L-għanijiet ewlenin huma li ngħollu l-profil tal-kultura diversa Ewropea fuq livell mondjali u li nżidu l-kompetittività ta' l-industrija awdjoviżiva tagħna. MEDIA 2007 għandu jissimplifika l-aċċess għall-finanzjament għall-industrija tal-films Ewropea, u dan ser jgħin l-aktar lill-kumpaniji ż-żgħar. Il-programm se jappoġġja wkoll l-użu ta' teknoloġiji diġitali permezz tat-taħriġ ta' professjonijsti, l-immodernar tas-swali u l-iżvilupp tal-modi ta' distribuzzjoni.
Il-programm il-ġdid jikkonċentra fuq l-istadji tal-pre u l-post produzzjoni fil-proċess ta' l-iffilmjar, imma mhux se jiffinanzja l-proċess innifsu. Il-baġit huwa mifrux fuq ħames oqsma ewlenija: id-distribuzzjoni (55%), l-iżvilupp (20%), il-promozzjoni (9%), it-taħriġ (7%), azzjonijiet orizzontali u proġetti pilota (9%).
Il-programm MEDIA ilu jiffunzjoni mill-1991 u appoġġja eluf ta' films Ewropej madwar il-kontinent. L-eżempji jinkludu: L’Auberge espagnole, Goodbye Lenin, Le Fabuleux destin d'Amelie Poulain, March of the Penguins, The Pianist, Das Leben der Anderen and Volver.
Fl-1 ta' Jannar 2007, ir-Rumanija saret il-31 membru tal-programm MEDIA (EU27 + l-Iżlanda, il-Liechtenstein, in-Norveġja u l-Isvizzera).
Kont taf li l-programm MEDIA:
- jappoġġja 300 film ġdid Ewropew fis-sena?
- jappoġġja nofs il-films Ewropej li tmur tara fiċ-ċinema?
- jiffinanzja aktar minn 100 festival tal-films madwar l-Ewropa kull sena?
- jappoġġja d-distribuzzjoni ta' 9 minn kull 10 films fl-Ewropa li jkunu distribwiti barra minn pajjiżhom?
Kull euro tal-MEDIA hija mqabbla ma €6 mill-investiment privat fl-industrija.
Jekk jinteressak issir taf dwar l-opportunitajiet tal-finanzjament, nitolbuk tikkuntattja l-uffiċċju nazzjonali jew reġjonali ta' MEDIA.
Aktar tagħrif fuq MEDIA
ara wkoll: MEDIA factsheet
(3'23")