Peress li jiffinanzja t-taħriġ u l-attivitajiet antidiskriminatorji, Il-fond soċjali Ewropew
(ESF) jikkontribwixxi għat-tnaqqis tad-differenzi ekonomiċi u soċjali bejn il-pajjiżi ta' l-UE. Huwa jikkonċentra l-aktar fuq l-ifqar żoni ta' l-Ewropa. Il-missjoni tiegħu hija li jgħin l-aktar gruppi vulnerabbli fis-suq tax-xogħol – ħaddiema mdaħħla fiż-żmien, iż-żgħażagħ, persuni b'diżabilità u l-minoranzi etniċi – biex isibu jaħdmu.
Il-proġetti ta' l-ESF ikopru firxa wiesgħa ta' kwistjonijiet, mit-twaqqif taċ-ċentri għat-taħriġ fl-Irlanda għaż-żgħażagħ li ma lestewx l-edukazzjoni, għall-ħolqien ta' proġrammi fi Spanja biex jgħinu lill-poplu Roma jtejjeb il-kapaċitajiet tax-xogħol tiegħu. Proġett Awstrijak
jgħin lill-eks-ħabsinjerġgħu jintegraw rwieħhom fis-soċjetà: "l-irġiel u n-nisa li jieħdu dan il-kors jiġu minn kull livell ta' ħajja. Ħafna minnhom għandhom passat mimli problemi personali, bħall-vizzju tad-droga, djun, alkoħoliżmu, u ftit li xejn ikollhom kwalifiki" qal is-sur Hanser-Mantl li huwa responsabbli mill-proġett.
Qed jiġu organizzati avvenimenti madwar l-Ewropa kollha sabiex iqajmu l-għarfien dwar l-opportunitajiet offruti mill-ESF. Konferenza u wirja fotografika itinerarja se jinawguraw l-anniversarju, 28 u 29 ta' Ġunju, f'Potsdam, il-Ġermanja. L-avvenimenti se jħarsu lejn il-kisbiet imgħoddija tal-Fond u juru l-proġetti tal-ġejjieni għall-perjodu 2007-13 . Fil-Ħarifa, il-wirja se tmur Brussell, Malta, ir-Renju Unit u l-Portugall.
