Samit ta' l-UE – intlaħaq ftehim dwar it-trattat ta' riforma.

Ftit osservaturi kienu jemmnu li dan il-pass kien possibbli. Madankollu l-UE rnexxielha toroġ aktar b'saħħitha minn qatt qabel mill-maratona ta' diskussjonijiet li ntemmu fis-sigħat bikrin tat-23 ta' Ġunju. Il-president tal-Kummissjoni Barroso ta merħba lir-riżultat: "għall-Unjoni kienet prova ta' kredibiltà li lħaqna ftehim Dan it-trattat ta' riforma juri li l-Ewropa għandha l-kapaċità li tieħu azzjoni."

Il-mexxejja ta' l-UE sabu soluzzjonijiet għal diversi kwistjonijiet diffiċli. It-test il-ġdid se jorbot legalment il-Karta dwar id-Drittijiet Fundamentali. L-UE se jkollha rappreżentant għoli għall-affarijiet barranin u l-politika dwar is-sigurtà u president permanenti, Kisbiet oħra jinkludu żieda fir-rwoli tal-parlamenti nazzjonali. Kif ukoll mis-sena 2014 in-numru ta' Kummissarji se jkun imnaqqas. 

Fil-blog  tagħha il-viċi-president tal-Kummissjoni Margot Wallström  tgħid li "Kien ferm importanti li nilħaqu ftehim dwar struttura u sistema ta' ħidma li tagħti lill-UE l-istrumenti neċessarji sabiex tilħaq l-isfidi tagħha tas-seklu 21 b'mod aħjar".

Il-voti "le" min-naħa ta' Franza u l-Olanda fl-2005 ma ġewx imħarsa. Issa konferenza intergovernattiva se teżamina t-tibdiliet li għandhom isiru fit-trattati eżistenti sabiex jagħmlu l-UE aktar effiċjenti wara l-aħħar tkabbir, issaħħaħ il-kredibiltà demokratika tagħha fost iċ-ċittadini tagħha u madwar id-dinja. Dan it-test huwa mistenni sa l-aħaħr ta' l-2007.

It-trattat il-ġdid għandu jkun ratifikat mill-pajjiżi membri kollha qabel l-elezzjonijiet tal-Parlament Ewropew fl-2009. Ladarba jkun ratifikat, it-trattat jidħol fis-seħħ fl-2009.

Stqarrija mill-President José Manuel Barroso  (3'53")

Siltiet mill-konferenza stampa tal-Presidenza  (5'13")

Kunsill ewropew ta' Brussel - 21/22 ta' ġunju 2007 - konklużjonijiet tal-presidenza

Dikjarazzjoni ta' Berlin [64 KB]