Induqu l-Ewropa madwar id-dinja

Fid-9 ta' Mejju – Jum l-Ewropa – sensiela ta' avvenimenti li jinvolvu l-ikel, it-teatru u l-arti se jseħħu madwar id-dinja biex ifakkru għeluq il-50 sena ta' l-UE.Fl-Indoneżja se jkun hemm festival speċjali ta' l-ikel "Togħma   Ewropea" fl-aqwa 28 lukanda ta' Jakarta.Mill-goulash Ungeriż sat-tortellini Taljani, id-diversità fil-wirt kulturali Ewropew se jintwera permezz tat-tradizzjonijiet kulinari varji u rikki tagħha.Fil-Bangladexx, koki żgħażagħ ser jieħdu sehem f'konkors tal-fużjoni ta' l-ikel Ewro-Bangla, li jżewwaq dawn iż-żewġ tradizzjonijiet ta' tisjir f'għażla ta' ikliet innovattivi.

Is-sħubija bejn iċ-Ċina u l-UE, l-"ispirtu Ewropew" u l-kulturi u l-ilsna Ewropej huma xi ftit mit-temiet f'wirja ta' l-arti li għandha żżur l-ibliet fiċ-Ċina u li tiftaħ fid-9 ta' Mejju.Fl-istess jum, xi 35 stazzjoni tat-televiżoni fl-Afrika se jxandaru programm speċjali dwar il-programmi ta' l-iżvilupp iffinanzjati mill-UE. Dan il-programm jiċċelebra 40 sena ta' ħbiberija bejn l-UE u l-Kamerun .

Il-Malawi wkoll tiċċelebra 40 sena ta' ħbiberija ma' l-UE din is-sena.Din ir-relazzjoni politika, ekonomika u kulturali wiesgħa se tkun irrappreżentata mit-tfal ta' l-iskola tal-Malawi f' kompetizzjoni artistika  . Il-pitturi rebbieħa jkunu stampati bħala bolol nazzjonali.

Bolla ġdida nazzjonali impinġija mit-tfal biex tfakkar għeluq il-50 sena ta' l-UE ser tkun ippreżentata wkoll fid-9 ta' Mejju fit-Tanżanija.Fl-istess jum, grupp teatrali se jkun qed juri lit-tfal tat-Tanżanija leġġendi u ħolm dwar l-Ewropa b'mod ċajtier. Dawn jirreċtaw bl-ilsien 'Swanglish", lingwa popolari li tħallat l-Ingliż u l-Iswaħili.

Il-Ġappun għandu jfakkar Jum l-Ewropa bi żjarar f'50 skola f'Tokjo u madwaru minn ambaxxaturi u diplomatiċi Ewropej. Hemmhekk se jiddiskutu kwistjonijiet Ewropej ma' l-istudenti.