Aċċess aktar faċli għall-kura medika barra minn pajjiżek

Kemm jekk int Spanjol fuq xogħol f'Londra jew Pollakk tixxemmex fuq il-kosta Taljana - l-ivvjaġġar fl-Ewropa żgur li qatt ma kien daqshekk faċli. Imma x'tista' tagħmel jekk timrad?

Il-Kard ta' l-assigurazzjoni tas-saħħa Ewropea (li tkopri 31 pajjiż ) tiżguralek il-kura medika waqt żjara f'pajjiż ieħor Ewropew u tiggarantilek rimbors mill-awtorità tas-saħħa meta tmur lura f'pajjiżek. Il-kard hija bxejn u ma jkun fiha l-ebda tagħrif mediku. Ikkuntattja l-uffiċċju ta' l-assigurazzjoni tas-saħħa lokali tiegħek biex tiksibha.

Jekk issiefer speċifikament għall-kura, japplikaw regoli differenti Normalment, l-ispejjeż tiegħek ikunu koperti biss jekk il-pajjiż fejn tkun assigurat jirrikonoxxi t-trattament. F'dan il-każ, għandek titlob l-awtorizzazzjoni meħtieġa mill-uffiċċju ta' l-assigurazzjoni tas-saħħa tiegħek qabel ma titlaq.

Kull pajjiż għandu s-sistema tas-sigurtà soċjali tiegħu. Ir-regoli ta' l-UE jikkoordinaw, imma ma jistandardizzawx dawn is-sistemi. Dan ifisser li l-pajjiżi huma liberi li jiddeċiedu liema benefiċċji jipprovdu, sakemm jirrispettaw il-prinċipju tat-trattament ugwali u tan-non-diskriminazzjoni.

Il-websajt ta' l-UE dwar il-kura medika barra minn pajjiżek