Ceisteanna coitianta - Cad is gairm rialaithe ann?
Ní dhéantar mo ghairm a rialú i mo thír bhaile. An féidir liom a bheith ag obair sa ghairm sin i dtír ina ndéantar í a rialú?
Mura ndéantar do ghairm ná an oiliúint lena haghaidh sin a rialú i do thír bhaile, d’fhéadfadh sé go mbeadh ort a chruthú gur oibrigh tú sa ghairm sin ar feadh bliain amháin ar a laghad le 10 mbliana anuas sular féidir leat tú féin a bhunú i dtír eile ná seirbhísí a sholáthar ansin ar bhonn sealadach go fiú.
Cad is féidir liom a dhéanamh mura ndéantar an ghairm is mian liom a chleachtadh san Fhionlainn a rialú ansin: an féidir liom dul ann agus oibriú gan iarratas a dhéanamh ar aitheantas do mo cháilíochtaí Eastónacha?
Is féidir - Is féidir leat tosú ag cleachtadh san Fhionlainn faoi réir na gcoinníollacha céanna le muintir na Fionlainne. Mar sin féin, cé go bhféadfadh sé nach ndéantar do ghairm a rialú san Fhionlainn, ní fhéadfaidh sé gur gairm neamhspleách í ach cuid de ghairm eile a dhéantar a rialú. Déan a sheiceáil le pointe teagmhála na Fionlainne maidir le haitheantas a fháil do cháilíochtaí gairmiúla an amhlaidh a dhéantar do ghairm a rialú san Fhionlainn.
Is máistircheardaí Gearmánach mé agus is mian liom mo ghnó a leathnú chuig an Eilvéis. An bhfuil feidhm ag rialacha an Aontais maidir le cáilíochtaí gairmiúla a aithint?
Tá - Tá feidhm acu, dá réir sin, maidir le tíortha an Limistéir Eorpaigh Eacnamaíoch nach den Aontas iad (mar atá an Íoslainn, Lichtinstéin agus an Iorua), móide an Eilvéis. Mar sin féin, tá rialacha speisialta ann don Eilvéis. Chun eolas a fháil faoi na rialacha sin, déan teagmháil le pointe teagmhála na hEilvéise maidir le haitheantas a fháil do cháilíochtaí gairmiúla.
Is Iodálach mé. Cháiligh mé mar dhochtúir san Airgintín agus bhunaigh mé cleachtas ina dhiaidh sin sa Spáinn. An féidir liom an leigheas a chleachtadh san Iodáil faoi rialacha an Aontais?
Ní bhaineann rialacha an Aontais ach le haitheantas a thabhairt do cháilíochtaí a eisíonn tíortha an Aontais, agus roinnt rialacha speisialta ann don Eilvéis freisin. Níl aitheantas na Spáinne do do cháilíochtaí Airgintíneacha ina cheangal ar an Iodáil ach amháin má bhí tú ag cleachtadh sa Spáinn ar feadh 3 bliana ar a laghad sular lorg tú aitheantas san Iodáil.
I mo thír bhaile, an Bheilg, ní dhéantar mo ghairm a rialú. An féidir liom a bheith ag obair sa ghairm sin sa Fhrainc, áit a ndéantar í a rialú?
Mura ndéantar do ghairm ná an oiliúint lena haghaidh sin a rialú sa Bheilg, d’fhéadfadh sé go mbeadh ort a chruthú gur oibrigh tú sa ghairm sin ar feadh 2 bhliain ar a laghad le 10 mbliana anuas sular féidir leat tú féin a bhunú, ná seirbhísí a sholáthar ansin ar bhonn sealadach go fiú, sa Fhrainc. Ní mór glacadh le duillíní pá nó ráitis ó fhostóirí, ar choinníoll go ndéantar do ghníomhaíocht ghairmiúil a shainaithint go soiléir leo.