.30 in aghaidh an ghigibhirt, féadfaidh d’oibreoir teorainn méid fánaíochta a chur i bhfeidhm i leith sonraí. Ba cheart an teorainn sin a bheith ar a laghad ar an méid a fhaightear tríd an gcreidmheas atá fágtha ar do chárta réamhíoctha a roinnt ar €1.30 nuair a thosaíonn tú ag úsáid seirbhísí fánaíochta sonraí. Mar shampla, má tá €13 fágtha agat ar do chárta SIM nuair a thosaíonn tú ag fánaíocht, beidh 10 GB ar a laghad de shonraí fánaíochta agat (€13 / €1.30 = 10).

BEIDH, ach bí cúramach! Fad is atá do ghuthán póca nasctha le líonra móibíleach trastíre (e.g. ar aibhneacha, lochanna nó feadh an chósta) i dtír den Aontas, beidh tú ‘ag fánaíocht’ agus dá bhrí sin is féidir leat glaoch a chur, teachtaireachtaí téacs a chur agus seirbhísí sonraí a úsáid ar na praghsanna céanna atá agat sa bhaile. Mar sin féin, is le líonraí móibíleacha trastíre atá feidhm ag rialacha fánaíochta an Aontais, agus na líonraí sin amháin. Mar sin, le linn do thurais mara, más rud é go gcuirfear do sheirbhísí gutháin phóca ar fáil trí chineálacha eile líonraí raidió, cuir i gcás trí chórais satailíte na loinge, ní bheidh do ghlaonna, teachtaireachtaí téacs ná sonraí faoi réir uasteorainneacha táillí ceangailteacha an Aontais agus d’fhéadfadh sé go ngearrfaí táillí breise (suntasacha) ort. Más mian leat táillí breise a sheachaint, tá sé níos sábháilte an ghné fánaíochta a dhíghníomhachtú ar do ghléas nó mód eitilte a ghníomhachtú agus tú ar muir.

NÍ CHIALLAÍONN. Fad is a logálann do ghuthán isteach ar do líonra baile uair sa lá, meastar gur sa bhaile atá tú an lá sin agus ní i mbun fánaíochta. Ba cheart do do sholáthraí a mhíniú duit conas is féidir leat fánaíocht neamhbheartaithe a sheachaint.