L-assemblea se tiltaqa' fl-Awditorju prestiġjuż ta' Conciliazione, fejn se tittella' wkoll ċerimonja speċjali. L-inizjattiva ġiet promossa mir-Reġjun ta' Lazio, fejn tinsab Ruma, u tirrappreżenta opportunità sabiex jikber l-għarfien tar-realtà u d-diversità tad-dimensjoni reġjonali jew territorjali tal-proġett Ewropew.
"Dikjarazzjoni ta' l-ibliet u r-reġjuni għall-Ewropa" politika se tiġi adottata waqt iċ-ċerimonja. Din għandha tenfasizza t-temi u l-objettivi prinċipali li l-pubbliku u l-awtoritajiet lokali u reġjonali jaraw bħala prijoritajiet, kif ukoll il-mezzi biex dawn intlaħqu. Id-dikjarazzjoni tintbagħat lill-Kunsill Informali ta' l-Ewropa, ġabra ta' kapijiet ta' l-Istat u tal-Gvern, li jiltaqa' f'Berlin fil-25 ta' Marzu 2007.
Għaċ-ċerimonja jattendu l-President tar-Repubblika Taljana Giorgio Napolitano, kif ukoll politiċi Taljani oħra u rappreżentanti ta' l-istituzzjonijiet Ewropej u l-gvernijiet nazzjonali.
Min ser jieħu sehem?
Għall-avveniment jattendu t-344 membru tal-Kumitat tar-Reġjuni, magħmul minn rappreżentanti ta' l-awtoritajiet reġjonali u lokali Ewropej, kif ukoll minn politiċi Taljani u rappreżentanti ta' l-istituzzjonijiet Ewropej u l-gvernijiet nazzjonali.
